Новости за 25.10.2023

د برېتانیا د پوځ لوی درستیز وايي چې په افغانستان کې د برېتانوي سرتېرو له خوا د ملکي وګړو د وژنو د ادعاوو په اړه د څېړنو بشپړ ملاتړ کوي. امیرالبحر ټوني رادکین چېپرون د دې قضیې په تړاو موظفې کمېټې د ځواب ویلو لپاره راغوښتی و، په یوه بیان کې ویلي چې دی او د دفاع وزارت ټوله مشرتابه د دې څېړنو ملاتړ کوي. د برېتانیا د دفاع وزارت له خوا موظفه شوې کمېټه هغه ادعاوې څېړي چې وايي، د برېتانیا ځانګړو ځواکونو د ۲۰۱۰ او ۲۰۱۳ کلونو تر منځ لسګونه بې ګناه ملکي افغانان چې ماشومان هم پکې وو وژلي دي ،په داسې حال... Читать дальше...

د غزې په تړانګه کې د روغتیا وزارت وايي چې د تېرې شپې په ترڅ کې د اسراییلو په هوايي حملو کې ۷۰۰ فلسطینیان وژل شوي دي. د دې وزارت ویاند اشرف القِدره په یوه بیان کې دا د غزې له کلابندۍ وروسته د ۲۴ ساعتونو په ترڅ کې د اسراییلو په بمباریو کې د فلسطینیانو د مرګ ژوبلې تر ټولو لوړه شمېره بللې. د حماس د روغتیا وزارت ویلي دي چې د اکتوبر په اوومه پر اسراییل د حماس ډلې له برید وروسته په تېرو دوو اونیو کې د اسراییلو په هوايي حملو کې د ۲۳۶۰ ماشومانو په ګډون لږترلږه ۵۷۹۱ کسان وژل شوي دي.

د برېتانیا د پوځ لوی درستیز ویلي دي چې په افغانستان کې د ځانګړو ځواکونو لخوا د ادعا شوو وژنو په اړه څیړنه به "د ځینو لپاره احساساتي او نا آرامه پروسه" وي. امیرالبحر ټوني رادکین چي سه شنبه د افغانستان د دې قضیې په تړاو ټاکلې کمېټې ته د ځواب ویلو لپاره وربلل شوی و، په خپل بیان کې وویل چې دی او د دفاع وزارت ټوله مشرتابه له دې څېړنو بشپړ ملاتړ کوي. هغه زیاته کړه. "زموږ دریځ واضح دی چې دې مسله کې زموږ د شهرت توجیه او د اوس او راتلونکي لپاره د خلکو د باور ساتل شامل دي - او دا سمه ده چې د غیرقانوني... Читать дальше...

ریچارډ بنېټ وايي د طالبانو ځپونکو اقداماتو او تګلارو د بشري حقونو وضعه ډېره خرابه کړې او په دې سربېره افغانستان له یو لړ نورو ننګونو سره هم مخ دی چې پکې روان بشري او اقتصادي ناورین، وروستۍ مرګونې زلزلې او له بهره د افغانانو ډله ییز جبري راستنېدل شامل دي. د افغانستان د بشري حقونو لپاره د ملګرو ملتونو ځانګړي راپورتر ښاغلي بنېټ سه شنبه په نیویارک کې د ملګرو ملتونو عمومي اسمبلې ته د افغانستان په اړه خپل وروستی راپور وړاندې کړ. هغه په خپلو بیانونو کې ټينګار وکړ چې په افغانستان او سیمه کې د لا زیاتو... Читать дальше...

د خوړو نړیوال پروګرام (WFP) وايي، سخت او ستونزمن ژمي ته یوازې یوه میاشت پاتې ده، خو د ۲۱ میلیونو ډالرو په مرستې سره تر ټولو زیانمنو خلکو ته خوراکي توکي رسولی شي. د خوړو نړیوال پروګرام پرون په خپله ایکس پاڼه له نړیوالو مرستندویانو همکاري غوښتې مخکې له دې چې واورې په افغانستان کې د کلیوالو سیمو لارې وتړي. تر دې مخکې اروپايي ټولنې د افغانستان په څو ولایتونو کې د زده کوونکو د ملاتړ په هدف د خوړو نړیوال پروګرام سره نهه میلیونه او نهه سوه زره یورو مرسته اعلان کړې. د خوړو نړیوال پروګرام وايي په افغانستان... Читать дальше...

په بغلان کې طالب چارواکي وایي یو سپین ږیری سړی یې له بنده ازاد کړی دی. د بغلان د امنيې قوماندانۍ مطبوعاتي دفتر پرون سه شنبه د يوې خبرپاڼې په خپرولو سره ويلي چې دغه سړى له ١٥ مياشتو راهيسې د پلخمري په حسين خېلو سيمه کې د خپل زوی له خوا په بند کې ساتل کېده. اعلاميې د دغه سړي او د هغه د زوى نوم ياد نه کړ، خو ويې ويل، چې د موضوع د روښانه کولو لپاره يې پلټنې پيل کړې دي. څو اونۍ وړاندې د بخت بي بي په نوم د یوې ښځې د ژغورنې خبر هم چې ویل کېږي ۲۵ کاله یې د خپل ورور په کورني زندان کې تېر کړي وو، ګڼ عکس العملونه وپارول.

د ملګرو ملتونو سرمنشي انتونیو ګوترش د اسرائیل او حماس تر منځ په جګړه کې له نړیوال بشردوستانه قوانینو څخه د سرغړونې یادونه وکړه او زیاته یې کړه چې په جګړه کې ښکېله هېڅ ډله له قانون څخه پورته نه ده. ګوترش دغه څرګندونې پرون سه شنبه (اکتوبر۲۴) د ملګرو ملتونو د امنیت شورا په غونډه کې په داسې حال کې وکړې چې اسراییل پر غزې بمبارۍ ته دوام ورکړی دی. د ملګرو ملتونو عمومي منشي غزې ته د بشري مرستو رسولو د اسانتیا لپاره د سمدستي بشري اوربند غوښتنه وکړه. ګوتریش تر اوسه غزې ته د درېیو مرستندویه کاروانونو... Читать дальше...

د افغانستان د فوټبال فدراسیون وایي ډېر ژر به ملي ټیم ته یو نوی سر روزونکی وټاکي چې په کابل کې به له نویو ملي لوبغاړو سره تمریني کمپ پيل کړي. د فوټبال فدراسیون ویاند مصطفی هاشمي وروسته له هغه دا خبره ازادي راډیو ته وکړه چې د ملي ټيم یو لړ مطرحو لوبغاړو له هغې ډلې امید پوپلزي، فیصل شایسته او ځینو نورو د فوټبال فدراسیون چارواکي په مالي فساد تورن کړی. اکثرو دغو لوبغاړو په یوه واحد بیان سره چې په خپلو ټولنیزو پاڼو یې خپور کړی، د فوټبال فدراسیون مشران تورن کړي چې د ملي ټيم د سفرونو د ټکټونو پيسې حیف... Читать дальше...

د افغانستان د بشري حقونو لپاره د ملګرو ملتونو ځانګړي راپورتر له پاکستانه د لکونو افغانانو د ایستلو په پلان باندې اندېښنه څرګنده کړه. ښاغلي بنېټ سه شنبه د ملګرو ملتونو عمومي اسمبلې ته د وینا پر مهال زیاته کړه، له ګڼو دغو افغانانو سره یې له نږدې خبرې کړي چې د ځورونو، ناقانونه نیونو او زور زیاتي څخه شکایتونه لري. هغه زیاته کړه چې د پاکستان د تازه پلان په اساس ښايي تر یو میلیون او څلور لکه افغانان له دغه هېواده وایستل شي چې په ډله کې یې ګڼ خلک د ځان د خوندیتوب لپاره افغانستان پرېښی وو. بنېټ ټينګار... Читать дальше...

ګڼو نړیوالو، پاکستاني او هندي ورځپاڼو د کرکټ په نړیوال جام کې د پاکستان په وړاندې د دوشنبې په ورځ د افغانستان د بریا په اړه لیکنې او تبصرې خپرې کړي دي او دا یې په نړیوال جام کې یوه تاریخي بریا بللې ده. پاکستانۍ ډان ورځپاڼې په دې اړه یوه لیکنه خپره کړې چې سرلیک یې دی: "د افغانستان له خوا تر ځپل کیدو وروسته پاکستان د پټیدو ځای نه لري. " لیکنه د پاکستان د کرکټ د لوبډلې د کیپتان بابر اعظم په اړه وايي چې ډیر کله له لوبې وروسته له خبري غونډې ځان تیروي؛ په ځانګړې توګه کله یې چې لوبه بایللې وي. خو... Читать дальше...