Новости за 04.08.2021

Президенти ИМА Ҷо Байден аз волии Ню-Йорк Эндрю Куомо хост, ки бар асоси таҳқиқи бетарафонаи делалеҳои озори ҷинсии занон бояд аз мақомаш истеъфо диҳад.  Байден бо ишора ба ҳамҳизбаш ва волии собиқадор гуфт: “Назари ман ин аст, ки ӯ бояд истеъфо диҳад”. Аксари иттиҳомоти зидди волии  Ню-Йорк зимистони соли гузашта аз забони чандин зан садо дода буд. Он замон Байден гуфт, ки агар таҳқиқи бетарафона гунаҳгор будани Куоморо собит кунад, ӯ бояд аз мақомаш истеъфо диҳад. Рӯзи 3-юми август Байден дар Кохи Сафед гуфт: "Фикрам дигар нашудааст”. Читать дальше...

Президент Ҷо Байден рӯзи 3-уми август эълон кард, ки поёни моҳи август ИМА 500 миллион дона воксинаи сохтаи ширкатҳои Pfizer/BioNTech-ро ба 100 кишвари даромадаш кам тақдим хоҳад кард. Ба гуфтаи президенти ИМА, ин кишвар аллакай беш аз 110 миллион дона воксинаро ба 65 давлат хайр кардааст ва, ба иттилои СММ, “ин беш аз саҳми ҳамаи 24 давлати ҷаҳон, аз ҷумла Русия ва Чин аст, ки то ҳол ба дигар кишварҳо воксина хайр кардаанд”. Байден гуфт, дар ҳафтаҳои боқимонаи тобистон ИМА даҳҳо миллион дона воксина... Читать дальше...

Ҷамолиддин Абдуллозода, вазири тандурустии Тоҷикистон, пас ду ҳафтаи латукӯб шудан аз сӯйи хоҳарзодаҳои раиси ҷумҳурӣ, дар аксҳое намудор шуд.

Варзишгари беларусӣ Кристина Тимановская, ки нахост ба талаби мақомоти варзишии кишвараш итоат карда ба Минск баргардад, субҳи 4-уми август  бо ҳавопаймои хатсайри Токио-Вена ба Аврупо парвоз кард. Интизор меравад, ки аз он ҷо ин варзишгар, ки аз режими саркӯбгаронаи Александр Лукашенко фирор кардааст, ба шаҳри Варшаваи Полша сафар мекунад. Мақомоти Полша дар Ҷопон ба ӯ визаи гуманитарӣ тақдим карданд. Ҳавопаймо қарор аст баъди соати 16 дар Вена фуруд ояд ва феълан маълум нест, ки оё ӯ аз он ҷо ба Полша парвоз хоҳад кард ё на. Читать дальше...

Додгоҳи шаҳри Самарқанд варзишкори 25-соларо, ки мехост тифли чаҳоррӯзаи худро ба 2,5 ҳазор доллар фурӯшад, 4,5 сол аз озодӣ маҳрум кард. Ба иттилои мақомоти ҳифзи ҳуқуқи Самарқанд, модари кудак варзишкори маъруф ва қаҳрамони шашкаратаи Узбекистон аст. Вале гуфта нашудааст, ки ӯ дар кадом навъи варзиш қаҳрамон мебошад. Тибқи иттилои расмӣ, падари кудак ҷавоне аст, ки ҳамроҳи духтар тамрин мекард. Варзишкорро ҳангоми фурӯхтани кудак дастгир кардаанд.

Рӯзноманигори белорусӣ Сергей Гордиевич бо ҷурми таҳқири президенти он кишвар Александр Лукашенко ва "туҳмат"-и ду корманди пулис 18 моҳ аз озодӣ маҳрум шуд. Нозирони умур ҳукми рӯзноманигори 50-соларо яке аз нишонаҳои таъқиби дастаҷамъонаи ҳомиёни ҳуқуқ, фаъолон ва расонаҳои мустақил дар Белорус меноманд. Иттиҳоди рӯзноманигорони Белорус гуфт, додгоҳ ҳамчунин Сергей Гордиевичро вазифадор кардааст, ки дар ҳаҷми наздики 1600 доллари амрикоӣ ҷарима пардозад. Зидди рӯзноманигор баъди як навиштааш дар паёмакрасони Телеграм... Читать дальше...

Ҷонибдорон мегӯянд, маҳдудиятҳои вобаста ба коронавирус барои пешгирӣ аз густариши беморӣ ва маргу мири сокинон муҳим аст. Мухолифон мепурсанд, ки дар он сурат ризқу рӯзии худу фарзандонро аз куҷо хоҳанд ёфт? Ситоди муқобила бо коронавирус хомӯш аст.