Новости за 30.04.2022

2000-жылдары Бүбүсара Бейшеналиева атындагы искусство институтунун театр жана кино факультетинин актердук бөлүмүнө кабыл алуу сынагы жүрүп жаткан. Жыйырма чакты улан-кыз сынакка катышканы келди. Арасынан шыңга бойлуу, кыймылы олдоксон кыз көзгө урунду. Анын кыймылынан айылда чөп чаап, картошка сугарып, уй саап, кара жумушка бышканын көрүүгө болот эле. Кепке тартсам, өтө эле тартынчаак, уяң экен. Бакырайган көздөрүн ачып-жуумп отурат. - Аты-жөнүң? - Албина Имашева. - Кайдан келдиң? - Ысык-Көлдөн... - Монолог... Читать дальше...

Президент Садыр Жапаровдун 30-апрелдеги жарлыгы менен жергиликтүү соттордун айрым судьялары башка жакка которулду. Президенттин сайтында жазылгандай, бул кызыкчылыктардын кагылышуусун, коррупциянын алдын алуу, жергиликтүү судьялардын ишинде калыстыкты камсыз кылуу максатында жүргүзүлдү. Маалыматта айрым судьялар Жогорку сот төрагасы Замирбек Базарбековдун сунушуна ылайык башка жактарга которулганы жазылган. Жарлыкта башка жактарга которулган дээрлик бардык райондук, шаардык жана облустук соттордун айрым судьяларынын тизмеси тиркелген. Читать дальше...

Тагдыр таржымалымдын мурдагы баянында 1992-жылдан кийин Тажикстанда саясий, экономикалык, социалдык абал начарлап кеткени, ошол себептен Кыргызстандын жогорку окуу жайларына келишим боюнча ажыратылган квота менен кабыл алынган этникалык кыргыз студенттердин да абалы оорлогону, “Боордоштор” коомунун ага карата уюштурган кайрымдуулук иш-чаралары айтылган эле. Бул макалада ошол жылдары Жерге-Тал районунан Фрунзеге келип иштеп жүргөн жана жогорку окуу жайларында билим алып жаткан жаштарды калаанын чет жакасындагы жерге отурукташтыруу... Читать дальше...

Министрлер кабинетинин төрагасы Акылбек Жапаров бүгүн, 30-апрелде өкмөттүн жыйынына катышып, Айыл чарбасын каржылоо" долбоорунун алкагында жеңилдетилген насыяларды берүүдөгү кемчиликтерди белгиледи. "Эгемендик тарыхыбызда алгач ирет агроөнөр жай тармагын өнүктүрүүгө рекорддук 26 млрд сом бөлүнүүдө, бирок бул иштин жыйынтыгын көрө албай жатабыз. Мен иштин реалдуу натыйжаларын, бүткүл агроөнөр жай комплексинин жогорулашын көргүм келет." Өкмөт башчы ошондой эле бардык министрликтерге өз карамагындагы... Читать дальше...

Ооганстандын борбору Кабулдагы Халифа Сахиб мечитинин башчысы Сайед Фазил жардыруудан өлгөндөрдүн саны 50 адамга жеткенин кабарлады. Анын айтуусунда, жанкечти жума намазга жыгылгандардын ичинде болгон. Жардыруу болгон мечитте Орозо айынын акыркы жума намазы окулуп жаткан. Мурдараак расмий бийлик жардыруудан 10 адам өлүп, 30 киши жараат алганын кабарлаган. Ал эми атын айтпаган медициналык кызматкер Reuters агенттигине ооруканага 65тен ашуун адамдын сөөгү жана 80ге чукул жараат алган адамдар жеткирилгенин маалымдаган. Читать дальше...

Бишкектин Байтик баатыр көчөсүндө көп кабаттуу үйдөн чыккан өрттү өчүрүү уланууда. Өзгөчө кырдаалдар министрлигинин маалыматына караганда, өрттү өчүрүүгө 4 бригада тартылган. Тилсиз жоодон жабыркагандар тууралуу азырынча маалымат жок. Бишкектин Байтик баатыр көчөсүндө көп кабаттуу үйдүн үстүңкү кабаты өрттөнүп жатканы тууралуу видео, сүрөттөр социалдык тармактарга жарыяланган.

28-апрель - эл аралык “Маалыматтык-байланыш технологиясындагы кыздар” күнүнө карата онлайн жыйын өттү. Анда эл аралык жана жергиликтүү эксперттер, санариптик технология жаатындагы ийгиликтүү кыз-келиндер өз тажрыйбаларын бөлүшүп, кыздар үчүн технологиядагы мүмкүнчүлүктөр тууралуу айтып беришти.  Онлайн-маектешүүнүн негизги баяндамачысы, экс-президент Роза Отунбаева кыздардын технологиядагы мүмкүнчүлүктөрү чексиз экенин белгиледи. "Биздин фонд 2013-жылдан баштап эле кыздар маалыматтык-технологиялык... Читать дальше...

“Эже-сиңдилер" берүүсүндө бул ирет кыргыз коомундагы эркектерге карата болгон басым, дискриминация жана стереотиптер тууралуу талкуу өттү.

1-майда түнкүсүн Ысык-Көл облусунун тоолуу райондорунда кар жаайт, калган аймактарда жаан-чачын болбойт. Күндүз күн ачык болот. Бийик тоолуу райондордо жолдор тайгак болот. Абанын температурасы: Чүй облусунда түнкүсүн 9…14, күндүз 27…32; Талас жергесинде түнкүсүн 9…14, күндүз 26…31; Баткен, Ош, Жалал-Абад дубандарында ​түнкүсүн 13…18, күндүз 29…34; Ысык-Көл жана Нарын облустарында түнкүсүн 3…8, күндүз 18…23; Бийик тоолуу аймактарда түнкүсүн -2…-7, күндүз 6…11; Бишкекте жаан жаабайт. Читать дальше...

29-апрелде Баткен шаарында өткөн жылы кыргыз-тажик чек арасындагы куралдуу жаңжалда курман болгондор эскерилди. Иш-чарага облус жетекчилери, Жогорку Кеңештин депутаттары, өкмөттүн жана жергиликтүү бийлик өкүлдөрү, курман болгондордун жакындары катышты. Эскерүү каза болгон жарандардын жакындары үчүн курулган Баткен шаарынын четиндеги ”Мадина” шаарчасында уюштурулду. Облус башчысы Абдикарим Алимбаев былтыр 28-30-апрель күндөрү Баткен облусу үчүн унутулгус, тарыхый, оор күн болуп калганын белгилеп, жакындарынан айрылгандарга көңүл айтты. Читать дальше...

Билим берүү жана илим министрлиги бекиткен жадыбалга ылайык, мектеп бүтүрүүчүлөрүнүн жалпы республикалык тестирлөө (ЖРТ) сынагы үч этап менен өтөт. Ага ылайык, 1-этап - 24-25-май күндөрү; 2-этап - 27-28-май күндөрү; 3-этап - 24-25-июнда болот. Акыркы жолкусуна мурунку этаптарда жүйөлүү себептер менен сынак тапшыра албай калгандар катышат. Жалпы республикалык тестирлөө сынагына катталбай калган бүтүрүүчүлөр тест борборлорунда 23-26-май күндөрү жана 23-июнда жазылса болот. ЖРТга катышуу үчүн каттоо 16-февралда башталып... Читать дальше...

Апрель айынан баштап мугалим, дарыгер жана маданият кызматкерлеринин айлык акысы көтөрүлдү. Мектепте сабак берген агартуучу мурдагыга караганда эки эсе көп акча алса, дарыгердин маянасына 50% кошулган. Бул мамлекеттин кызматтын баркын жана сапатын көтөрүү үчүн жасалган кадам катары бааланууда. Ошол эле учурда Жогорку окуу жайларда сабак бергендердин көбүнүн акчасы мурдагыдай эле калган. "Айлыгыбыз эки эсе көбөйдү" Нарындын Жумгал районунда мугалим болуп иштеген Темир Моконовдун айлыгы бир-эки күндө колуна тийгени турат. Читать дальше...

Манас районундагы төрт айылдын элин облус борбору менен байланыштырган жол жыл сайын оңдоодон өткөнү менен көпкө узабай иштен чыккан. Жергиликтүү эл жолдун азабын тартканын айтышууда.

Мындан беш жыл мурда Аюу-Сай айылындагы жер көчкү 24 адамдын өмүрүн алган. Көчкү коркунучу бар айылдан кетпей жаткандар азыр деле бар. "Азаттык" Аюу-Сайдагы жергиликтүүлөрдөн кабар алып кайтты.

Жалал-Абад шаардык ветеринардык жана фитосанитардык коопсуздук башкармалыгынын жетекчиси коррупцияга шек саналып кармалганын Улуттук коопсуздук боюнча мамлекеттик комитети (УКМК) кабарлады. Маалыматта жазылгандай, УКМКнын Жалал-Абаддагы башкармалыгы ветеринардык иш-кагаздарын жасалмалап, малды экспорттоо боюнча туруктуу коррупциялык схеманы аныктаган. Ал схемага Жалал-Абад шаардык ветеринардык жана фитосанитардык коопсуздук башкармалыгынын жетекчиси Ш .Н .нын тиешеси бар деп шек саналууда. ... Читать дальше...

Ички иштер министрлигинин (ИИМ) Криминалистика кызматынын башчысы Канат Иманалиев "ишиндеги кемчиликтер жана ишти уюштуруудагы алсыздыгы үчүн" ээлеген ордунан бошотулду. Мындай буйрукка ички иштер министри Улан Ниязбеков 29-апрелде кол койгонун ИИМдин басма сөз кызматы кабарлады. Маалыматта жазылгандай, министрдин чечими ИИМдин жарым жылдык жыйынтыгын караган коллегиясынан кийин чыгарылган. Коллегия учурунда ишиндеги кемчиликтер жана мүчүлүштүктөр үчүн бир катар жетекчилерге да чара көрүлөрү айтылган. Читать дальше...

Коронавируска каршы ыкчам штабдын маалыматына караганда, 30-апрелге карата Кыргызстанда COVID-19 вирусун жуктурган адам катталган жок. Ушул тапта ооруга мурда чалдыккан тогуз бейтап үйүндө дарыланып жатат. 2020-жылдын мартынан бери коронавируска 200 992 адам чалдыгып, 2 991 киши оорудан көз жумган. 196 400 адам илдеттен сакайган. 12-марттан тартып Кыргызстанда коомдук жайларда сөзсүз беткап тагынуу талабы дээрлик жоюлду. Мындай талап медицина мекемелеринен жана коомдук транспорттон башка жерлерде коюлбайт. Читать дальше...