Новости за 17.05.2022

Тажикстандын «Азия-Плюс» агенттиги бийликтин кысымынан улам Тоолуу Бадахшан автономдуу облусундагы соңку окуяларды чагылдыруудан баш тартканын билдирди. Агенттик 17-майда алар жабылуу коркунучуна кабылганын белгиледи. “Буга чейин "Азия-Плюс" Башкы прокуратурадан расмий жана башка структуралардан бейрасмий эскертүү алган. Алар биздин басылма Тоолуу Бадахшандагы окуяларды “бир тараптуу” чагылдырууда жана өлкөдөгү кырдаалды бейстабилдештирүүдө деп эсептешет”, - деп билдирди агенттик. Маалыматка караганда... Читать дальше...

Бишкекте 2021-жылы уурдалып, киши колдуу болгон Айзада Канатбекованын апасы Назгүл Шакенова адам өмүрүн алган окуя боюнча укук коргоо органдары иштебей жатканын айтып, бийликке кайрылуу жасады. Ал кызынын өлүмүнө алып келген окуяны алдын алуу, тез аракеттенүүдө кайдыгерлик кылган милиция кызматкерлери жоопко тартылбай жатканын айтып, аларды жазалоону талап кылган. Милиция кызматкерлеринде Айзаданы сактап калууга толук мүмкүнчүлүгү болгонуна карабай, көңүлкош мамиле жасап "кызы бойго жеткенин... Читать дальше...

18-майда түнкүсүн Ысык-Көл облусунун кээ бир райондорунда өткүн өтөт, бийик тоолордө кар жаайт, калган аймактарда жаан-чачын жаабайт. Күндүз Талас, Ош, Жалал-Абад, Баткен облустарынын көпчүлүк аймактарында, Чүй, Ысык-Көл, Нарын облустарынын кээ бир райондорунда өткүн өтөт, бийик тоолуу аймактарда кар жаайт. Батыш тараптан келген шамалдын ылдамдыгы секундасына 4-9 метрге, кээ бир райондордо 15-20 метрге жетет. Абанын температурасы: Чүй облусунда түнкүсүн 10...15, күндүз 24…29; Талас жергесинде түнкүсүн 8...13... Читать дальше...

Кыргыз Республикасынын эл артисти, көрүнүктүү кинорежиссёр Геннадий Базаровдун 80 жылдык мааракеси Гапар Айтиев атындагы көркөм сүрөт музейинде белгиленди. Майрамдык иш-чарага белгилүү мамлекеттик жана коомдук ишмерлер, маданият өкүлдөрү катышты.

Кыргызстанда балдарга карата жыныстык зомбулук көрсөткөн кылмышкерлердин жазасын катуулатуу боюнча мыйзам долбоору иштелип чыкты. Документ бүгүн 17-майда Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана парламенттик регламент боюнча комитетинде каралып, биринчи окууда бир добуштан кабыл алынды. Автор депутат Марлен Маматалиевдин айтымында, Кылмыш-жаза кодексине жана мунапыс берүү жөнүндөгү мыйзамга өзгөртүүлөр сунушталууда: “Статистиканы карасак, 2021-жылы балдарга карата 3034 кылмыш жасалса... Читать дальше...

Бириккен Улуттар Уюмунун миграцияга байланышкан биринчи эл аралык форумуна Кыргызстандын мигранттарынын профсоюзунун түптөөчүсү Гүлнара Дербишова катышып жатканын аталган мекемеден 17-майда “Азаттык” радиосуна маалымдашты. БУУнун башкы Штаб-квартирасында 16-майда башталган форумда Гүлнара Дербишова атайын баяндама да жасайт. Глобалдык аянтча мыйзамдуу жана коопсуз миграцияга байланыштуу бардык маселелерди талкуулоо үчүн уюштурулган. БУУнун Башкы ассамблеясы миграцияга тиешелүү тараптардын өкүлдөрү... Читать дальше...

Сузактын Кара-Дарыя айыл аймагын аралап аккан Кара-Дарыя дарыясында суунун деңгээли көтөрүлүп, болжолдуу 500 гектарга жакын жер суу алдында калды. Анын 100 гектары элдин үлүш жери болгон. Дыйкандардын күрүч талаасы шагыл ташка толуп, быйылкы кирешеден кол жуушту.

“Элдик курултай жөнүндө” конституциялык мыйзам долбоорунун концепциясы парламенттеги алгачкы талкууда колдоо тапкан жок. Эреже боюнча, долбоорлор алгач тийиштүү комитеттен өтүүсү зарыл. Бул долбоор бүгүн 17-майда Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана парламенттик регламент боюнча комитетинде биринчи окууда кызуу талкууланып, добуш берүүнүн жыйынтыгында кабыл алынган жок. Негизги талкуу концепциядагы “жергиликтүү курултайлар” деген аныктаманын тегерегинде чыкты. Читать дальше...

Курултай тууралуу мыйзам талкууланып жатканда бүгүн 17-майда Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана парламенттик регламент боюнча комитетинде депутат Элмурза Сатыбалдиев менен мыйзамдын долбоорун иштеп чыккан жумуш тобунун жетекчиси, президенттин кеңешчиси Чолпонбек Абыкеевдин ортосунда талаш чыкты. Сатыбалдиев Абыкеевдин “Курултай эл менен бийликтин ортосундагы мамилени түзүп турган көпүрө болот” деген сөзүн чечмелеп берүүсүн өтүнүп, “Кандай көпүрө боло алат... Читать дальше...

"Азаттык" радиосуна Өзгөн районунун акими Мурат Раматов 17-майда билдирди. Маалыматка ылайык, Дамир Монолдоров ротация жолу менен Ысык-Көл облусунан Өзгөнгө мэр болуп келген. Ал жамаатка 16-майда тааныштырылып, 17-май ишине киришти. Мурдагы мэр Нодирбек Каримов 30-апрелде Өзгөн районунун акими Мурат Раматовдун буйругу менен жумуштан бошотулган. "Буга анын үстүнөн Ош облустук мамлекеттик администрациясы тарабынан жүргүзүлгөн текшерүүлөрдүн жыйынтыгы себеп болгон", -деп билдирди Мурат Раматов. Читать дальше...

Президенттин Баткен облусундагы ыйгарым укуктуу өкүлчүлүгүнүн аппарат башчысы Орусиянын жарандыгын расмий түрдө тапшырып берген. Учурда анда Кыргызстандын гана жарандыгы бар. Бул тууралуу “Азаттык” радиосуна облустук бийликтин маалымат кызматынан билдиришти. Маалыматта аталган кызматкер ордунда иштеп жатканы, калган маалыматтар тергөө амалдары аяктаганда берилери айтылды. Улуттук коопсуздук боюнча мамлекеттик комитети 12-майда Баткен облустук администрациясынын аппарат башчысы А. У. (аталган... Читать дальше...

Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана парламенттик регламент боюнча комитети бүгүн 17-майда “Элдик курултай жөнүндө” конституциялык мыйзамдын долбоорун кароого киришти. Бул маселе жыйындын күн тартибине сегизинчи болуп кирген, бирок президент Садыр Жапаров биринчи кылып кароону өтүнгөнү белгилүү болду. Негизги баяндаманы мыйзам долбоорун иштеп чыккан жумуш тобунун жетекчиси, президенттин кеңешчиси Чолпонбек Абыкеев жасап, бул башка мамлекеттерде жок... Читать дальше...

Башкы прокуратура Баткен облустук телерадиокомпаниясынын имаратынын курулушу бүтпөгөн абалда кабыл алынганын билдирди. Буга байланыштуу облустук капиталдык курулуш башкармалыгынын жооптуу кызматкерлери кылмыш жоопкерчилигине тартылганы белгилүү болду. Маалыматка караганда, аталган башкармалыктын жооптуу адамдары курулуштун сметалык баасы 38 млн. 441 миң 57 сомду түзгөнү тууралуу тиешелүү компаниянын актысын кабыл алган. Прокурордук текшерүүдө курулушту жүргүзгөн компания тарабынан 11 млн. 414 миң 987 сомдук иш аткарылбаганы аныкталганы... Читать дальше...

“Элдик курултай жөнүндө” конституциялык мыйзамдын долбоору бүгүн 17-майда Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана парламенттик регламент боюнча комитетинде биринчи окууда карала баштайт. Мыйзамды президент демилгелеп, бир ай мурда коомдук талкууга чыгарган. Парламенттин расмий сайтындагы маалыматка караганда, бүгүнкү жыйында мыйзам долбоорунун максаты тууралуу жумуш тобунун жетекчиси, президенттин кеңешчиси Чолпонбек Абыкеев баяндама жасайт. Сунушталып жаткан мыйзамда курултайдын укуктары... Читать дальше...

Президент Садыр Жапаров 16-майда Москвада Орусиянын башчысы Владимир Путин менен жолугушту. Мамлекет башчынын маалымат кызматы кабарлагандай, "Тет-а-тет форматындагы жолугушууда өлкө лидерлери  кыргыз-орус эки тараптуу кызматташтыгынын актуалдуу багыттарын талкуулашты". Путин эки өлкө ортосундагы мамилелер жалпысынан позитивдүү өнүгүп жатканын, былтыр товар жүгүртүүдө олуттуу өсүш болгонун, Орусия Кыргызстандын товар жүгүртүүсүндө ишенимдүү биринчи орунда турарын айтты. Жапаров Орусия менен... Читать дальше...

Москвада 16-майда Жамааттык коопсуздук келишими уюмунун (ЖККУ) 30 жылдыгына арналган жыйын өттү. Жыйынга уюмга мүчө өлкөлөрдүн лидерлери катышты. Президенттин басма сөз кызматы билдиргендей, өз ара кызматташуунун актуалдуу багыттары, эл аралык жана аймактык маселелер боюнча позицияларды биргелешип координациялоо жана жамааттык коопсуздук системасын өркүндөтүү боюнча пикир алышуу болду. Жыйынтыгында уюмдун 30 жылдыгына байланыштуу биргелешкен билдирүүгө кол коюлуп, Казакстанга быйыл январда жиберилген... Читать дальше...

Таластагы Жерүй алтын кени боюнча маселе бүгүн 17-майда Жогорку Кеңештин Отун-энергетикалык комплекс, жер казынасын пайдалануу жана өнөр жай саясаты боюнча комитетинде каралат.  Жаратылыш ресурстары, экология жана техникалык көзөмөл министрлигинин жетекчилиги маалымат берет. Жерүйдөгү иштер тууралуу тийиштүү мекеменин маалыматын угуу демилгесин бир ай мурда депутат Дастанбек Жумабеков көтөргөн. Ал кен иштетиле баштаганына бир жыл болгонун, андан бери канча алтын чыкты, жергиликтүү тургундарды жумушка орноштуруу... Читать дальше...

Бүгүн 17-майда Бишкекте “Айыл жергесинде жашаган калк үчүн кандай санарип мүмкүнчүлүктөр бар?” деген темада талкуу өтөт. Ага Европа Биримдиги каржылаган долбоорлордун өкүлдөрү катышып, жаштарга, аялдарга жана эмгек мигранттарына маалыматтык технологиялар боюнча кандай мүмкүнчүлүктөр, кандай гранттык колдоо бар экени тууралуу маалымат беришет. “Кыргыз интернет коомчулугу” бирикмеси уюштуруп жаткан бул вебинарга Zoom платформасы аркылуу бардык аймактардан каалоочулар катыша алат.  2018-жыл Кыргызстанда Аймактарды өнүктүрүү... Читать дальше...

Бүгүн 17-майда Кыргызстандын бийлиги Кумтөр алтын кенин өз алдынча башкарууга алганына бир жыл болду. Туура бир жыл мурда Жогорку Кеңеш кезексиз жыйынга чогулуп, Министрлер кабинетине “Кумтөр Голд” ишканасына убактылуу тышкы башкаруу киргизүүнү тапшырган. Президент Садыр Жапаров быйыл 4-апрелде элге кайрылуу жасап, канадалык инвестор “Центерра” менен доо арыздан баш тартуу жана ортодогу талаш маселелерди чечүү боюнча макулдашууга кол коюлганын, Кыргызстан андагы 26 пайыздык акциясын өткөрүп, эки... Читать дальше...

Июнь окуясы үчүн соттолуп, абакта каза болгон укук коргоочу Азимжан Аскаровдун бүгүнкү 17-майдагы туулган күнүнө карата “Бир дүйнө Кыргызстан” укук коргоо уюумунун өкүлдөрү Өзбекстанда маркумдун жакындарына жолугуп, эскерүү иш-чараларына катышарын уюмдан кабарлашты. Маалыматка караганда, укук коргоочулар маркумду эскерип, үй-бүлөсү менен жолугушат жана анын өлүмү боюнча тергөөнүн жүрүшү, байбичесинин мүлк укуктарын коргоо жана башка тийиштүү маселелер боюнча маалымат беришет. Аскаров 2020-жылы... Читать дальше...

Бүгүн 17-майда Бишкекте Кыргызстандын жаштары тууралуу жүргүзүлгөн изилдөөнүн жыйынтыгы чыгарылат. Фридрих Эберт атындагы эл аралык фонддун жардамы менен уюштурулган изилдөөнүн максаты – калктын көпчүлүк бөлүгүн түзгөн жаштардын азыркы кездеги коомдогу абалын билүү. Анда жаштардын билим берүү, саясат, миграция, жумуш орундары менен камсыздоо маселелери боюнча көз караштары жана жалпы баалуулуктары чагылдырылганы айтылды. Расмий маалыматка караганда, Кыргызстанда жаштар калктын жарымынын көбүн түзөт. Читать дальше...