Новости за 23.10.2023

د اروپایي ټولنې د بهرنیو چارو وزیران نن په بروکسل کې په غونډه کې په منځني ختیځ کې د روان بحران او له اوکراینه د ملاتړ د دوام په اړه خبرې کوي. د جرمني د خبري اژانس د راپور له مخې د منځني ختیځ په اړه یوه مهمه پوښتنه دا ده چې په سیمه کې د جګړې د پراخېدو د مخنیوي لپاره اروپایي ټولنه څه کولای شي. د اروپایي ټولنې د بهرني سیاست مشر جوزیف بورېل له اوکراین سره، په تېره په پوځې برخه کې د اوږد مهاله مرستو وړاندیز وکړي، خو د راپور له مخې تمه نه کېږي چې په نننۍ غونډه کې به په دې برخه کې مهمې پرېکړې وشي ځکه... Читать дальше...

د کډوالو نړیوال سازمان یا 'آی او ایم' وايي، د دوی سلاکارانو د هرات په زلزله ځپلو سیمو کې له یو شمېر نارینه وو، ښځو او ماشومانو سره له زلزلې وروسته وضعیت په اړه مشورتي غونډې جوړې کړي دي. په هغه ویډیو کې چې یاد سازمان پرون یکشنبې پر خپله ایکسپاڼه خپره کړه، د دې ادارې یو سلاکار عبدالولي وايي، زلزلې، سېلابونه، جګړې او اوراخیستنې په هر ځای کې خلک له ذهني او روحي پریشانیو سره مخامخ کوي. ده زیاته کړه: "له کومې ورځې چې دلته راغلي یوو، هڅه مو کړې چې له یو شمېر نجونو، هلکانو، او لویانو سره ناستې ولرو.... Читать дальше...

د روغتیا نړیوال سازمان یا 'ډبلیو ایچ او' وايي چې د هرات په ۶ ولسوالیو کې یې له څه باندې ۳۲ زره ۵۰۰ زلزله ځپلیو افغانانو سره روغتیايي مرستې کړي دي. د روغتیا د نړیوال سازمان د افغانستان څانګې پرون یکشنبې پر خپله ایکسپاڼه کښلي چې په دغو مرستو کې لومړنۍ طبي څارنې او روحي ملاتړ شاملېږي. دې ادارې ویلي چې د زلزلې له کبله تر ۴۳ زره ډېر کسان په مستقیم ډول اغېزمن شوي چې د هغو په منځ کې ۲۳ سلنه تر ۵ کلونو کشر ماشومان دي. دا په داسې حال کې ده چې په هرات ولایت کې تېره شپه یوه بله زلزله هم احساس شوې. په... Читать дальше...

په هرات ولایت کې تېره شپه یوه بله زلزله احساس شوه. په هرات کې د طالبانو د حکومت د اطلاعاتو او کلتور ريیس احمدالله متقي وویل چې دا زلزله وروسته له دې وشوه چې په وروستیو څو ورځو کې زلزلې کمې شوې وې او شاوخوا نیمايي خلک بېرته خپلو کورونو ته تللي وو. تراوسه پورې د زلزلې له کبله د احتمالي مرګ ژوبلو او تاوانونو په اړه کوم راپور نه دی ورکړل شوی. د راپورونو له مخې، په لومړۍ زلزله کې چې د اکټوبر په اوومه وشوه او دغه راز په ورپسې زلزلو کې چې ځینې یې شدیدې وې، نږدې یو نیم زر تنه مړه شوي او تر ۲ زره ډېر نور ټپیان شوي دي.

د پولیو یا د ماشومانو د ګوزڼ نوی کمپاین له نن دوشنبې څخه د افغانستان په ۱۴ ولایتونو کې پیلېږي. له پولیو خلاص افغانستان بنسټ پرون یکشنبې پر خپله ایکسپاڼه له میندو او پلرونو وغوښتل چې خپل تر پنځو کلونو کشر ماشومان واکسین کړي څو پولیو په افغانستان کې ختمه شي. پولیو یوه ویروسي ناروغي ده چې درملنه نه لري، خو یوازې یې په واکسین مخه نیول کېدای شي. د روغتیا نړیوال سازمان کابو دوې میاشتې پخوا په افغانستان کې د پولیو د مثبتو پېښو او د هغو د چاپېریالي نمونو د زیاتېدو په وړاندې خبرداری ورکړی و. دې سازمان... Читать дальше...

فلسطیني سرچینو پرون یکشنبې په غزه کې د اسراییل د هوایي بریدونو له زیاتوالي سره د په لسګونو فلسطینیانو د وژل کېدو خبر ورکړ. د حماس تر کنټرول لاندې غزه کې د روغتیا وزارت وویل چې د غزې په مرکزي برخه کې د شپې په هوایي بریدونو کې لږترلږه اتیا کسان وژل شوي. د دې وزارت په وینا دغو بریدونو څه باندې دېرش کورونه ویجاړ کړي دي. په عین حال کې غزې ته چې د اړتیا وړ لومړنیو موادو له پلوه له یوه بحراني حالت سره مخامخ ده، پرون پر مرستو باراولس نورې لارې داخلې شوې. په داسې حال کې چې په سیمه کې کړکېچ په پراخېدو... Читать дальше...

د امریکا دفاع وزیر وايي، احتمال شته چې په منځني ختیځ کې پر امریکايي ځواکونو بریدونه خورا ډېر شي. لویډ اسټن د امریکا اې بي سي تلوېزیون ته وویل، په سیمه کې د جګړې د پراخېدو په صورت کې به امریکا له پوځي اقدامه ډډه ونه کړي. جنرال اسټن، چې په وروستیو ورخو کې اسراییل ته سفر کړی و، زیاته کړه، د ځان دفاع خپل حق بولي او په دې کې به زړه نازړه نه شي چې مناسب اقدام وکړي. اسټن دا څرګندونې پرون څو ساعته وروسته له دې وکړې چې پنټاګون وویل چې په سیمه کې به یو شمېر نور پاتریوت توغندي ځای پر ځای کړي.

د هرات ولایت د لسګونو زره زلزله ځپلیو په منځ کې اووه نیم زره اومیندوارې ښځې هم شاملې دي چې خپل نږدې عزیزان یې په زلزله کې مړه شوي او له سخت روحي فشار سره مخامخ دي. د هوا پېژندنې د ادارو وړاندوینې ښيي چې د افغانستان د زلزله ځپلو سیمو په ګډون په ډېرو برخو کې هوا سړه شوې او ورښتونه پیل شوي دي. د ملګرو ملتونو پر اساس د هرات ولایت وروستیو زلزلو تر ۲۱ زره ۵۰۰ ډېر کورونه نړولي او تر ۱۷ زره ډېر نور یې شدید زیانمن کړي دي. د دغو کورونو اوسېدونکي سړې شپې په خیمو کې تېروي. د ملګرو ملتونو په وینا، د هرات ښار د خیمو په ښار بدل شوی دی. Читать дальше...

د کرکټ د نړیوال جام سیالیو په لړ کې نن د افغانستان او پاکستان د کرکټ ملي لوبډلې د هند په چینای لوبغالي کې مخامخ کېږي. د فرانس پریس خبري اژانس د راپور له مخې د افغانستان او پاکستان ترمنځ په سیاسي اړیکو کې د ډېرو کلونو ترینګلتیا د دوو خواوو د کرکټ پر سیالیو هم سیوری غوړوي. په وروستیو کې پاکستان اعلان وکړ چې د روان اکټوبر تر پایه باید ټول بې اسناده افغان کډوال د دغه هېواد له خاورې ووځي چې دا پر افغانستان سخت فشار راوړي. پاکستان همداراز تور پورې کوي چې د 'ټي ټي پي' وسله وال د افغانستان له خاورې څخه پر پاکستاني پوځیانو بریدونه کوي. Читать дальше...

یورایشیا ریویو خپرونې خپلې یوې مقالې ته دا سرلیک ورکړی چې طالبان بدلون ته اړتیا لري، خو په خبره یې هغوی د بدلون د مسیر په مخالف لوري روان دي. مقاله کې راغلي چې نړیوال د طالبانو د حکومت د رسمیت پیژندنې لپاره منتظر دي چې دغه حکومت بشري حقونو، د بیان ازادۍ او د نجونو تعلیم ته درناوی وکړي او د حکومت جوړښت پراخ بنسټه کړي، خو وړاندې لولو چې د طالبانو حکومت په ټولو دغو برخو کې شاتګونه لري. مقاله کې هره دغه برخه په تفصیل سره تشریح شوې او په سر کې یې د بې پرې او ازادو مطبوعاتو ارزښت ته کتنه شوې. خپرونې... Читать дальше...