Новости за 29.10.2023

په داسې حال کې چې له پاکستانه د افغان کډوالو د وتلو مهلت په چټکۍ سره رانژدې کېږي، د تورخم او چمن له دروازو څخه هېواد ته د کډوالو د راستنېدو راپورونه ورکول کېږي. باختر اژانس چې طالبان یې اداره کوي، پرون د کډوالو او راستنېدونکو چارو د وزارت په حواله راپور ورکړ چې په تېره یوه اوونۍ کې شاوخوا اته زره افغان کډوال د سپین بولدک له لارې هېواد ته راستانه شوي دي. د ملګروملتونو اړوندو ادارو د جمعې په ورځ وویل چې له دوه میلیون زیات افغان کډوال په پاکستان کې اوسي چې له دې ډلې لږترلږه شپږ لکه کسان د طالبانو له واکمنېدو وروسته له افغانستانه وتلي دي. Читать дальше...

د امریکا پخواني مرستیال ولسمشر مایک پنس د ولسمشرۍ د انتخاباتو لپاره له سیالۍ څخه خپل وتل اعلان کړل. ښاغلي پنس پرون په لاس ویګاس کې د جمهوریپالو یهودانو د اېتلاف د کمپاین غونډې ته د وینا پرمهال وویل چې دا د ده وخت نه دی. پنس زیاته کړه چې دی د انتخاباتو د بهیر په لوړو ژورو تل پوهېده او په خپل دې کار پښېمانه هم نه دی. پنس د جمهوریپال ګوند د هغو کاندیدانو له ډلې و، چې د ۲۰۲۴ کال د جمهوري ریاست په انتخاباتو کې د اوسني ولسمشر جوبایډن پر وړاندې ولاړ دي. په دوی کې د نظرپوښتنو په اساس تر ټولو مخکښ پخوانی ولسمشر ډونالډټرمپ دی.

اسراییلو اعلان کړی چې له ترکیې څخه د خپل ډیپلوماتیک ماموریت غړي باسي. دا اعلان وروسته له هغه کېږي چې د ترکیې ولسمشر رجب طیب اردوغان په غزه کې د اسراییلو پر پوځي عملیاتو انتقاد وکړ او اسراییل یې جنګي جنایتکار وباله. ښاغلي اردوغان پرون په استانبول کې د فلسطینیانو د پلویانو غونډې ته د وینا پرمهال وویل، ترکیه دې ته تیاري نیسي چې اسراییل د غزې په تړانګه کې د پوځي اقداماتو په خاطر جنګي جنایتکار اعلان کړي. د اسراییل د بهرنیوچارو وزیر الي کوهن پرون شنبې پر ټولنیزو شبکو په یوه بیان کې ولیکل چې د اردوغان... Читать дальше...

اسراییل وايي چې د جمعې په شپه غزې ته استول شوي پلی سرتېري یې لاهم په ساحه کې دي. د اسراییلو دفاع وزیر یوواف ګالانت Yoav Gallant پرون وویل سرتېري د ځمکې پرسر او تر ځمکې لاندې حملې کوي او د ده په وینا، تروریست فعالان چې په هره کچه وي، په هرځای کې په نښه کوي. اسراییل د اکتوبر په اوومه پر خپل قلمرو د حماس د وسله والو د حملې او د اسراییلي چارواکو په وینا د ۱۴۰۰ کسانو د وژل کېدو په ځواب کې له درېیو اونیو راهیسې د حماس د له منځه وړلو په هدف هوايي حملې پیل کړي. که څه هم د اسراییلو د پراخو ځمکنیو عملیاتو... Читать дальше...

ټاکل شوې چې د افغانستان د کرکټ ملي لوبډله د کرکټ د نړیوال جام د لوبو په لړۍ کې سبا دوشنبې له سرېلانکا سره د سیالۍ ډګر ته ننوځي. لوبه د کابل په وخت د ماسپښین په دولس بجو پلان شوې ده. د سبا لوبه به په نړیوال جام کې د افغانستان شپږمه لوبه وي. افغانستان تردې دمه ۵ لوبې کړي چې ۳ یې بایللي خو په دوو کې یې د انګلستان او پاکستان ځواکمنو لوبډلو ته ماتې ورکړې ده. د نړیوال جام د لوبو په لړۍ کې پرون دوه لوبې وشوې. لومړۍ لوبه اسټرالیا له نیوزیلنډ څخه د پنځو منډو په توپیر وګټله او په دوهمه لوبه کې بنګله دېش د ۶۷ منډو په توپیر هالنډ ته وبایلله.

د کندهار د سوداګرۍ او صنایعو خونه وايي، له کندهاره سږکال د څه باندې ۱۵ میلیون ډالرو په ارزښت انګور بهر ته صادر شوي دي. د کندهار د سوداګرۍ خونې مرستیال عبدالباقي بینا بېګا ازادي راډیو ته وویل چې د کندهار انګور پر نورو هېوادونو سربېره کورنۍ بازار هم لري. هغه زیاته کړه: " تقریبا ۲۸۶۰۰ ټنه انګور راجسټر شوي او صادر شوي دي او په کور دننه هم د کندهار انګور تر ډېرو ځایونو پورې ځي. خو چې صادر شوي دي ۲۸۶۰۰ ټنه دي چې پنځلس میلیونه یوسل او اته پنځوس زره امریکايي ډالر ارزښت لري." انګور او انار د کندهار... Читать дальше...

د افغانستان بانک د افغانۍ د زرګون او پنځه سوګون د زړو بانکنوټونو پرځای بازار ته د نویو بانکنوټونو د وړاندې کولو د پیل خبر ورکوي. د هېواد مرکزي بانک چې طالبان یې اداره کوي، په یوه بیان کې چې پرون یې پر اېکس شبکې خپور کړ وايي چې دا پروسه عملا په ټول هېواد کې روانه ده. بیان زیاتوي چې پردې سربېره د زړو بانکنوټونو د نورو ډولونو راټولول او بازارونو ته د نویو بانکنوټونو د عرضې بهیر لاهم روان دی. په بیان کې خلکو ته لارښوونه شوې چې په مرکز او ولایتونو کې دې د افغانستان بانک یا سوداګریزو بانکونو استازولیو... Читать дальше...

په کابل کې د جاپان سفیر او د افغانستان لپاره د ملګروملتونو د مرستندوی ماموریت یا یوناما مشرې پرون د هرات ولایت زلزله ځپلو سیمو ته سفر وکړ. په افغانستان کې د جاپان سفارت پر اېکس شبکې په یوه بیان کې ویلي چې هرات ته د جاپان د سفیر تاکویوشي کورومیا Takuyoshi Kurumaya او د یوناما د مشرې روزااوتونیایووا د سفر هدف دا و، چې په زلزله ځپلو کلیو کې د مصیبت ځپلو خلکو غږ واوري. د بیان له مخې، جاپان د هرات له زلزله ځپلو سره نژدې څلور نیم میلیون ډالره مرسته کړې چې د خوړو د نړیوال پروګرام او نورو مرستندویو موسسو له خوا زلزله ځپلو سیمو ته استول شوې دي. Читать дальше...

برېتانیايي ورځپاڼو لیکلي چې په دغه هېواد کې د کورونو د کموالي له کبله حکومت په پاکستان کې د هغو افغان کډوالو پر هوټلونو، چې باید برېتانیا ته ولېږدول شي، څه باندې ۲۶ میلیون پونډه لګولي دي. میرر ورځپاڼې لیکلي، د دې لپاره چې په برېتانیا کې کورونه کم موندل کېږي، د زرګونو هغو افغانانو چې په تېرو دوو کلونو کې دغه هیواد ته انتقال شوي، لا هم یو شمېر په هوټلونو کې اوسي. له بلې خوا د برېتانیا د بهرنیو چارو وزارت وايي چې د ۲۰۲۱ میلادي کال له اګست څخه د ۲۰۲۳ تر سپټمبر پورې د پاکستان په هوټلونو کې یې د افغانانو... Читать дальше...