Новости за 30.10.2023

د هغې ۱۷ کلنې ایرانۍ پېغلې جنازه پرون په تهران کې خاورو ته وسپارل شوه، چې باور کېږي د ایران د مذهبي پولیسو له لوري وژل شوې ده ارمیتا ګراوند په دې خاطر د مذهبي پولیسو له لوري د تهران په مترو کې ووهل شوه چې حجاب یې نه و رعایت کړی. دا له وهل کېدو وروسته یوه میاشت په روغتون کې کوما وه تر دې چې د شنبې په ورځ یې ساه ورکړه. د ارمیتا د جنازې په مراسمو کې د تهران په بهشت زهرا هدیره کې سخت امنیتي تدابیر غوره شوي وو او د ځینو ناتایید شویو راپورونو له مخې، امنیتي ځواکونو د ارمیتا د څو خپلوانو په ګډون یو شمېر کسان نیولي دي. Читать дальше...

د افغانستان لپاره د اروپايي ټولنې ځانګړی استازی وايي، د نړۍ په ۱۷۷ هېوادونو کې افغانستان په ۲۰۲۳م کال د ښځو لپاره تر ټولو سخت هېواد دی. ټوماس نیکلاسن دا خبره پرون ماښام پر خپله ایکسپاڼه کښلې او زیاته کړې یې ده چې په افغانستان کې د ښځو لپاره د امنیت او قضا په ټولنه کې ګډون اصلي ننګونې ګڼل کېږي. ده د جورج ټاون انسټېټیوټ وروستۍ سروې ته په اشارې ویلي چې افغانستان په ۲۰۱۷، ۲۰۱۹ او ۲۰۲۱ کلونو کې د ښځو د ید وضعیت له نظره د جدول په پای کې و.

ایران وايي چې د افغانستان زلزله ځپلو سیمو ته یې د مرستو پنځمه جوپه استولې ده. ایراني رسنیو پرون د رضوي خراسان ولایت د چارواکو په قول وویل چې په دې مرستو کې چې ارزښت یې یولک امریکايي ډالرو ته رسېږي، کمپلې، کنسرف خواړه، وریجې اوغوړي شامل دي. په همدې حال کې ملګرو ملتونو یو وار بیا د هرات له زلزله ځپلو سره د نورې مرسته غوښتنه کړې ده. په دې ولایت کې د اکټوبر له اوومۍ راهیسې پر له پسې زلزلې کېږي. د وړمې شپې او پرون سهار په زلزلو کې لسګونه کسان نور ژوبل شول او یو شمېر کورونه ونړېدل.

د طالبانو د حکومت د ننګرهار ولایت د خوږیاڼو لپاره نوي ګومارل شوي ولسوال، د معرفۍ په غونډه کې د زړه په سکتې ساه ورکړه. د شمشاد تلوېزیون او د ننګرهار د ځايي رسنیو د راپور له مخې، د سیدنور سنګري زړه هغه مهال سکته وکړه چې د خپلې معرفۍ په غونډه کې یې وینا کوله. ده وروسته په روغتون کې ساه ورکړه. سیدنور سنګري، چې تر دې مخکې د ننګرهار ولایت د شینوارو ولسوال و، تازه د خوږیاڼو ولسوال ګومارل شوی و. طالب چارواکو ویلي چې سیدنور د زړه ناروغي لرله.

سبا سې شنبې د اکټوبر ۳۱ مه د پاکستان د حکومت هغه مهلت پوره کیږي چې په دې هېواد کې یې مېشتو بې اسنادو افغان کډوالو ته ورکړی څو له دې هېواد څخه ووځي. پاکستانۍ ډان ورځپاڼې په دې اړه په یوه مطلب کې لیکلي چې د ملګروملتونو د بشري حقونو عالي کمېشنیرۍ له اسلام آباده غوښتي، مخکې له دې چې یو بشري بحران رامنځ ته شي، د افغان کډوالو د ایستلو پلان دې وځنډوي. ورځپاڼې په جینوا کې د دې کمیشنیرۍ د ویاندې راوینا شمداساني له خولې لیکلي چې په وروستۍ اعلامیه کې یې له پاکستاني چارواکو غوښتي چې له اړو کسانو خپل ملاتړ... Читать дальше...

د سپينې ماڼۍ د ملي امنیت سلاکار وايي، اسراییل په غزه کې د ملکي وکړو د ساتنې مسوولیت لري. جک سالیوان وايي، اسراییل مسوولیت لري چې په غزه کې د ملکي وګړو او د حماس د وسله والو ترمنځ توپیر وکړي. سالیوان پرون یکشنبه له سي این این تلوېزیون سره په مرکه کې وویل، واشنګټن اسراییل ته د بشري مرستو د محاصرې او د ده په وینا د ترهګرو او ملکیانو ترمنځ د توپیر کولو په شان سخت مسایل په ګوته کړي دي. له بلې خوا د ملګروملتو سرمنشي انټونیو ګوټېرېش چې اسیايي هېوادونو ته د سفر په لړ کې نیپال ته رسېدلی، پرون په یوه... Читать дальше...