د پنجشېر لپاره د طالبانو د حکومت والي له یوې چاودنې روغ ووت
جرمني خبري اژانس د پنجشېر د امنیه قوماندانۍ د امنیت د امر عبدالحمید خراساني له قوله خبر ورکوي چې وايي، پر مولوي قدرت الله نن له غرمې مخکې د کابل په تایمني سیمه کې د سړک د غاړې ماین چاودنه وشوه.
خراساني ویلي دي چې په دې چاودنه کې والي او محافظانو ته یې زیان نه دی اوښتی.
د طالبانو د حکومت ویاند ذبیح الله مجاهد له ازادي راډیو سره په خبرو کې پېښه تایید کړه خو ویې ویل چې تلفات نه لري.
د دې چاودنې مسوولیت تراوسه کومې ډلې نه دی منلی.