د صربیا پولې ته څېرمه د کډوالو د يوه موټر ټکر ۷ تنه ووژل
پولیس وايي، پېښه پرون ناوخته د موراهالوم په نوم یو کلي کې وروسته له هغې رامنځته شوې چې موټر چلوونکي د پولیسو لهخوا د ودرېدو امر رد کړ او هڅهیې وکړه چې په ډېر سرعت وتښتي.
موټر چې تر ۱۰ زیات کډوال پهکې سپاره وو، د صربیا پلېټ شمېره درلوده او له یو کور سره تر ټکر وروسته چپه شوی دی.
اروپايي چارواکي وايي د هغو کډوالو شمېر چې د بالکان د لوېدیځو هېوادونو له لارې اروپايي ټولنې ته په غیر قانوني توګه ورځي، سږ کال دوه برابره شوی دی.
د اروپايي ټولنې د پولو ادارې د اګسټ په میاشت کې وویل، د دې کډوالو زیاتیې د سوريې او افغانستان وګړي دي.