ایران کې ترافیکې پېښې ۱۰ کسان ووژل او ۱۵ نور یې ژوبل کړل
په ایران کې لس کسان د یوې ترافیکي پېښې له امله وژل شوي دي.
د ایران دولتي خبري اژانس ایرنا ویلي، پېښه سویل لویدېځ خورم شهر ښار کې د یوې لارۍ او ملي بس د ټکر له امله شوې ده.
ویل شوي چې دې بس ځایي کارګر د خوزستان اهواز ښار ته لېږدول.
محلي رسنیو ویلي چې د پېښې شااوخوا ۱۵ ټپیان روغتونونو ته رسول شوي دي.
د ایران سړکونه کله ناکله د دغسې خونړیو ترافیکې پېښو شاهدان وي.
په کلني ډول ۱۷۰۰۰ کسان په ایران کې د ترافیکي پېښو له کبله مړه کیږي.
د سږ لمریز کال په لومړیو ۷ میاشتو کې ۸۲۰۰ کسان ترافیکې پېښو وژلي دي.