Новости за 26.12.2021

د کرونا د نوې بڼې اومېکرون له کبله په نړۍ کې یو وار بیا د کرونا پېښې د پام وړ زیاتې شوې او حکومتونه یې د تدابیرو زیاتولو ته اړ ایستلي دي. په فرانسې کې پر کرونا د اخته شوېو کسانو ورځنی شمېر یو لک وښود او ایټالیا وویل چې له درېيو پر له پسې ورځو راهیسې هره ورځ د کرونا ویروس ۵۵ زره پېښې ثبتوي. د شنبې په ورځ(د مرغومي ۴مه) په فرانسه کې د کرونا په اومېکرون بڼه د اخته شوېو کسانو شمېر تر یو لکو واوښت. په بریتانیا کې د کرونا د دې نوې بڼې د اخته شوېو کسانو شمېر د ورځې تر یو لکو ۲۲ زره لوړ ثبت شوی دی. Читать дальше...

د کاناډا صدراعظم جاسټن ټروډو وايي، لوېدېځ هېوادونه باید د چین خلاف یوه جبهه ولري چې له سوداګري ګټو د چین د ناوړه استفادې مخه ونیسي. ټروډو په یوه مرکه کې چې پرون شنبې(د مرغومي ۴مه) خپره شوه وویل، لوېدیځ هېوادونه په داسې حال کې په چین کې د اقتصادي فرصتونو د ترلاسه کولو لپاره سیالي کوي چې د دغه هېواد له لوري ورسره لوبې کېږي. د کاناډا صدراعظم ګلوبل ټلوېزیون ته همدا راز وویل، لوېدیځوال په خپل منځ کې په سیالۍ بوخت دي او چین په ځیرکۍ په ازاد بازار کې د دوی تېر ایستلو ته دوام ورکوي.

ډپلوماټ خپرونه ډپلوماټ خپرونې د لوېدیځو ځواکونو له وتلو وروسته په افغانستان کې د چین پر لېوالتیاوو او له طالبانو سره د دغه هېواد د تماسونو په اړه لیکنه خپره کړې ده.  د لیکنې لیکواله میرسي کوو وايي، وروسته له دې چې طالبان واک ته ورسېدل، چین لومړنی هېواد و چې له افغانستان سره یې د ۲۰۰ میلیونه ین په ارزښت د بشري مرستې ژمنه وکړه او طالبانو چې له اقتصادي ناورین سره مخامخ شوي، سمدستي د پیکېنګ د دې مرستې هرکلی وکړ. پر دې سربېره چین په وروستیو کې د افغانستان په عدلیې وزارت کې د یوې ودانۍ د جوړېدو پیسې... Читать дальше...

د نړۍ د کاتولیک عیسویانو مشر، افغانانو ته د ملاتړ او ارامۍ غوښتنه وکړه.   پاپ فرانسس پرون په واتیکان کې  د کرسمس ورځې په مناسبت په خپله دودیزه وینا کې وویل: "ګرانه عیسی، منځني ختیځ او ټولې نړۍ ته سوله او کراري راولې. د هغه چا ملاتړ وکړئ چې له خپلو هېوادونو کډه شوېو کسانو ته بشري مرستې برابروي. د افغانستان خلکو ته ارامي ورکړې چې د څه باندې ۴۰ کلونو په جګړو کې زیاتره یې له خپل هېواده وتلي دي." د اګسټ په نیمايي کې پر افغانستان د طالبانو د ولکې له ټینګولو وروسته نړیوالو بنسټونو او مرستندویو ادارو... Читать дальше...

د اسلامي دولت ډلې یا داعش په کابل کې د پنجشنبې ورځې د چاودنې مسوولیت ومانه.   د رویټرز خبري اژانس د پروني راپور له مخې، دغه چاودنه د پاسپورټ ریاست دروازې ته نږدې وشوه.   طالبانو ویلي وو چې یوه انتحاري غوښتل د پاسپورټ ریاست ته ننوځي چې تر ننوتلو مخکې په نښه شو.   د طالبانو په وینا په دې پېښه کې حمله کوونکی ووژل شو، خو بل چا ته زیان نه دی اوښتی.  داعش ډلې پرون شنبه په هغه پیغام کې چې په ټلګرام کې یې خپور کړی، د دې پېښې مسوولیت منلی دی.

د کډوالۍ نړیوال سازمان یا (IOM) وايي، د خپلو روزنیزو پروګرامونو له لارې یې په افغانستان کې نږدې ۸۰۰ مېرمنې په بېلابېلو مسلکي برخو کې روزلي دي.   د دې ادارې د پروني ټویټ له مخې دغو مېرمنو له خیاطۍ څخه رانیولې د موبایلونو تر جوړولو پورې مسلکونه زده کړي دي.   د کډوالۍ نړیوال سازمان ژمنه کړې چې په افغانستان کې به ښځو او نجونو ته په بېلابېلو برخو کې د کار و بار فرصتونه برابر کړي.

ټاکل شوې د افغانستان د کرکټ تر ۱۹ کلنو کم­ عمره لوبډله سبا دوشنبه د هند له ټیم سره مسابقه وکړي.   د اسیايي جام دغه مسابقه چې د افغانستان درېیمه هغه کېږي، په دوبۍ کې د افغانستان پر وخت د سهار لس بجې پیلېږي.  د افغانستان تر ۱۹ کلنو کم ­عمره لوبډلې له کوربه هېواد، متحده عرب اماراتو پرونۍ مسابقه د ۱۴۱ منډو په توپیر وګټله، خو خپله لومړۍ مسابقه یې پاکستان ته بایللې ده.   د اسیايي جام مسابقې چې اته هېوادونه په کې ګډون لري او تر را روانې جمعې چې د ډسمبر میاشتې ۳۱مه کېږي دوام کوي.   د افغانستان لوبډله... Читать дальше...

د طالبانو حکومت د مخابراتو او معلوماتي ټکنالوژۍ وزارت وايي، د موبایلونو د کرېډټ کارډونو د ۱۰ فیصده مالیې له درکه تر یو نیم میلیارډ افغانیو زیات عواید راټول شوي دي.   د دغه وزارت ویاند، عنایت اله الکوزي پرون شنبه (د مرغومي ۴مه)ازادي راډیو ته وویل، دا عواید په تېرو څه باندې ۴ میاشتو کې ترلاسه شوي: "پر افغانستان د اسلامي امارت تر واکمنۍ راهیسې یو میلیارد او ۵۴۳ میلیونه او څلور لکه افغانۍ د سیم کارډونو د لس سلنې مالیې له درکه ترلاسه شوي دي."  له ۱۳۹۴ لمریز کال راهیسې په افغانستان کې د موبایلونو پر کریډټ کارډونو ۱۰ سلنه مالیه وضعه شوې ده. Читать дальше...

هند په پام کې لري په راروانه جنورۍ میاشت کې د کرونا ویروس پر وړاندې د واکسین د تقویتي ډوز ورکول پیل کړي.   د دغه هېواد صدراعظم ناریندرا مودي پرون شنبه(د مرغومي ۴مه) وویل چې د جنورۍ له لسمې به دغه تقویتي ستن روغتیايي کار کوونکو او هغو کسانو ته ولګول شي چې د کرونا ویروس پر وړاندې د مبارزې پر لومړۍ کرښه کار کوي. ښاغلي مودي زیاته کړه چې د جنورۍ له درېیمې نېټې به په هند کې د کرونا ضد واکسین هغو کسانو ته هم لګول کېږي چې عمرونه یې د ۱۵ او ۱۸ کلونو ترمنځ دي.   د امریکا د جانز هاپکېنز پوهنتون د شمېرو... Читать дальше...

د سعودي عربستان په مشرۍ ائتلاف پرون شنبه(د مرغومي ۴مه) په ګاونډي هېواد یمن کې پراخ پوځي عملیات پیل کړل.   دا عملیات وروسته له هغې پیلېږي چې له یمن څخه په توغول شوي توغندي په سعودي عربستان کې دوه کسان ووژل.  دا په وروستیو درېیو کلونو کې د حوثي یاغیانو له خوا چې ایران یې ملاتړ کوي، د خپل ډول له مخې لومړي قتلونه دي.   حوثي یاغیانو خبرداری ورکړی، که د سعودي عربستان په مشرۍ ائتلاف خپل تجاوز- ونه دروي، له سختو عواقبو سره به مخامخ شي.   یمن کې له ۲۰۱۴میلادي کال راهیسې کورنۍ جګړه روانه ده چې په نړیواله... Читать дальше...

نن سلمه ورځ ده چې له یو څو محدودو ولایتونو پرته په نور افغانستان کې نجونو ته تر شپږم ټولګي پورته د نور تعلیم اجازه نه ده ورکړل شوې. د هلمند په مرکز لښکرګاه کې د یوه ښوونځي پخوانۍ مدیره قمر نیازۍ چې اوس د ښوونکې په توګه دنده ترسره کوي وايي، د طالبانو دغه بندیز زیاتې نجونې چې اوس پر کورونو ناستې دي، نه‌هیلي کړي دي. اغلې نیازۍ زیاتوي: "بېخي زیاتې متاثره دي. داسې خواتورې دي. داسې حالت لري چې د بیان وړ نه دي. ځکه زموږ په سیمه کې له اووم څخه تر دوولسم پورې یوه زده کوونکې هم ښوونځي ته نه ده تللې. استادان... Читать дальше...