د افغانستان او نيوزلنډ کرېکټ لوبه د باران له امله ځنډېدلې ده
د افغانستان او نیوزلنډ د کرېکټ لوبډلو ترمنځ نننۍ لوبه د باران له کبله ځنډېدلې ده.
د کرېکټ د معلوماتو انلاین وېبپاڼې ( Cricinfo ) لیکلي، که باران په همدې کچه روان وي، ممکن د لوبې د اورونو شمېر به راکم شي.
لوبه د افغانستان په وخت د غرمې ۱۲ نیمو بجو ته پلان شوې وه.
د لوبې پچه هم لا نه ده اچول شوې.
که څه هم باران لږه شېبه و درېد او د لوبغالي د وچېدو کار پيل شو، خو له لږ ځنډ وروسته بېرته باران پیل او پیچ بېرته په ټکور وپوښل شو.
دا په دې نړیوال جام کې د افغانستان دویمه رسمي لوبه ده، افغانستان لومړۍ رسمي لوبه انګلستان ته بایللې ده.
نننۍ لوبه د استرالیا په مېلبورن لوبغالې کې کېږي.
د شل اوریز نړیوال جام د لوبو په دوام نن ایرلند له انګلستانه په پنځو منډو لوبه وګټله.