د کلستر ماینونو ایتلاف: روسیه او اوکراین دې د خوشه یي ماینونو له کارولو لاس واخلي
د کلسټریا خوشه يي مهماتو د تولید او کارونې د مخنیوي لپاره یو نړیوال ایتلاف وایي، له کله چې کریملین له تېر کال راهیسې پراوکراین بشپړیرغل پیل کړی، د روسیې او اوکراین لخوا د کلسټر وسلو بریدونه د دا ډول وسلو په کارولو کې د زښت زیات زیاتوالي ښکارندوي کوي چې ورسره د دې اړتیا رامنځ ته کوي چې نور هیوادونه پر دا ډول وسلو له نړیوال بندیز سره یوځای شي.
د کلستر ماینونو ایتلاف (CMC) کمپاین ډلې، نن د سپتمبر په پنځمه د کلستر ماینونو په اړه خپل کلنی راپور خپور کړی ،چې په کې ویل شوي چې په ۲۰۲۲ کال کې په اتو هیوادونو کې د کلستر ماینونو د استعمال په نتیجه کې لږ تر لږه 1,172 کسانو ته چې ۹۵ سلنه یې ملکي وګړي دي، مرګ ژوبله اوښتې.
دغه هیوادونه اوکراین، آذربایجان، عراق ، لاوس، لبنان، میانمار، سوریه او یمنبلل شوي دي. دې ایتلاف ویلي ټول هغه هیوادونه چې دا وسلې یې نه دي منع کړي باید سمدستي دا کار وکړي اوزیاتوي، د دغو وسلو د دوامدار استعمال لپاره هیڅ توجیه نشته.
په ټولیز ډول ۱۱۲ هیوادونو د ۲۰۰۸ کال کنوانسیون تصویب کړی، چې د کلستر وسلو پرتولید او استعمال بندیزلګوي. روسیه، اوکراین او امریکا د دوی په مینځ کې نه دي.