Новости за 21.09.2023

د افغانستان لپاره د پاکستان ځانګړی استازی اصف درانی د یوه پلاوي په مشرۍ نن پنجشنبه کابل ته تللی دی. د طالبانو د حکومت بهرنیو چارو وزارت له دغه پلاوي سره د بهرنیو چارو د سرپرست وزیر امیرخان متقي د لیدو کتو خبر ورکړی دی. د بهرنیو چارو وزارت مرستیال ویاند حافظ ضیا احمد پر خپله ایکس پاڼه لیکلي چې دغو لیدو کتو کې پر امنیتي مسئلو، پاکستان کې د افغان کډوالو پر نیولو او د تګ راتګ پر لارو د جوړو شویو خنډونو د لرو کولو په اړه خبرې او د ستونزو د مخنیوي ژمنې شوي دي. دا پلاوی داسې مهال افغانستان ته ځي چې... Читать дальше...

د جرمني پولیس وایي د افغان خبریال داود سیاوش د مړینې په قضیه کې یې " د تاوتریخجن جرم" نښانې نه دي لیدلي. له دې سره سره جرمني چارواکو د پیښې د سپړلو په هدف د هغه پر جسد د عدلي طب د معایناتو امر کړی دی. داود سیاووش درې ورځې لادرکه و چې د چهارشنبې په ورځ یې د جرمني په فورث ښار کې مړی وموندل شو. د داود سیاووش زوی او د افغانستان د پارلمان پخواني غړي بکتاش سیاووش د پلار مړینه " په جدي ډول د پوښتنې وړ او مرموزه" بللې ده.

د پښتونخوا ملي عوامي ګوند سیاستوالانو او پلویانو او سوداګرو په کوټه کې د ګمرک (کسټم) ودانۍ مخې ته مظاهره کړې ده. د سېپټېمبر ۲۱مې مظاهرچیانو دعوه وکړه چې د کسټم چارواکي یې پر کاروباري مرکزونو ناقانونه چاپې وهي. د بلوچستان حکومت لا د دې رپورټ تر جوړېدو پورې څه نه دي ویلي. خو د کسټم ادارې چارواکو په وروستیو کې د قاچاقي موادو پر ضد د اقداماتو خبر ورکړی دی. مظاهرچیانو وویل چې د برېښنا ادارې د کارکوونکو چاپو پرضد هم وروتلي دي. د پاکستان لنډمهالی حکومت وايي، د بجلۍ غلا پرضد اقداماتو ته دوام ورکوي. ویډیويي رپورټ.

د انتقالي عدالت او سولې نړیوال سازمان د چهارشنبې په ورځ د یوې اعلاميې په خپرولو سره ویلي، د امریکا د څارنوالانو ټولنې له‌خوا ترلاسه شوي ځورونکي راپورونه ښیي چې پر افغانستان د طالبانو د بیا ځلي واکمنۍ له پیل راهیسې ۲۹ افغان څارنوالان یا د طالبانو یا د هغو جنایتکارانو له لوري وژل شوي یا شکنجه شوي چې د طالبانو له زندانونو خوشې شوي دي. د انتقالي عدالت او سولې نړیوال سازمان په اعلامیه کې راغلي چې طالبان د ۲۰۲۱ کال د اګست له ۱۵مې مخکې د څارنوالانو او د عدلي سیستم د غړو د سلګونو هدفي وژنو له تورونو سره هم مخ دي. Читать дальше...

د افغانستان او پاکستان ترمنځ د سپین بولدک-چمن په لار یو شمېر اوښتونکي افغان مسافر ادعا کوي چې د پاکستاني پوله ساتو له خوا وهل کېږي او پیسې ترې اخیستل کېږي. د افغانستان او پاکستان ترمنځ د سپین بولدک-چمن له دروازې راپورونه خپاره شوي چې هلته پاکستاني پولیس هغه افغانان چې غواړي پاکستان ته د خپلو اړتیاوو او ستونزو د حل په هدف لاړ شي، وهي او پیسې ترې اخلي. په ټولنیزو رسنیو فېسبوک او ایکس شبکو کې خپرو شویو ویډیو ګانو کې چې ازادي راډیو یې کره‌والي نه‌شي تاییدولی په سپین بولدک کې یو افغان کډوال ادعا... Читать дальше...

په هارون باچا هنري ګړۍ کې مو دا اوونۍ د ملاکنډ له ځوان سندرغاړي کمال خان سره خبرې کړې دي. نوموړي د خپل اواز او د ښه شاعرې د انتخاب له کبله په کم وخت کې په پښتو موسیقۍ کې نوم ګټلی دی. دی وايي، خپل هنر د ولس بیدارۍ لپاره کارول غواړي. په خپرونه کې د نوموړي سندرې هم اورېدای شئ.

د افغانستان لپاره د امريکا ځانګړي استازي ټوماس وېسټ د افغانستان د بشري وضعیت په اړه په بشري چارو کې د ملګرو ملتونو د سرمنشي له مرستيال مارټين ګريقيټس سره خبرې اترې کړي. په داسې حال کې چې پر افغانستان د طالبانو د دوهم ځل واکمنۍ له پیل وروسته په دې هېواد کې د بې‌وزلۍ او بې‌کارۍ کچه اوج ته رسېدلې او دې هېواد ته بهرنۍ بشري مرستې کمې شوي، د افغانستان لپاره د امريکا ځانګړي استازي د افغانستان د بشرى وضعیت په اړه په بشري چارو کې د ملګرو ملتونو د سرمنشي له مرستیال سره لیدلي دي. وېسټ د پنجشنبې په ورځ پر... Читать дальше...

د ایران د فارس محکمې د شاهچراغ د زیارت د برید اصلي تورن په اعدام محکوم کړ. په فارس ولایت کې د شاهچراغ په زیارت سږ کال د اسد یا زمري په ۲۲مه وسله‌وال برید شوی و. په دغه زیارت په برید سره لومړی د لږ تر لږه څلورو کسانو د وژل کېدو او د اووه نورو د ټپي کېدو خبر ورکړل شوی و. وروسته د ایران د قضایه قوې اړوند پاڼې میزان وویل چې دوه کسان وژل شوي او اووه نور ټپیان دي. د میزان خبري اژانس د راپور له مخې د فارس د محکمې مشر کاظم موسوي اعلان وکړ رحمت الله نوروزف چې د تاجکستان دی او په مصطفی اسلم یار مشهور... Читать дальше...

د جرمني د نورنبېرګ‌فورث ایالت پولیس وایي، د افغان خبریال داوود سیاووش د مړینې په قضیه کې یې د تاوتریخجن جرم نښانې نه دي لیدلي. له دې سره سره جرمني چارواکو د پېښې د سپړلو په هدف د هغه پر جسد د عدلي طب د معایناتو امر کړی دی. د داوود سیاووش زوی بکتاش سیاوش پرون ناوخته د خپل پلار د مرموزې مړینې خبر ورکړ او وې ویل، له درې ورځې لادرکۍ وروسته یې پولیسو د پلار مړی د دوی کورنۍ ته سپارلی دی. نی یا د ازادو رسنیو د ملاتړ ادارې هم پر پېښه خواشیني ښودلې او د جرمني له چارواکو یې د موضوع د سپړلو غوښتنه کړې ده.

د ایران ولسمشر ابراهیم رییسي وایي، که د ولسمشر جو بایډن اداره لېوالتیا ولري چې د ۲۰۱۵م کال هستوي تړون ته وروګرځي، د تهران او واشنګټن اړیکې پرمختګ کولای شي. رییسي چې د ملګرو ملتونو په عمومي اسامبله کې د ګډون په هدف نیویارک ته تللی د چهارشنبې په ورځ خبریالانو ته ویلي، د دې کار لومړنی ګام باید د بندیزونو لرې کول وي. هغه وایي، امریکایانو له څو لارو ورسره اړیکه نیولې او په خبره یې خبرو ته لېوالتیا لري. د ایران ولسمشر وایي، دوی باور لري چې دا ډول خبرې باید له عملي اقداماتو سره یوځای ترسره شي. د... Читать дальше...

کمېشن د سېپټېمبر پر ۲۱مه په بیان کې ویلي چې د سېپټېمبر تر ۲۷مې پورې د نویو حلقه بندیو لومړی نوملړ خپروي او د ګوندونو تر نیوکو وروسته به حتمي یا وروستۍ حلقه بندۍ د نومبر پر ۳۰مه اعلان شي.

راحيل عزيزي پر افغانستان د طالبانو تر واکمنېدو وروسته د ژوند ژغورلو په خاطر پاکستان ته تللی وه او ځان يې پوليسو ته سپارلی وو. پوليسو پر هغې د ويزې نه لرلو په تور د بهرنیو وګړو په اړه د قانون (فارن اېکټ) له ۱۴مې مادې سره سمه مقدمه دایره کړې وه.

د پاکستان سرپرست صدارعظم انورالحق کاکړ له افغانستان او ازبکستان سره د اورګاډي د پټلۍ جوړولو د چارو پر بشپړولو ټینګار کړی دی. نوموړي د سپټمبر پر ۲۰مه په نیویارک کې د ملګرو ملتونو د کلنۍ غونډې پر مهال د ازبکستان له ولسمشر شوکت میرضیاییف سره پر دې موضوع خبرې کړي دي. د کاکړ دفتر په بیان کې ویلي چې هغه د افغانستان له لارې د پاکستان او مرکزي اسیايي هېوادونو ترمنځ د سوداګرۍ زیاتولو په هدف پر وخت د پټلۍ پر جوړولو ټینګار وکړ. پاکستان، ازبکستان او په افغانستان کې د طالبانو حکومت د ۲۰۲۳م کال په جولای... Читать дальше...

بیان وايي، نوموړي هیله وښوده چې د پیسو نړیوال صندوق به له اسلام اباد سره مالي او اقتصادي همکارۍ وغځوي.

د افغانستان د تېر پرځېدلي پارلمان مخکیني غړي بکتاش سیاووش خبر ورکړی چې پلار یې محمد داوود سیاووش په جرمني کې په مرموز ډول وژل شوی دی. بکتاش سیاووش په خپله فېسبوکپاڼه پرون په دې اړه یو بیان خپور کړی. سیاووش ویلي چې پلار یې درې ورځې تري تم وو او تر هغه وروسته یې مړی پولیسو د دوی کورنۍ ته ورسپارلی دی. محمد داوود سیاووش د افغانستان یو پېژندل شوی لیکوال او خبریال و. د هغه زوی یما سیاووش چې د تلوېزیون ویاند او خبریال و هم نږدې درې کاله مخکې په کابل کې په یوه هدفي بمي چاودنه کې وژل شوی وو. د سیاووش... Читать дальше...

د امريکا د سفارت شارژدافېره وايي چې پرون يې په دوحه کې د طالبانو له یوه پلاوي سره د نشه‌يي توکو پر وړاندې د مبارزې په اړه خبرې وکړې. کرن ډیکر په ایکس شبکه کې په دې اړه په یوه بیان کې زیاته کړې زیاته کړه چې په دې کتنه کې دواړو لورو د نشه یي توکو د کښت او قاچاق د مخنیوي، د روږدو کسانو د درملنې او د بدیل معیشت په اړه بحث کړی دی. اغلې ډیکر له نشه یي توکو سره د مبارزې په برخه کې د ښځو رول مهم بللی او ویلي یې دي چې دا چاره له ښځو پرته نه شي بریالۍ کېدای. تر دې مخکې د تاجکستان ولسمشر امام علي رحمان... Читать дальше...

د پاکستان په بېلابېلو ښارونو کې سېکانو په کاناډا کې د یو بېلتونپالي سېک د وژنې ضد مظاهرې کړې دي. د هرديپ سېنګ نجر مړی په جون کې موندل شوی وو خو کاناډا د سېپټېمبر پر ‍۱۹مه وویل چې د استخباراتو موندنې ښيي چې هند د هغه په وژنه کې ککړ دی. نوي دلي دا تور رد کړی دی. د دې موضوع له کبله د هند او کاناډا تعلقات خورا ساړه شوي دي. په پېښور کې سېکانو له نړیوالې ټولنې څخه د نجر د وژنې د پلټنو غوښتنه وکړه. تفصیل په ویډيويي رپورټ کې.

په بلوچستان کې یوشمېر ملتپاله ګوندونو او د وکیلانو اتحادیو هم د سېپټېمبر پر ۲۲مه د کاسي د وژنې پرضد د عوامي نیشنل ګوند د احتجاج ملاتړ اعلان کړی دی.

د چین حکومت په وروستیو کې د شېنجیانګ یا سېنکیانګ ولایت په کاشغر کې د سیلګرۍ د ودې هڅه کړې. د هغه ښار زیاتره اوسېدونکي یوغور مسلمانان دي. بیجنګ په تېرو کلونو کې ګڼ یوغوریان د بیا ښوونې او روزنې په مرکزونو کې ساتلي ول چې څېړونکو بندیخانې بللې. اوس حکومت په هغه ښار کې سیلانیانو ته د یوغور فرهنګ ښوول غواړي خو هلته اوس هم خلک په پوره ازادۍ له خپلو دودونو او عقیدې سره سم ژوند نه شي تېرولای. په اړه یې د اې اېف پي اژانس رپورټ :.

د چین حکومت په وروستیو کې د شېنجیانګ یا سېنکیانګ ولایت په کاشغر کې د سیلګرۍ د ودې هڅه کړې. د هغه ښار زیاتره اوسېدونکي یوغور مسلمانان دي. بیجنګ په تېرو کلونو کې ګڼ یوغوریان د بیا ښوونې او روزنې په مرکزونو کې ساتلي ول چې څېړونکو بندیخانې بللې. اوس حکومت په هغه ښار کې سیلانیانو ته د یوغور فرهنګ ښوول غواړي خو هلته اوس هم خلک په پوره ازادۍ له خپلو دودونو او عقیدې سره سم ژوند نه شي تېرولای. په اړه یې د اې اېف پي اژانس له ویډيو جوړ رپورټ وګورئ.

د افغانستان لپاره د امریکا ځانګړی استازی ټوماس وېسټ وایي چې پرون یې په بشري چارو کې د ملګرو ملتونو د سرمنشي له مرستیال او د بېړنیو مرستو له همغږي کوونکي مارټین ګریفیټس سره په کتنه کې په افغانستان کې د روان بشري وضعیت په اړه خبرې وکړې. ټوماس وېسټ بېګا ناوخته په خپله ټولنیزه شبکه ایکس کې د دغو خبرو په اړه نور جزییات نه دي ورکړي، خو ویلي یې دي چې متحده ایالات د افغانانو د اساسي اړتیاوو د پوره کولو لپاره د بشري مرستو مخکښ تمویلونکي پاتې شوی دی. وېسټ ویلي، د دې منندوی دی چې پلي کوونکي شریکان یې مرستې د نړیوالو اصولو مطابق رسوي. Читать дальше...

سپینې ماڼۍ له کانګرسه غوښتي چې د اوکراین د ملاتړ لپاره د میلیاردونو ډالرو نوره مرسته تصویب کړي. دغه غوښتنه داسې مهال کېږي چې د روسي ځواکونو پر وړاندې د اوکراین یرغلیز عملیات د هوا له سړېدو او شرایطو له لا سختېدو سره دوام لري. د سپینې ماڼۍ د امنیت شورا ویاند جان کربي پرون چهارشنبې خبریالانو ته وویل چې د امریکا ولسمشر جوبایډن به نن په سپینه ماڼۍ کې د اوکراین له ولسمشر ولادمیر زیلینسکي سره وګوري او له هغه به د جګړې د وضعیت په اړه معلومات ترلاسه کړي. جان کربي وویل، منی را روان دی او وخت حساس دی... Читать дальше...

د سعودي عربستان ولیعهد شهزاده محمد بن سلمان وایي، هېواد یې له اسراییل سره د اړیکو عادي کېدو ته ورنږدې دی او پر دې لور ثابت پرمختګ کوي. هغه دغه څرګندونې پرون چهارشنبې له امریکایي فاکس نیوز تلوېزیون سره په مرکه کې وکړې. سلمان همدارنګه خبرداری ورکړ چې که ایران اټومي وسله ترلاسه کړي نو هېواد به یې هم دا کار وکړي. نوموړي دغه څرګندونې د یوې پوښتنې په ځواب کې وکړې او ویې ویل که ایران اټوم بم ولري، نو دوی یې هم باید ولري. سلمان زیاته کړه، د امنیتي دلایلو او په منځني ختیځ کې د ځواک د انډول لپاره دا... Читать дальше...

ترکیې افغانستان ته د شل ټنه درملو او طبي وسایلو د لېږد خبر ورکړی دی. د ترکیې انادولو خبري اژانس پرون چهارشنبه راپور ورکړ چې په دغو مرستو کې د اکسرې ماشینونو په ګډون ځینې پرمختللي وسایل شامل دي. دغه طبي مرستې په کابل کې د طالبانو د حکومت د عامې روغتیا وزارت ته سپارل شوي دي. تر دې وړاندې د روغتیا نړیوال سازمان خبرداری ورکړی و که مالي مرستې ور ونه رسېږي، په افغانستان کې به شاوخوا اته میلیونه خلک له روغتیایي خدمتونو بې برخې شي.

د اسیايي پراختیا بانک له افغانستان سره د څلور سوه میلیونه ډالرو مرسته تصویب کړه. دغه بانک پرون چهارشنبه د سپټمبر ۲۰مه په یوه خبرپاڼه کې ویلي چې دغه تازه مرسته د زیانګالو افغانانو د لاسنیوي په ځانګړې توګه ښځو او نجونو ته ځانګړې شوې. د خبرپاڼې په دوام راغلي چې ټولې دغه پیسې د ملګرو ملتونو ادارو ته ورکول کېږي چې مصرف یې کړي. په خبرپاڼه کې راغلي چې د دې مرستې له ډلې به سل میلیونه ډالره د خوړو نړیوال پروګرام ته ورکول کېږي چې څه باندې یو اعشاریه درې میلیونه افغانان تر پوښښ لاندې راولي. د مرستې... Читать дальше...