د پاکستان د جمعیت علمای اسلام ګوند: د افغان نجونو ښوونځي او پوهنتونونه دې پرانیستل شي
په پاکستان کې د جمعیت علمای اسلام ګوند وايي، په افغانستان کې دې د ښځو او نجونو په مخ ښوونځي او پوهنتونونه پرانیستل شي.
د دې ګوند ویاند حافظ حمدالله له ازادي راډیو سره په خبرو کې زیاته کړه چې هیڅکله یې افغان طالبانو ته دا مشوره نه ده ورکړې چې د نجونو پر مخ دې ښوونځي او پوهنتونونه وتړي او دا پرېکړه یوازې په افغان طالبانو پورې تړاو لري.
د افغانستان په تېر جمهوري نظام کې د ملي امنیت مشر معصوم ستانکزي ادعا کړې چې د جمعیت علمای اسلام پاکستان یوه پلاوي افغان طالبانو ته توصیه کړې چې د نجونو ښوونځي او پوهنتونونه دې نه پرانېزي.
سلطان محمد سرور حافظ حمدالله څخه د مرکې پیل کې پوښتنه کړې چې دوی د ستانکزي د خبرو په هکله څه وایي؟
د دې مرکې د اورېدو لپاره لاندې لېنک کېکاږلی شئ: