د جرمني پولیسو د داوود سیاووش پر جسد د تاوتریخجن جرم نښې نه دي لیدلي
د جرمني د نورنبېرګفورث ایالت پولیس وایي، د افغان خبریال داوود سیاووش د مړینې په قضیه کې یې د تاوتریخجن جرم نښانې نه دي لیدلي.
له دې سره سره جرمني چارواکو د پېښې د سپړلو په هدف د هغه پر جسد د عدلي طب د معایناتو امر کړی دی.
د داوود سیاووش زوی بکتاش سیاوش پرون ناوخته د خپل پلار د مرموزې مړینې خبر ورکړ او وې ویل، له درې ورځې لادرکۍ وروسته یې پولیسو د پلار مړی د دوی کورنۍ ته سپارلی دی.
نی یا د ازادو رسنیو د ملاتړ ادارې هم پر پېښه خواشیني ښودلې او د جرمني له چارواکو یې د موضوع د سپړلو غوښتنه کړې ده.