د کرکټ پنځوس اووره نړیوال جام؛ د افغانستان سیالي وځنډیده خو ۴ نور هېوادونه سره لوبیږي
د افغانستان او جنوبي افریقا ترمنځ د کرکټ پنځوس اووره نړیوال جام تمریناتي سیالي د ورښت له امله ځنډېدلې ده.
ټاکل شوې وه، چې دغه سیالي نن جمعه د کابل پر وخت ماسپښین یوه بجه د هندوستان د کیرالا ایالت په ورزشي میدان کې وشي.
دغه راز نن د پاکستان او نیوزیلینډ او بنګله دېش او سریلانکا ترمنځ هم تمریناتي سیالۍ شته، چې دواړه پیل شوي دي.
باید وویل شي چې افغانستان به د سې شنبې په ورځ خپله دویمه تمریناتي سیالي له سرېلانکا سره کوي.