Новости за 03.07.2022

اروپايي ټولنه په افغانستان کې د ګوزڼ ضد واکسین د کمپاین د تطبیق او د ماشومانو د ملاتړ لپاره ۴۰ میلیونه یورو مالي مرسته کوي. د ماشومانو د ملاتړ لپاره د ملګرو ملتونو مرستندوی صندوق یا یونېسیف نن په یوه اعلامیه کې د اروپايي ټولنې د دغو مرستو خبر ورکړ. په اعلامیه کې ویل شوي، چې په افغانستان کې د اقتصادی وضعیت له خرابېدو سره په دغه هېواد کې ماشومان له تاوتریخوالي او نورو ګواښونو سره مخامخ دي. په اعلامیه کې ویل شوي، چې زیات ماشومان او ځوانان داسې احساسوي، چې اړ دي کار وکړي او ځینې یې له افغانستانه بهر خطرناکو سفرونو ته زړه ښه کوي.

یو شمېر ښځې وايي، ښه ده چې د طالبانو د حکومت لخوا د علماوو په رابلل شوې ناسته کې هېڅ ښځه نه وه. د طالبانو د حکومت یوه معترضه ښځه چې نه غواړي نوم یې واخیستل شي، وايي، خوشاله ده چې ښځو د طالبانو حکومت د علماوو په ناسته کې ګډون نه و کړی. دا وايي، په دې ناسته کې د ښځو ګډون د ښځو په ګټه نه و، ځکه د دې په خبره یو شمېر طالبان او ځینې علما د ښځو د منزوي کېدو پلویان دي. هغه زیاتوي: "موږ پوهېږو که ښځې په داسې ناستو کې ګډون هم وکړي، ګډون به یې سمبولیک وي. موږ پوهېږو چې ځینې علما او حکومت یې ښځې حاشيې... Читать дальше...

په پنجشېر کې د طالبانو چارواکي وايي، په یوه ټرافیکي پېښه کې یو طالب مړ شوی او څلور تنه نور یې ټپیان شوي دي. د دغه ولایت لپاره د طالبانو د اطلاعاتو او کلتور رییس مولوي نصر اله ملکزاده نن ازادۍ راډیو ته وویل، د پنجشېر د مرکز په مربوطاتو کې د چلوونکي د بې احتیاطۍ له کبله د یوه رنجر ډوله موټر د اوښتو په پېښه کې دغه مرګ ژوبله پېښه شوې ده.

په کاپیسا ولایت کې د اوبو پر سر د لانجې په نتیجه کې یو تن مړ شوی دی. ویل شوي دغه لانجه د تګاب ولسوالۍ په تترخېل سیمه کې پېښه شوې ده. د کاپیسا د امنیې قوماندانۍ لپاره د طالبانو ویاند عبدالفتاح فایز ازادۍ راډیو ته وویل، د نن سهار په دې پېښه کې بل کس ټپي شوی هم دی. طالبان وايي، د قتل په تور یو کس نیول شوی دی.

د پاکستان په جنوب لویدیځ کې د یوه مسافروړونکي موټر د چپه کېدو په پېښه کې لږ تر لږه ۱۹ کسان مړه شوي او تر ۱۰ زیات نور ټپیان شوي دي. دغه بس د سخت باران پر مهال په یوه غرنۍ سیمه کې له سړک څخه واوښت. د بلوچستان ایالت په شیراني سیمه کې د پولیسو یوه محلي چارواکي، مهتاب شاه نن یکشنبه ویلي، دغه بس له اسلام اباد څخه د بلوچستان مرکز کوټې ته روان و.

د راپورونو له مخې د روسیې دفاع وزیر سیرګي شویګو نن د روسیې ولسمشر ولادمیر پوتین ته ویلي، چې روسي ځواکونو د اوکراین د ختیځ لوهانسک سیمه په بشپړ ډول ازاده کړې ده. شویګو ویلي، چې روسي ځواکونو او د مسکو ملاتړو وسله والو د لیسچیانسک پر ښار چې په وروستیو څو ورځو کې د سختو جګړې ډګر و، بشپړه ولکه ټینګه کړې ده. دا ګڼ نفوسه ښار د لوهانسک د سیمې هغه وروستۍ لوی ښار و چې ځینې برخې یې د اوکراین په کنټرول کې وې. د روسیې دفاع وزارت نن په یوه خبرپاڼه کې ویلي، چې شویګو د روسیې د وسله والو ځواکونو اعلا قومندان... Читать дальше...

امریکایۍ تیسلا کمپنۍ چې برقي موټر تولیدوي، په تېرو درېیو میاشتو کې یې تولید ډېر را لوېدلی چې هغه د تېر کال له مني راهیسې د دې کمپنۍ له خوا د تولید تر ټولو ټیټه کچه بلل کېږي. تیسلا کمپنۍ د شنبې په ورځ اعلان وکړ، چې د اپرېل او جون ترمنځ درېیو میاشتو کې یې، اس یو وي ډوله څه باندې ۲۵۴ زره موټر پلورلي چې دا د روان کال د لومړیو درېیو میاشتو په نسبت اتلس سلنه او د تېر کال د وروستۍ ربعې په پرتله ډېر ټیټوالی دی. د موټرو د پرزو په اکمالاتو کې ستونزې او په چین کې د کورونا وبا له امله لګول شوي محدودیتونه... Читать дальше...

په دې وروستیو کې په ټولنیزو رسنیو کې یوه ویډیو خپره شوې چې ښيي طالب ځواکونه د سرپل په بلخاب کې د شیعه ګانو په یوه جومات کې موسیقي غږوي. په دې وروستیو کې په ټولنیزو رسنیو کې یوه ویډیو خپره شوې، چې په کې لیدل کېږي، د سرپل بلخاب ولسوالۍ کې د شیعه ګانو په یوه جومات کې څو طالب ځواکونه موسیقي غږوي. خو په ویډیو کې نه ښکاري، چې دا کومه سیمه ده او کله ثبت شوې ده. د دې ویډیو له مخې د دغو ځواکونو یو تن غړی د جومات پر ممبر ناست دی او موسیقي اوري. د بلخاب په سرپل ولسوالۍ کې یوې سیمه ییزې سرچینې دغه پېښه... Читать дальше...

په کندهار کې د پنځو ولايتونو ترمنځ د کراتې سيالۍ پاى ته ورسېدې. د افغانستان د بدني روزنې او ورزش ریاست په خپل فېسبوک پاڼه لیکلي، چې دغه سیالۍ د کندهار د بدني روزنې او ورزش ریاست په دولتي جمنازیوم کې د پنځو ولایتونو هرات، فراه، خوست،کابل او کندهار ترمنځ چې اوونۍ وړاندې پیل شوې وې تېره ورځ ناوخته پای ته ورسېدې. د دې ریاست په وینا، دغه سيالۍ چې د کندهار کراتې فدراسيون په مرسته ترسره شوې کندهار په کې لومړى مقام خپل کړ. له يادو سياليو يې موخه د کندهار منتخبې لوبډلې جوړول او د ملي سياليو لپاره چمتو کول دي.

غور کې د ١٦کلنو کم عمره فوټبال ليګ پیل شو. د افغانستان د فوټبال فدراسیون په خپل فېسبوک پاڼه لیکلي، چې دغه لیګ تېره ورځ د اتو لوبډلو ترمنځ پیل شو. د فدراسیون په وینا، دغه لیګ به دوه اوونۍ دوام وکړي. د دې سياليو ترسره کېدو موخه د فوټبال ورزش وده او د ١٦کلنو منتخبې لوبډلې ته د غوره لوبغاړو ټاکل دي.

منچسټر یونایټېډ د رونالډو د وتو رسمي غوښتنې ته منفي ځواب ورکړ. د ورزشي اژانسو د راپورنو له مخې، د منچسټر یونایټېډ فوټبال لوبډلې پرتګالي ستوری کړیسټیانو رونالډو پلان لري چې د نړۍ تر ټولو مهم ټورنمېنټ د اروپا د اتلانو لیګ کې د لوبیدو چانس ترلاسه کولو لپاره د انګلستان لوبډله پرېږدي. که څه هم د منچسټر یونایټېډ سره د کریسټیانو رونالډو د یوځای کېدو پوره کال نه دی تېر شوی، خو هغه غواړي دا ټیم پرېږدي. راپورونه د ۳۷ کلن رونالډو دغه پرېکړه د اروپا د اتلانو لیګ په سیالیو کې د هغه ګډون بولي. د معلوماتو... Читать дальше...

که څه هم د طالبانو د حکومت کابینې د روان میلادي کال د فبروري میاشتې په لسمه نېټه پرېکړه کړې وه څو ناراجستره سیمکارتونه به بندوي خو لا تر اوسه هم په بازار کې دا سیمکارتونه پلورل کېږي. د ناراجستر شویو سیمکارتونو پیر او پلور، هغه ستونزه چې د حکومتونو له بدلېدلو سره سره په خپل ځای پاتې ده. که څه هم د طالبانو حکومت کابینې شاوخوا پنځه میاشتې مخکې د دې سیمکارتونو د بندولو اعلان وکړ، خو لا هم په کابل او ولایتونو کې یې پلور او پېر شته. د کابل اوسېدونکي عصمت الله په دې اړه ازادي راډيو ته وویل: "د کوټه... Читать дальше...

پر ستورمزلو یا فضا نوردانو د یوې نوې څېړنې نتیجې ښودلې، چې فضا ته تګ د انسانانو پر هډوکو اغېزه کوي. پر اولسو ستورمزلو یا فضا نوردانو چې نړیوالې فضایي اډې ته تللي، د ترسره شوې څېړنې په نتیجه معلومه شوې چې د هغوی هډوکي اولس سلنه کوچني شوي دي. د دغې څېړنې نتیجه فضایي څېړونکو او ساینسپوهانو ته د دې بشپړ درک په لاس ورکوي، چې فضا ته سفر د انسانانو پر بدن څه ډول اغېز کوي یا هغه مرحلې چې کولای شي د انسان بدن کوچني کړي. لرې فضا ته د انسانانو د راتلونکو احتمالي ماموریتونو د مخه دغه نوې پوهه مهمه ګڼل کېږي. Читать дальше...

په ازبکستان کې مېشتو افغان سوداګرو، د ټرانزیټ، بانکي ستونزو او دغه شان د صادراتو او وارداتو په برخه کې د اسانتیاوو غوښتنه کړې. دا غوښتنه هغه هېواد ته د طالبانو حکومت د صنعت او سوداګرۍ د سرپرست وزیر په مشرۍ د یو پلاوي د سفر په ترڅ کې شوې ده. د طالبانو حکومت د صتعت او سوداګرۍ وزارت په ټویټر پاڼه لیکل شوي، چې پلاوي سوداګرو سره په لیدنه کې د یادو ستونزو د هواري ژمنه کړې ده. دا لیده کاته داسې مهال کېږي، چې په افغانستان د طالبانو له بیا ځلي واکمنېدو سره د ازبکستان په ګډون ګن شمېر هېوادونو له افغانستان... Читать дальше...

د اوکراین له خارکییف سره په پوله د روسیې په یوه سرحدي ښار کې تېره شپه د چاودنو او اورلګېدنو په پېښو کې د څو تنو د وژل کېدو او یو شمېر ودانیو د زیانمنېدو راپورونه ورکړل شوي دي. د اوکراین د خارکییف ښار پولې ته نږدې د روسیې د بیلګوروډ والي ویلي، چې تېره شپه د دې سیمې په مرکزي ښار کې لږترلږه درې تنه وژل شوي او یو شمېر ودانۍ زیانمنې شوي چې د روسیې د پارلمان یوه غړي هغه د اوکراین له خوا د مسقیمي جګړې یو عمل بللی دی. د سیمې والي ویچیسلاو ګلاکوف پر ټېليګرام په یوه پوست کې ویلي، چې په بیلګوروډ ښار کې... Читать дальше...

د طالبانو له لوري د علماوو د غونډې پای ته رسېدو سره د غبرګونونو په دوام په کابل کې یو شمېر ښځو د نجونو د ښوونځیو د بند پاتې کېدو او ښځو د کار نه کولو په اړه اعتراضيه غونډه وکړه. "د ښځو په نفې کولو نه نفې کېږو او په ټولنه کې د ښځو حضور ته د ټوپک او تاوتریخوالي د شتون پر پرتله څو چنده زیاته اړتیا ده" تر نامه لاندې د ا خبرې نن په کابل کې د ښځو په یوه اعتراضي غونډه کې طالبانو ته په خطاب کې وشوې. د طالبانو د حکومت له لوري د علماوو له راغوښتل شوې درې ورځنۍ غونډې وروسته د غبرګونونو په دوام نن یکشنبه... Читать дальше...

د کندهار ولایت د سوداګرې او پانګونې خونې عامل مدیر انجنیر عبدالباقي نن یکشنبه ازادي راډيو ته وویل، وروستیو وچکالیو او اقتصادي ستونزو سږ کال د انګورو حاصلات کم کړي دی. د نوموړي په خبره، تېر کال دا وخت به په ورځني ډول شاوخوا ۵۰ موټره د سپین بولدک له لارې پاکستان ته صادرېدل خو اوس په ورځني ډول یوازې ۵ یا ۶ موټره صادرېږي. ښاغلی باقي وايي، تمه ده چې راتلونکې یو میاشت کې دغه شمېر د پخوا په څېر شي. د کندهار د سوداګرۍ او پانګونې خونې چارواکي وايي، هڅه کوي څو سږکال د افغانستان د شمالي ولایتونو له لارې... Читать дальше...

متحده عرب اماراتو په افغانستان کې د زلزلې د ټپيانو د درملنې لپاره پرون په دریو الوتکو کې د ساحوي روغتونو وسایل او درمل استولي. د افغانستان لپاره د متحده عرب اماراتو د سفیر عیسی سالم الداهیري په حواله د دغه هېواد دولتي خبري اژانس راپور ورکړ، چې په یادو مرستو کې ۷۵ بسترونه، دوه مجهزې عملیات خونې او یو شمېر پرمختللي طبي وسایل او دارو درمل شامل دي. سفیر زیاته کړې، چې هېواد یې د افغانستان زلزله ځپلو سره د مرستې لپاره متعهده دی او خپله همکاري جاري ساتي. وړمه چهارشنبه د جون ۲۲ سهار وختي د پکتیکا،... Читать дальше...

امریکايي چارواکو ویلي، د افغان محصلینو لپاره د فولبرایټ بورسونو د فعالولو په اړه کار کوي. د امریکا د بهرنیو چارو وزارت یوه ویاند امریکا غږ ته ویلي، چې که څه هم په سیمه کې وضعیت نه دی بدل شوی خو د افغانستان لپاره د ۲۰۲۳ او ۲۰۲۴ تحصیلي کلونو په فولبرایټ پروګرام کار کوي. د معلوماتو په اساس د امریکا د بهرنیو چارو وزارت به د سږ او پروسږکال د فولبرایټ د بورسیو د ازموینو هغه محصلین په پام کې نیسي چې تر نیمه وروستي پړاوه رسېدلي دي. امریکا په افغانستان کې د طالبانو په بیا واکمنېدو د فولبرایټ پروسه وځنډوله. Читать дальше...

د افغانستان د کرکټ د ملي ټیم لوبغاړي نوین الحق د انګستان په شل اوریزو لوبو کې د خپل کلب له مشرانو د غوره بالر په توګه د اعزاز خولۍ ترلاسه کړه. هغه چې د انګلستان د شل اوریزو لوبو ویټاليټي بلسټ په سیالیو کې د لیسټرشایر په ګټه لوبیږي تر دې دمه ۱۴ لوبو کې ۲۳ وېکټې اخیستي. نوین تر دې دمه د یادو شل اوریزو سیالیو مخکښ ویکټ اخیستونکی هم دی. ده تېر کال هم په یادو لوبو کې تر ټولو زیات لوبغاړي اوټ کړي وو. نوین د لیسټرشایر څخه د ویاړ په پار د ګولډ فاکس خولۍ له ترلاسه کولو وروسته پرون په خپل فېسبوک لیکلي،... Читать дальше...

په پاکستان کې د طالبانو د سفارت مسوول سردار احمد شکیب مني چې پرون په تورخم کې یو افغان سپین ږیري چې له ډېورنډ کرښې پورې غاړې و، له دې امله چې پاکستاني عسکرو د را اوښتو اجازه نه‌ورکوله ځان تر موټر لاندې کړی دی. ښاغلي شکېب پرون ناوخته په تورخم کې رسنیو ته وویل: "یو تن افغان چې د نورو سلګونو افغانانو په منځ کې ولاړو او غوښتل یې په تذکره واوړي، هغه له ډېره مایوسۍ او احتیاج څخه هغه ځان تر موټر لاندې کړی او په شهادت رسېدلی دی." په پاکستان کې د طالبانو د سفارت مسوول دا هم مني، چې یو بل افغان ماشوم هم پرون تر موټر لاندې شوی او مړ شوی دی. Читать дальше...

د ایران د بهرنیو چارو وزیر حسین امیرعبداللهیان په داسې حال کې سوريې ته تللی، چې ترکیې د سوریې په شمال کې پر کرد ملیشو د برید ګواښونه کړي. تېرې یوې میاشت کې د ترکیې ولسمشر رجب طیب اردوغان څو ځلې ګواښ کړی، چې هېواد به یې د سوریې په شمال کې د دوو سیمو پر ضد نوي پوځي عملیات وکړي او په دغو سیمو کې به کرد ملیشې چې، هغه یې «ترهګر» بولي، په نښه کړي. عبداللهیان پرون سوریې د سفر پر مهال وویل چې په سیمه کې د ترکیې او سوریې تر منځ د سولې او امنیت د راوستلو په هدف هڅې کوي او ایران د یوه نوي جنجال د رامنځته کېدو مخه نیسي. Читать дальше...

د ازبکستان په ناکراره قره قالپاګستان خودمختاره جمهوریت کې لاریون کوونکو په اساسي قانون کې د ځينو بدلونو د راوستلو د پلان په غبرګون د حکومتي ودانیو د نیولو هڅه وکړه. که اساسي قانون کې پلان شوي تعدیلات راشي له دې خودمختاره سیمې هغه واک اخلي چې په اساس یې کولای شوای له ازبکستان څخه خپلواکي وغواړي. سیمه ییزو چارواکو لاریون کوونکي بلواګر یاد کړي او ویلي یې دي، چې خلک یې د حکومتي ودانیو د نیولو لپاره په پلازمېنه نوکس ښار کې سره ټول کړي و او غوښتل یې خلک سره وویشي او ګډوډي رامنځته کړي. د راپورونو... Читать дальше...

د اوکراین پوځ وايي، د لیسیچانسک ښار په شاوخوا کې جګړې زور اخیستی او د روس پلوه بېلتون غوښتونکو هغه ادعاوې یې رد کړې چې ګواکې دا ښار یې محاصره کړی دی. اوکرایني چارواکو د روسیې له ملاتړه برخمن بېلتون غوښتونکو هغه ادعاوې رد کړې، چې ګواکې دوی د اوکراین ختیځ ښار لیسیچانسک "په بشپړه توګه" محاصره کړی خو منلې یې ده چې د سیورسکي دونیڅ سیند په غاړه په دې کلیدي ښار کې مقاومت دوام لري. د اوکراین د ملي ګارد ویاند روسلان موزیچوک پرون شنبه، د جولای ۲مه د دغه هېواد ملي تلوېزیون ته وویل چې د لیسیچانسک ښار په... Читать дальше...

د روغتیا نړیوال سازمان وايي، د افغانستان په زلزله ځپلو سیمو کې د روغتیايي خدمتونو د وړاندې کولو په برخه کې له ګڼو ادارو سره همکاري کوي. د روغتيا نړيوال سازمان وايي، چې د خوست او پکتيکا ولايتونو په زلزله ځپلو سيمو کې د ساري ناروغيو د مخنيوي، روغتيايي خدمتونو او د ټپيانو د پاملرنې په برخه کې د نړيوالو مرستندويانو مرستو ته ډېره اړتيا ده. دغه سازمان پرون په یوه ټویټ کې وویل، چې د افغانستان په زلزله ځپلو سیمو کې د روغتیایي خدمتونو د وړاندې کولو په برخه کې له ګڼو شریکو ادارو سره همکاري کوي. که څه... Читать дальше...