Новости за 26.07.2022

روسیه وایي، له ۲۰۲۴ کال وروسته به له نړیوالې فضایي اډې څخه ووځي او د ځمکې په مدار کې به د خپلې یوې اډې پر جوړولو تمرکز وکړي. د روسیې د فضایي ادارې نوی مشر دغه اعلان وروسته له هغې کوي چې د دې ادارې مخکیني مشر فضا ته د ستورمزلو د لېږدولو لپاره له یوې امریکایي خصوصي کمپنۍ سره د ګډو الوتنو د یوې موافقې خبرورکړی و. له ۲۰۲۴ کال وروسته له فضایي اډې څخه د روسیې د وتلو اعلان د روسیې د فضایي ادارې، روزکاسموس نوي مشر یوري بوریسوف نن داسې مهال وکړ چې پر اوکراین د روسیې د یرغل له امله د لویدیځ او کریملین ترمنځ کړکېچ اوج ته رسېدلی. Читать дальше...

د طالبانو حکومت د بهرنیو چارو وزارت سرپرست یو ځل بیا له نړۍ سره د ښه تعامل غوښتنه وکړه. امیرخان متقي چې نن یې د افغانستان په اړه د تاشکند کنفرانس په دویمه ورځ دې غونډې ته خبرې کولې وویل، نړۍ دې په افغانستان کې د بې ثباتۍ پر ځای د ثبات د راوستو لپاره پانګونه وکړي. د "افغانستان د امنیت او اقتصادي ودې" په نوم په تاشکند کې د جوړ شوي کنفرانس په وروستۍ ورځ د طالبانو د بهرنیو چارو وزارت سرپرست امیرخان متقي له نړۍ‌والې ټولنې سره د ښو اړیکو جوړېدو غوښتنه وکړه. هغه دې غونډې ته په خبرو کې وویل: "لویه... Читать дальше...

یو شمېر امریکایي او د طالبانو سرچینې وايي چې دواړو لوریو د افغانستان د کنګل شویو شتمنیو د ازادېدو لپاره د یو مېکانېزم د رامنځته کولو په چاره کې پرمختګ کړی خو لا هم ځیني اختلافات شته. د رویټرز د راپور له مخې د دغو سرچینو په حواله یوه د اختلاف وړ موضوع داده چې طالبان د افغانستان بانک لپاره د ګومارل شویو جګپوړو سیاسي مشرانو چې د یوه نوم یې د امریکا د ترهګرو په فهرست کې دی، له لېرې کولو څخه ډډه کوي. امریکایي چارواکي او طالبان د افغانستان د ملیارډونو ډالرو د هغې شتمنۍ د ازادېدو لپاره د یوه مېکانېزم... Читать дальше...

په افغانستان کې د ملګرو ملتونو د ښځو د برخې مرستیاله الیسون دودیان وايي په تېرو یولسو میاشتو کې په دې هېواد کې د ښځو په وړاندې محدودیتونه زیات شوي دي. میرمن الیس چې تېره ورځ يې په یوې انلاین خبري ناسته کې خبرې کولې ټينګار وکړ چې په افغانستان کې د ښځو شاتګ د نړۍ لپاره ګواښ دی چې څنګه د تېرو دوه لسیزو لاس ته راوړنې په څو میاشتو کې له منځه وړل کېږي. نوموړې په دې خبرې کنفرانس کې وویل چې افغانستان د نړۍ یواځینی هېواد دی چې نجونو يې ښوونځيو او زیات شمېر مېرمنې يې کار کولو ته نه پرېښودل کېږي. مېرمن... Читать дальше...

کرستیانو رونالدو نن د منچستر یونایتد له مشرتابه سره پر دې خبری کوي چې په راتلونکي کې له دې لوبډلې سره پاتې شي که نه. ۳۷ کلن پورتګالي کرستیانو رونالدو وړاندې له دې ویلي چې غواړي د روان کال په مني کې له منچستر یونایتد سره مخه ښه وکړي او د فوټبال څو وتلو کلپونو هم ورته وړاندیز کړی. خو د منچستر یونایتد مدیر اریک تین هاګ ویلي، چې دوی به رونالدو له لاسه ورنه‌کړي. تین هاګ ویلي، چې له کرستیانو رونالدو سره د نن شپې له خبرو مثبته تمه لري او هڅه یې دا ده چې هغه د منچستر یونایتد لپاره لوبې ته دوام ورکړي. Читать дальше...

په کابل کې د پرمختګ جام سیالیو په دوام، استقلال لوبډلې پیروزي لوبډلې ته ماتې ورکړه. د افغانستان فوټبال فدارسیون وایي، د کاپیسا ولایت پیروزي او د کابل ولایت د استقلال لوبډلو ترمنځ د فوټبال سیالي چې تېر ماښام په کابل کې ترسره شوه، د کابل استقلال لوبدلې وکولی شول ۵ د یو په وړاندې د کاپیسا پیروزي لوبډلې ته ماتې ورکړي. د کابل د فوټبال پرمختګ جام سیالۍ درې ورځې وړاندې د کابل، کاپیسا، فراه او لوګر د فوټبال لوبډلو ترمنځ پیل شوې او لس ورځې به دوام وکړي. د يادو سياليو نندارې لپاره ګڼ شمېر ځوانان هم د فوټبال ميدان ته ورځي او لوبې له نږدې ګوري.

د بدني روزنې او ورزش ریاست له لوري په خپره شوې خبر پاڼه کې راغلي، د اسیا ماشومانو په نوم دغو سیالیو کې چې د روسيې په ولادیو ستوک ښار کې ترسره کېږي، د افغانستان په استازیتوب فریدون، ازاد بیک او روحید به د تکواندو په برخه کې سیالي وکړي. د اسیا ماشومانو ورزشي سیالۍ چې سبا د جولای په ۲۷مه پیلیږي، د اګست میاشتې تر ۸ مې دوام کوي. په دغو سیالیو کې به له ۱۱ هېوادونو څخه لسګونه ورزشکاران په ۱۶ بېلابېلو ورزشي برخو کې په خپلو کې سیالي وکړي. خو د بدني روزنې او ورزش ریاست په خبرپاڼه کې دا نه‌دي ویل شوي،... Читать дальше...

د کډوالو په چارو کې د ملګرو ملتونو عالي کمېشنرۍ وايي، په ۲۰۲۱ کال کې د افغان پناه غوښتونکو شمېره پنځه سلنه ډېره شوې ده. واجد روحاني په افغانستان د طالبانو له بیا ځلي واکمنېدو وروسته، امریکا ته کډوال شو. هغه چې د افغانستان په لویدیځ کې هرات کې خبریال و، د طالبانو له‌خوا په افغان خبریالانو د محدودیت تر وضع کولو وروسته یې پرېکړه وکړه چې خپل وطن پرېږدي. هغه وویل: "واک ته د طالبانو له رسېدو وروسته، په افغانستان کې د خبریالانو او د ازادو رسنیو فعالیت له ستونزو سره مخ شو. له همدې امله مې افغانستان... Читать дальше...

د پکتیا له زرمت ولسوالۍ د سېلابونو له امله لږ تر لږه شپېته کورنۍ مرکز ګردېز ته لېږدېدلي دي او یو شمیر نورې کورنۍ هم په لاره دي. په دې ولسوالۍ کې تېره شپه او پرون ورځ له سختو بارانونو وروسته د خلکو پر کورونو او مځکو سېلونه ورمات شوې دي، چې په لسګونه کورونه یې نړولي دي او زرګونو جریبه کرنیزې ځمکې یې لاندې کړې دي. د طبیعي پېښو پرضد د طالبانو د دولت وزارت ویاند محمد نسیم حقاني له آزادۍ راډیو سره په خبرو کې پر نړیوالې ټولنې غږ کړی، چې اړو خلکو ته د مرستو په رسولو کې دوی ته اوږه ورکړي. هغه ویلي،... Читать дальше...

په افغانستان کې د طالبانو د حکومت د بدني روزنې او المپیک اداره وایي، د پاکستان له "کې ټو" غرونو د افغان غرختونکي علي اکبر سخي د جسد د انتقال هڅه روانه ده. د پنځو ورځو په تېرېدو لا هم د افغان غرختونکي علي اکبر سخي جسد د پاکستان په "کې ټو" غرونو کې دی او څوک نه دي توانېدلي چې ابادې ته یې راښکته کړي. په افغانستان کې د طالبانو د حکومت د بدنې روزنې او المپیک اداره وایي، هڅه روانه ده څو د نوموړي جسد ژر تر ژره افغانستان ته انتقال کړل شي. د دې ادارې د نشراتو سرپرست محمد الله احساس ازادي راډیو ته وویل... Читать дальше...

تېره شپه ناوخته د زابل په شهر صفا ولسوالۍ کې د سېلابونو له امله د مسافرو یو بس موټر چپه شوی، چې له امله یې څلور کسان مړه شوي او پنځه څلویښت نور ټپیان شوي دي. چارواکې وايي، د زابل په زیات شمېر سیمو کې سېلابونه راوتلي، چې له امله یې د خلکو کورونه، کرنیزه ځمکې او باغونه یې تخریب کړي دي. نور جزییات د لاندې لېنک په کېکاږلو اورېدلی شئ:

بریتانیا د اوکراین پر ادیسه ښار د روسیې د شنبې د ورځې د برید په اړه ویلي، چې په دغه برید کې هغه پوځي هدفونه چې مسکو یې ادعا کړې وه نه دي په نښه شوي. مسکو ویلي و، چې په دغه برید کې یې د اوکراین پوځي تاسیسات او د دې هېواد د سمندري پوځ د ګزمې یوه بېړۍ په نښه کړي وو. بریتانیا وایي، د دې هېڅ نښه نه شته، چې د تور سمندرګي په غاړه پروت د ادیسه په بندر کې په هغه ځای کې دې چې روسیې د تېرې شنبې په ورځ ورباندې برید وکړ، د اوکراین یوه جنګي کښتۍ او د کښتیو ضد توغندي زېرمه شوي وو. دا د کریملین له هغې ادعا... Читать дальше...

د طالبانو حکومت د بهرنیو چارو وزارت سرپرست یو ځل بیا له نړۍ سره د ښه تعامل غوښتنه وکړه. د "افغانستان د امنیت او اقتصادي ودې" په نوم په تاشکند کې د جوړ شوي کنفرانس دوهمه ورځ پیل شوې. دې غونډې ته نن د طالبانو د بهرنیو چارو وزارت سرپرست امیرخان متقي په خپلو خبرو کې له نړیوالې ټولنې سره د ښو اړیکو جوړېدو غوښتنه وکړه. هغه وویل: "لویه خبره دا ده چې موږ دنیا ته دا پیغام ورکړی چې موږ نړۍ سره مثبت تعامل غواړو. موږ غواړو چې افغانستان بیا د جګړې ډګر نه‌شي او افغانستان د سولې ډګر شي، د ثبات ډګر شي، د اقتصاد... Читать дальше...

د هرات ولایت د سوداګرۍ او پانګونې خونه وایي، د طالبانو له حکومت سره د توافق په نتیجه کې به په درېیو ګمرکونو کې د تېلو بند پاتې ټانکرونه ازاد او بازار ته دننه شي. د هرات د سوداګرۍ او پانګونې خونې ویاند الیاس نیازي نن ازادي راډیو ته وویل، چې د طالبانو حکومت د ګمرکونو ادارې، نورم او سټنډرډ ادارې او سوداګرۍ وزارت د یادې خونې له مسوولانو سره په لیدنه کې توافق کړی چې د تورغڼډۍ، اقینې او اسلام قلعه په بندرونو کې پر تېلو بار ۸۰۰ ولاړو ټانکرونو ته به اجازه ورکړي چې ښار ته دننه شي. د هرات ولایت د سوداګرۍ... Читать дальше...

په هلمند ولایت کې له لسګونه بزګرو سره د سویابینو د کر د دودېدو په هدف مرسته وشوه. د هلمند ولایت د کرنې ریاست له لوري په خپره شوې خبرپاڼه کې ویل شوي، د تغذیې او زدکړو نړیوالې موسسې په مالي مرسته د یاد ولایت په څلورو ولسوالیو کې له ۳۰۰ بزرګو سره د سویابینو د اصلاح شويو تخمونو، تورې او سپینې سرې مرسته وشوه. د تغذیې او زدکړو موسسې د سویابینو د کرنې او ساتنې په برخه کې یادو ۳۰۰ بزګرو ته روزنه هم ورکړې او ټاکل شوې له کرنیزو ځمکو څخه د سویابینو راټول شوي حاصلات هم همدا موسسه له بزګرو وپېري. سویابین... Читать дальше...

سره له دې چې د طالبانو په واکمنېدو سره د ډېرو دولتي پوهنتونونو استادان بهر ته لاړل، اوس د پوهنتونونو ځینې استادان ادعا کوي چې د طالبانو د حکومت لخوا په دې پلمه له تدریسه منع شوي چې په تېر حکومت کې یې دندې کړې وې. په افغانستان کې واک ته د طالبانو په بیا راتګ سره د پوهنتونونو ډېر شمېر استادان بهر ته لاړل. که څه هم د طالبانو د لوړو زده کړو وزارت په دې اړه دقیق ارقام نه وايي، خو ویل کېږي چې په سلګونو استادان په وروستیو کې له افغانستانه وتلي دي. د دې ترڅنګ یو شمېر استادان اوس ادعا کوي، په دې پلمه... Читать дальше...

په غزني ولایت کې د طالبانو یو مهم غړی پیراغا صاحب یوه ټرافیکي پېښه کې وژل شوی دی. د طالبانو د حکومت مطبوعاتي دفتر په یوه خبرپاڼه کې ویلي، چې نوموړی تېره ورځ په داسې حال کې چې د حج له مراسمو راستون شوی و او کور ته پر لاره و، له ټرافیکي پېښې سره مخامخ شو. په خبرپاڼه کې راغلي، چې پیراغا په تېرو شلو کلونو کې د طالبانو په لیکو کې فعالیت کاوه. د دغې ټرافیکي پېښې لامل لا روښانه نه دی.

نیکای: نیکای جاپاني ورځپاڼې لیکلي، چې د طالبانو له ډاډګېرنې سره سره په افغانستان کې اقلیتونه خپلې راتلونکې ته اندېښمن دي. د ورځپاڼې په لیکنه پر اقلیتونو د بریدونو لړۍ یو ځل بیا له تېرې اپرېل میاشتې راهیسې پيل شوې چې پایله کې یې د شیعه مذهبو او صوفیانو په ګډون سلګونه ملکیان هدف ګرځول شوي دي. په لیکنه کې د تېرې جون میاشتې په اتلسمه د افغان سېکانو پر ګوردوارې خونړي برید ته اشاره شوې او دا د طالبانو له بیا واکمنۍ وروسته پر دغو اقلیتونو لومړنی برید یاد شوی دی. په افغانستان کې پر مذهبي لږکیو د... Читать дальше...

ایټالیا د ۳۰۰ افغان کډوالو لپاره بشري دهلېز پرانیست او د دې ډلې افغانانو لومړۍ جوپه پرون روم ته ورسېده. د ایټالیا د بهرنیوچارو وزارت پرون په یو بیان کې وویل چې دا بشري دهلېز د حکومت، مدني ټولنو، خیریه موسسو او نړیوالو سازمانونو له خوا تنظیم شوی دی. په بیان کې راغلي، چې د دې اقدام هدف له افغانستانه د نړیوالو ځواکونو تر وتلو وروسته هغو افغانانو ته چې په خپل هېواد کې تر تعقیب لاندې دي په ایټالیا کې د باعزته او امن ژوند برابرول دي. د اسوشیتیدپریس خبري آژانس د راپور له مخې ۹ تنه افغانان پرون له... Читать дальше...

په ننګرهار کې د طالبانو سیمه ییز چارواکي په جلال آباد ښار کې اوو کسانو ته د مرګ ژوبلې د اړولو ادعا کوي. د ننګرهار ولایت مطبوعاتي دفتر بېګا ناوخته په یوه بیان کې وویل، د څلورمې ناحیې په مربوطاتو کې درې کسان چې په بیان کې د امنیت اخلالګر بلل شوي، د استخباراتو د ریاست د ځواکونو له خوا وژل شوي او څلور نور ټپیان دي. په بیان کې همداراز د ننګرهار د ملي امنیت د رییس له قوله راغلي، چې د بهرنیو وګړو او د ښځو او ماشومانو په ګډون ۱۲ کسان هم له یوه موټر بم، وسلو، ماینونو او چاودېدونکو موادو سره نیول شوي. Читать дальше...

د طالبانو د حکومت د کورنیوچارو وزارت د هغو ادعاوو په ځواب کې چې ګنې یو شمېر ښځینه کارکوونکې یې له دندو لېرې کړي وايي، چې دا وزارت د پولیسو د اکاډمۍ ښځینه فارغانې د اړتیا په صورت کې پر دندو ګوماري. د دې وزارت ویاند عبدالنافع ټکور پرون په یوه غږیز پیغام کې هغه ګونګوسې رد کړې چې ګنې د دې وزارت ښځینه پولیسانې تقاعد ته سوق کړي. هغه زیاته کړه: "د کورنیو چارو وزارت په مربوطاتو کې د ښځینه پولیسو د تقاعد خبره واقعیت نه لري بلکې د تقاعد پرځای وزارت هڅه کوي په هغو ځایونو کې چې ښځینه پولیسو ته اړتیا وي،... Читать дальше...

د ننګرهار ولایت چارواکي وايي، له حصارک ولسوالۍ څخه د پخواني حکومت د پوځ د دوو نسکورو شویو هیلیکوپټرو ټوټې پرون کابل ته ولېږدول شوې. د ننګرهار ولایت مطبوعاتي دفتر په یوه بیان کې چې پرون خپور شو، وايي چې دا الوتکې د طالبانو د حکومت د دفاع د وزیر مولوي محمدیعقوب مجاهد په امر پلازمېنې ته لېږدول شوې دي. په بیان کې نه دي ویل شوي، چې دا هیلیکوپټرې څه وخت هلته نسکورې شوې وې خو د تېر ۲۰۲۱ کال په همدې شپو ورځو کې د هېواد په بېلابېلو سیمو په تېره په جنوب کې د طالبانو حملو زور اخیستی و.

د اوکراین ولسمشر ولودیمیر زیلینسکي له اروپايي هېوادونو غوښتي دي، چې د روسیې له خوا د ګاز د جګړې په ځواب کې پر مسکو بندیزونه لا زیات کړي. د روسیې د ګاز لوی شرکت ګازپروم پرون وویل، چې د اونۍ په پای کې به د نارت سټریم یو پایپلاین له لارې د ګاز ورځني صادرات په سلو کې شل کم کړي. زیلینسکي په خپله ماښامنۍ ویډیويي وینا کې وویل، دا د روسیې له خوا د ګازو واضحه جګړه ده چې روسیې د متحدې اروپا پرضد پیل کړې ده.

د برما یا میانمار د پوځي حکومت له خوا د ډیموکراسۍ د پلوي فعالانو اعدام د نړۍ په کچه پراخ غبرګونونه پارولي دي. د امریکا د بهرنیو چارو وزیر انتوني بلېنکين او د اروپايي ټولنې د بهرنۍ پالیسۍ مشر جوزیپ بورېل پرون په میانمر کې د ډیموکراسۍ د څلورو پلوي فعالانو اعدام وغانده. له دې مخکې د ملګروملتونو د بشري حقونو د برخې مشرې او د بشري حقونو مدافع ډلو هم د میانمار پوځي حکومت چې تېر کال یې د پوځي کودتا په ترڅ کې د چارو واګي په لاس کې واخیستې، له دې کبله غندلی و. د میانمار دولتي رسنیو پرون راپور ورکړ،... Читать дальше...

د امریکا د کانګرس یو غړی وايي، چې اوکراین ته د اوږده واټن ویشتونکو وسلو سپارل له روسیې سره په جګړه کې د دې هېواد د بریا لپاره مهم دي. د امریکا د کانګرس د استازو جرګې د پوځي خدماتو د کمیټې مشر ادام سمیت وايي، له روسیې سره په جګړه کې د اوکراین د بریا لپاره د اوږد واټن ویشتونکي توغندي اساسي رول لري. د استازو جرګې دې دیموکرات غړي پرون وویل، دی هڅه کوي د اوکراین لپاره ډېر ژر د راکټونو د توغولو هغه ۳۰ سیسټمونه ترلاسه کړي چې کییف یې ۵۰ دستګاوې غوښتې وې. هغه زیاته کړه، په دې جګړه کې به هغه لوری چې لیرې واټن ویشتلی شي، په غوره دریځ کې وي. Читать дальше...