Новости за 05.07.2022

د افغانستان برېښنا شرکت، د برېښنا د پرچاویو د زیاتېدو ستونزو مني، خو وايي په اختر کې به برېښنا خپل نورمال حالت ته راوګرځي. برېښنا شرکت په یو رسنیزه خبرتیا کې، چې رسنیو ته یې لېږلې لیکلي چې، د اوړي په موسم کې د هوا په تودېدو سره برېښنا ته د خلکو تقاضا کچه لوړيږي او په سیستم کې شته وارداتي برېښنا او کورنۍ تولیدي برېښنا په ۲۴ساعته ډول د برېښنا خدماتو بشپړتیا ته بسنه نه کوي. برېښنا شرکت ،يلي، دوی  اړ دي  چې د پرچاويو په تطبیق سره په منظم ډول ټولو ساحو ته برېښنا وویشي. خو برېښنا شرکت وايي، دوی خلکو... Читать дальше...

نامعلومو وسلوالو کسانو د پاکستان په خېبر پښتونخوا کې په ډزو د ټرافیکو دوه پولیس افسران ووژل. چارواکو ازادۍ راډیو ته ویلي حمله نن په ډېره اسماعیل خان کې شوې ده. د پولیسو په خبره دغه دوه ټرافیک افسران دندې ته روان وو، چې نامعلومو موټرسایکل سپرو وسله والو ورباندې حمله وکړه او بیا له ساحې وتښتېدل. په بېړنيو حالاتو کې مرسته کوونکې ځايي ادارې يوه مسؤل اعزاز محمود مشال راډيو ته ويلي، چې وژل شوي کسان عام پوليس ترافيک وو چې شوکت الله او حبيب الله نومېدل. چا د پېښې مسوولیت نه دی منلی. په تېر اپرېل... Читать дальше...

په تخار ولایت کې د فوټبال غوره لیګ سیالۍ پیل شوې. په دې لیګ کې به د ولایت په کچه لس لوبډلې په خپلو کې ۴۵ سیالۍ ترسره کړي. د تخار ولایت د فوټبال فدراسیون له لوری په خپره شوی خبرپاڼه کې ویل شوي، چې یاد لیګ به دوه میاشتې او پنځه لس ورځې دوام وکړي. د دې لیګ د ترسره کېدو هدف په شمال ختیځ کې د فوټبال سیالیو لپاره د غوره لوبډلې انتخاب بلل شوی. د شمال ختیځو ولایتونو د فوټبال لوبډلو په ګډون د فوټبال اتلولې لوبی د روان لمریز کال د مني په لومړی میاشت کې پیلېږي.

په هرات ولایت کې د فول رزم ملي لوبډلی لپاره د لوبغاړو د غوراوي سیالۍ ترسره شوې. د بدني روزنې او ورزش ریاست له لوري به خپره شوې خبرپاڼه کې ویل شوي، د افغانستان په کچه د فول رزم ملي لوبډلې د رامنځته کولو په هدف د غوره څېرو د پېژندلو په لړ کې، له هرات ولایت څخه لس ورزشکاران غوره شول. دا سیالۍ چې د هرات ولایت له څلورو کلبونو څخه د ۶۰ ورزشکارانو په ګډون ترسره شوې، د سیالیو غوره څېرې به په کابل کې په فول رزم ملي لوبډلې کې د ګډون لپاره له ګڼو نورو ورزشکارانو سره هم سیالي کوي.

بارسلونا غواړي، چې د اروپا اتلانو لیګ راتلونکو لوبو ته کریسټیانو رونالډو دې لوبډلې ته ور جذب کړي. سږ کال د اروپا فوټبال د اتلانو په لیګ کې د منچستر یونایټد نه ورګډیدو رونالډو خواشینی کړی او غواړي، چې له دې لوبډلی سره خدای پاماني وکړي. که څه هم چې منچستر یونایټد سږ کال په اروپایي لیګونو کې ښه نه دی ځلېدلې، خو ۳۷ کلن رونالډو په کړو لوبو کې له ځانه وړتیا ښودلې او په ډېری لوبو کې یې د غوره لوبغاړي او ښه ګول وهونکي لقبونه هم ګټلي. وړاندې له دې رم، بایرن مونیخ او چلسي لوبډلو هم د رونالډو د پېرلو... Читать дальше...

د طالبانو د حکومت د شهیدانو او معلولینو وزارت وايي، د معلولینو او د شهیدانو کورنیو ته د تېرو شپږو میاشتو امتیازات ورکوي. د طالبانو حکومت د افغانستان د شهیدانواو معلولینو وزارت وايي د تېر حکومت د شهیدانو او معلولینو په ګډون ټولو ته د تېرو شپږو میاشتو مالي امتیازات ورکوي. د دې وزارت مرستیال عبدالحکیم حقاني د سې شنبې په ورځ په یوې خبري غونډه کې وویل، دوی له تېرو لسو میاشتو راهیسې د تېرې ادارې د لسګونه زره معلولینو د معلولیت د څېړنې پروګرام درلود چې اوسمهال دغه څېړنه بشپړه شوې او دغو معلولینو ته به د امتیازاتو ورکړه پیل شوې ده. Читать дальше...

د بامیان د کهمرد ولسوالۍ دوه اوسېدونکي ادعا کوي چې یو ځايي طالب چارواکي د وسلو د لرلو په تور سخت وهلي او شکنجه کړي دي، هغه ادعا چې د طالبانو حکومت د کورنیو چارو وزارت یې ردوي. د بامیانو د اوسېدونکی محمد نقیب پر بدن د سختو وهلو نښې له ورایه ښکاري او تر دې چې تر نامه لاندې کېڼ لور ته د بدن لاندې برخه یې د ډېرو وهلو له امله سخته ټپې شوې او اوس پړسېدلې او شنه اوښتې ده. هغه وايي، د بامیان په کهمرد ولسوالۍ کې چې یوه تاجیک مېشته سیمه ده، د طالبانو د یوه ځايي قوماندان قاري فرید له لورې وهل شوی دی، هغه ادعا چې طالبان یې ردوي. Читать дальше...

د بریتانیا حکومت وايي، چې پر بلاروس او د دې هېواد د واکمن الکساندر لوکاشینکو پر رژیم به اقتصادي، تجارتي او د لېږد رالېږد برخو کې د بندیزونو یو نوی پړاو اعلان کړي. د بریتانیا د بهرنیو چارو وزیر پرون په یو بیان کې وویل، چې د بندیزونو دې نوې جوپه کې ځینې هغه د پام وړ اقدامات هم شامل دي چې د روسیې پر وړاندې هم لګول شوي دي. په بیان کې ویل شوي دي، دا بندیزونه به د سې شنبې په ورځ رسماً اعلان او عملي شي. د بریتانیا د بهرنیو چارو وزارت په وینا د بلاروس پر مالونو ۳۵ په سلو کې د تعرفي لوړول، او د بلاروس... Читать дальше...

ملګرو ملتونو د بشري مرستو همغږی کوونکې اداره یا اوچا وايي، تېره اوونۍ یې د کندز په خان اباد ولسوالۍ کې له څه باندې ۸۰۰ کورنیو سره د خوراکي موادو مرسته کړې ده.  اوچا د بي بي حیات ګلې په نوم د یوې ۹۵ کلنې مېرمنې عکس هم خپور کړی، چې د ملګرو ملتونو د خوړو نړیوال پروګرام له لارې یې د خوراکي موادو مرسته ترلاسه کړې ده. د افغانستان له بېلابېلو برخو خلک شکایت لري، د خوراکي موادو او نورې بشري مرستې اړو کسانو ته نه رسېږي.

د افغانستان ځینو محلي رسنیو راپور ورکړی، چې د زابل ولایت په سیوري ولسوالۍ کې په لسګونو ماشومان کولرا ته په ورته ناروغۍ اخته شوي دي. د زابل لپاره د طالبانو د روغتیا ریس ډاکټر عبدالحکیم حکیمي ویلي، شا و خوا ۵۰ ماشومان تېره شپه په دې ناروغۍ چې نښې یې کولرا ته ورته دي، اخته شوي دي. ده ویلي، چې سیمې ته روغتیايي ډلې لېږل شوي دي. تر دې مخکې هم په سیوري ولسوالۍ کې په کولرا ځینې ماشومان اخته شوي وو.

ټاکل شوې نن د بلجیم پارلمان نن له ایران سره د یوه پېشنهادي تړون پر تصویب یا نه تصویب بحث وکړي. دغه تړون په دې اړه دى چې یو ایرانی ډیپلومات چې له پاریس بهر د بمي حملې په تور په شل کلن بند محکوم دی، بېرته ایران ته ولېږل شي که نه. دغه تړون د اپوزیسیون د وکیلانو او د ایران د سیاسي مخالفانو د مدافع وکیلانو انتقادونه پارولي دي. دوی وايي، دا به دې ته لار اواره کړي، د اسد اله اسدي په نوم ایرانی وګړی به چې په تروریستي فعالیت تورن او د ۲۰۲۱م کال په فبروري میاشت کې محکوم شوی، بېرته ایران ته ولېږل شي.... Читать дальше...

که چیرې تاسو شپني کړي وي یا دغه کارته لیواله یاست شاید ترکیه کې درته کار پیدا سي. ګڼ شمیر افغانان هلته ځکه شپني کوي چې خپله ترکان دغه کار سره دومره علاقه نلري . په دغه رپوټ کې په ترکیه کې یوشمیر افغان شپنو سره خبرې سوي دي .

د اوکراین ولسمشر ولادمیر زلینسکي وايي، وسله وال ځواکونه یې د جګړې د دوام لپاره د مسکو د ارادې «ماتولو» ته بې لېوالتیا شوي نه دي. دا څرګندونې څو ساعته وروسته له هغې کېږي، چې د روسیې ولسمشر ولادمیر پوتین روسي ځواکونو ته د اوکراین په ختیځ کې د حملو د دوام امر وکړ. د اوکراین ولسمشر زلینسکي تېره شپه په خپل ویډیويي پیغام کې وویل، له لیسیچانسک ښار د اوکرایني ځواکونو له وتلو سره- سره به د دوی ځواکونه جګړې ته دوام ورکړي. بلخوا د دونیڅک سیمې والي پاولو کیریلنکو ویلي، چې اوکرایني ځواکونو په دونیڅک کې تازه دفاعي کرښې جوړې کړې دي. Читать дальше...

سره له دې چې له افغانستانه پاکستان ته د ډبرو سکرو په صادراتو نیوکې لا پر ځای دي، د پاکستان د مالیې وزیر ویلي، هېواد یې لېوال دی چې له افغانستانه د ډبرو سکاره وارد کړي. ​پاکستان هڅه کوي له افغانستانه د ډبرو سکرو د صادراتو په بیه کې کموالی راولي. د دې هېواد د مالیې او عوایدو وزیر مفتاح اسماعیل رسنیو ته ویلي، دوی له افغانستانه د ډبرو سکرو واردولو ته لېوال دي، خو په دې شرط چې په ارزانه بیه ورکړل شي. د نیوز انټرنېشنل په نوم پاکستانۍ رسنۍ د مفتاح اسماعیل له قوله لیکلي، غواړی هغه مهال دا پروسه وغځوي... Читать дальше...

د سرپل د بلخاب ولسوالۍ یو شمېر بې ځایه شوې کورنۍ وايي، له دې سیمې نه لا هم د ولسي خلکو بې ځایه کېدل دوام لري. د بلخاب ولسوالۍ یو بې ځایه شوی کډوال وايي، د طالبانو له وېرې يې له خپلې کورنۍ سره نږدې یوه اوونۍ په دښتو او غرونو کې تېره کړه. دا چې له سختو کړاوونو وروسته اوس توانېدلی مرکز سرپل ته خپله کورنۍ ورسوي ازادي راډيو ته وویل: "د سرپل والي زموږ سیمې ته راغی، خلک يې راټول کړل، که څه هم خلک کم وو ځکه ډېری يې غرونو ته کډوال شوي دي، په دې وخت کې د طالبانو نوي وسله وال سیمې ته راورسېدل، چې د طالبانو... Читать дальше...

کابل ښاریان او یو شمیر موټر چلوونکي د تېلو د بیوو له بېساري لوړوالي شکایت کوي. اوسمهال د کابل ښار په پمپ سټېشنونو کې یو لیټر ډیزل په ۱۲۰ او یو لیټر پټرول په ۸۶ افغانیو پلورل کېږي.  په کابل کې دوو ټکسي چلونکو صابر شاه او طارق ازادي راډیو ته وویل، چې د تېلو د بیوو په لوړېدو سره خلک له ټيکسي استفاده نه کوي، ځکه د نوموړو په خبره دوی اړ دي، چې د تېلو د بیو په لوړېدو سره کرایه هم لوړه کړي او خلک د لوړې کرایې د ورکړې توان نه لري.  د طالبانو حکومت د ریاست الوزرا اقتصادي معاونیت له لوري په خپره شوې... Читать дальше...

د ننګرهار ولایت د کانال له کرنیزو حاصلاتو به سږ کال ٦٣ میلیونه افغانۍ عاید ترلاسه شي. د ننګرهار ولایت د کانال ریاست ویاند همایون غریب مل ازادي راډیو ته وویل، اوسمهال د یاد کانال له کرنیزو ځمکو څخه د څه باندې زر ټنه زیتونو د راټولولو چارې پیل شوي. د ښاغلي غریب مل په خبره له یادو زیتونو څخه به د ٦٣ میلیونو افغانیو په ارزښت یو لک و ۲۲ زره لیتره د زیتونو تېل او څه باندې ۳۰ زره بوتله اچار تولید او ګاوڼډیو ولایتونو ته به صادر شي. اوسمهال د افغانستان په بازارونو کې د زیتونو د یو بوتل تېلو بیه پنځه... Читать дальше...

د روغتیا نړیوال سازمان ویلي، تېر یوه اوونۍ د پکتیکا او خوست روغتونو ته څه باندې ۱۴۰۰ ټپیان انتقال شوي. دغه سازمان د پکتیکا او خوست د زلزلو په اړه تازه ارقام خپاره کړي. ډبلیو اچ او ویلي، پخواني ارقام چې د جون په اته ویشتمه اعلان شوي وو د زلزلې له امله د ټپیانو شمېر ۲۹۴۹ ته رسېده او د مړو ۱۰۳۶ تنه وو. د دغه سازمان په وینا له هغه وخت راهیسې په روغتونو کې څوک نه دي مړه شوي خو ۱۴۰۴ تنه نوي ټپيان انتقال شوي چې ورسره د ټولو ټپیانو شمېر ۶۰۸۳ ته پورته شو.

د راپورونو له مخې د ترکیې په وان کې پولیسو د افغان کډوالو په یوه بس موټر ډزې کړي چې له امله یې یو ماشوم مړ شوی او دولس نور ټپیان دي. د سیمې څو رسنیو پرون راپور ورکړی چې پېښه یکشنبه په سرای ولسوالۍ کې شوې. په خپرو شویو ویډیوګانو کې د یوه ماشوم مړی ښکاري او څو نور ماشومان او ښځې ټپيانې دي. په ویډيو کې یوه ښځه چې د ماشوم سر ته ناسته ده په دري خبرې کوي. میدیا نیوز او وان خبر سیمه ییزو رسنیو د وان د ولایت په حواله ویلي، چې پولیسو یواځې د بس په ټيرونو ډزې کړي. د وان ولایت ویلي، چې ماشوم د مرمۍ... Читать дальше...

د ازبکستان لویې څارنوالۍ اعلان کړی، چې په وروستیو ناکراریو کې اتلس کسان مړه او ۲۳۴ نور ټپیان شوي. د قره قالپاګستان خودمختارې سیمې زرګونه اوسېدونکو وروسته له هغه پراخې مظاهرې وکړې چې مرکزي دولت غوښتل د دې سیمې قانوني حیثیت بدل کړي. د راپورونو له مخې امنیتي ځواکونو د مظاهره چیانو په وړاندې له زور زیاتي کار اخیستی او ګڼو مظاهره چیانو ته یې مرګژوبله رسولې. د مظاهرو په نتیجه کې ولسمشر شوکت میرضیایف پرون دوشنبه اړ شو، چې له پارلمان سره تر یوې ناستې وروسته د اساسي قانون له تعدیل تېر شي.

طالب چارواکي وايي، د حج د مراسمو ترسره کولو په موخه سعودي عربستان ته د افغانانو د لېږد پروسه بشپړه شوه. د طالبانو د حکومت د حج او اوقافو وزارت ویاند فضل محمد حسیني په یوه ویډیويي پیغام کې چې د طالبانو تر کنټرول لاندې ملي تلوېزیون پرون خپور کړ وویل: "سږ کال چې د ارشاد، حج او اوقافو وزارت ته د سعودي عربستان د حجاجو کومه سهمیه ورکړل شوې وه چې تعداد یې ۱۳۵۸۲ تنه وو. الحمدالله په ډېر کامیابي سره دا پروسه سر ته ورسېدله او موږ خپل ټول حاجیان سعودي عربستان ته انتقال کړل." طالبانو داسې وخت د افغان حاجیانو... Читать дальше...

د امریکا د شیکاګو ایالت د هایلینډ پارک سیمې په پرونیو ډزو کې لږ تر لږه شپږ کسان وژل شوي او دېرش نور ټپیان دي. اسوشیټیډپریس خبري اژانس د چارواکو په حواله ویلي، یو ۲۲ کلن کس چې حمله کې دلاس لرلو شک پرې پوری دی، پرون ماښام د پولیسو له خوا توقیف شوی دی. دا ډزې د یوې ودانۍ له بامه پر هغو کسانو وشوې چې د خپلواکۍ جشن یې لمانځه. په امریکا کې تر دې وړاندې پر ښونځیو، کلیساوو او پلورنځیو هم ورته بریدونه شوي دي.

ملګري ملتونه وايي، د پکتیکا په برمل ولسوالۍ کې سلګونه زره کسان بېړنیو مرستو ته اړتیا لري. یونیسف یا د ملګرو ملتونو د ماشومانو وجهي صندوق وايي، چې د پکتیکا په برمل ولسوالۍ کې د وروستۍ زلزلې له امله ۳۶۲ زره کسان اغېزمن شوي چې ۶۰ سلنه یې ماشومان دي. یونیسف زیاتوي، چې دا کسان بېړنیو مرستو ته اړتیا لري. د خوړو او طبي مرستو سربېره، ملګرو ملتونو د برمل د خلکو لپاره ګرځنده کلینیکونه او بېړني تشنابونه جوړ کړي دي. د ملګرو ملتونو د سرمنشي د ځانګړي استازي مرستیال او په افغانستان کې د ملګرو ملتونو د مرستندویه... Читать дальше...

د ازبکستان حکومت د قره قالپاګستان خودمختاري خوندي ساتي خو مظاهره چیان چې په بلوا تورن شوي بندیانوي. د ازبکستان لویې څارنوالۍ اعلان کړی، چې په وروستیو ناکراریو کې اتلس کسان مړه او ۲۳۴ نور ټپیان شوي. د ازبکستان حکومت منلې چې د کاراکالپاکستان/قره قالپاګستان قانوني حیثیت به نه بدلوي خو د راپورونو له مخې په هغو کسانو پسې جرمي دوسیې جوړېږي چې په مظاهرو کې يې برخه اخیستې. دولتي چارواکو مظاهره چیان بلواګر بللي او تور يې پرې لګولی، چې په زور واک ته د رسېدو په لټه کې وو او غوښتل یې د ازبکستان نظم ګډوډ کړي. Читать дальше...

ايرو ايشيا ريويو: ایرو ایشیا ریویو خپرونې د افغانستان او پاکستان پر ګډې سوداګرۍ یوه مقاله خپره کړې ده. مقاله کې راغلي، له کله چې افغانستان کې بیا طالبان واکمن شوي او پخوانی جمهوری نظام سقوط شوی دی، اسلام اباد له کابل سره دوه اړخیزه همکاري زیاته کړې ده. مقاله لیکونکي د پاکستاني چارواکو په حواله ویلي، دوی افغان سوداګرو ته اجازه ورکړې چې خپل تولیدات په ازاد ډول پاکستان ته صادر او برعکس له پاکستانه توکي وارد کړي. پاکستاني چارواکو وړاندې ویلي، دوی غواړي چې له افغانستان سره پر ګډه پوله د تګ راتګ اضافي لارې پرانېزي چې سوداګري پراخه شي. Читать дальше...