Новости за 31.07.2022

د تېرو کلونو له پرلپسې جګړو وروسته ډېر خلک په افغانستان کې دننه بې ځايه او ډېرو یې له کلیو څخه ښارونو ته کډه وکړه. حبیب الله د کندز ولایت اوسېدونکی دی، چې یو نیم کال مخکې د تېر حکومت او طالبانو ترمنځ د جګړې له امله له کندوز څخه یې کابل ته کډه وکړه. نوموړى وايي، یو نیم کال یې په کابل کې د خیمو لاندې ژوند وکړ او درې میاشتې مخکې بېرته خپلې اصلي مېنې ته چې د کندز ولایت په امام صاحب ولسوالۍ کې ده، ستون شو. خو وايي، عاید نه لري، کار هم نه شته او تر اوسه مرسته هم نه ده ورسېدلې. هغه زیاتوي: "زه مخکې... Читать дальше...

د ترکیې د ولسمشر رجب طیب اردوغان ویاند ویلي، چې د دې ډېر امکان شته چې د اوکراین د غلو د صادراتو لومړنۍ کښتۍ سبا د اوکراین له بندره وخوځېږي. ابراهیم قالین نن د ترکیې اوم تلوېزیوني چینل ته وویل، که ټولې چارې تر سبا پورې بشپړې شي، د دې ډېر احتمال شته چې لومړنۍ کښتۍ به د اوکراین له بندره وخوځېږي. د اوکراین ولسمشر ولادمیر زیلینسکي د تېرې اونۍ په پیل کې ویلي و، چې اوکراین چمتو دی چې له جنوبي بندرونو د کښتیو په ذریعه د خپلو غلو صادرات چې په میلیونو ټنو ته رسېږي پیل کړي او ترکیې او ملګرو ملتونو ته چې... Читать дальше...

د طالبانو په مشرۍ کابل ښاروالۍ اعلان کړی، چې خلک کولای شي له دې وروسته د خپلو ودانیو د جوړولو چارې بېرته پیل کړي. د طالبانو په مشرۍ کابل ښاروالۍ وایي، دغه اداره د ښار د معیاري پراختیا، د کار د رامنځته کولو او اقتصادي خوځښت د رامنځته کولو لپاره غواړي هغو کسانو ته چې غواړي لوړ پوړې ودانۍ جوړې کړي، اسانتیاوې رامنځته کړي. د دې ادارې ویاند نعمت الله بارکزي ازادي راډیو ته وویل: "هغه کسان چې فعلاً ځمکې لري او غواړي ساختمان او لوړ پوړې ودانۍ جوړې کړي په راحتۍ سره کولای شي کابل ښاروالۍ ته راشي او د ملکیت... Читать дальше...

د مرکزي اسیا تر ۱۹ کلنو کم عمره فوټبال په سیالیو کې د افغانستان د تنکیو ځوانانو د لوبډلې مهالوېش اعلان شو. په‌ دغو سیالیو کې د افغانستان، تاجکستان، ایران، ازبکستان او قرغزستان لوبډلې یو له بل سره د اګسټ له ۵ تر ۱۲ لوبېږي. دا لوبې د‌ تاجکستان پلازمېنې دوشنبې ښار په مرکزي لوبغالي کې کېږي. افغانستان په ترتیب د قرغزستان، تاجکستان، ایران و اوزبکستان هېوادونو له لوبډلو سره لوبېږي.

په هرات ولایت کې د جنوب لویدیځ زون کلپونو ترمنځ د فوټبال سیالۍ تېره ورځ پای ته ورسېدې. د افغانستان فوټبال فدراسیون په یوې خبرپاڼه کې ویلي، چې د هېواد فوټبال اتلانو لیګ ته د لارموندې په موخه دا سیالۍ چې د هرات، فراه، نیمروز، غور او بادغیس ولایتونو د لوبډلو په ګډون وشوې د هرات اټک انرژي کلپ په کې د ۱۲ امتیازونو په ترلاسه کولو سره لومړی مقام خپل کړ. دغه سیالۍ چې اونۍ وړاندې پیل شوې د اټک انرژۍ کلب لوبډلې نه فیصل حمیدي د غوره ګول وهونکي او جواد الکوزی د غوره ګول ساتونکي په توګه ونومول شول. په دغه لوبو کې نیمروز لوبډلې دوهم ځای خپل کړ.

افغان لوبغاړي آزاد بېګ نوروزي خپل قزاقستاني او روسي سيالانو ته په ماتې ورکولو سره پاى لوبې ته لار ومونده. د افغانستان د بدني روزنې او ورزش ریاست په یوې خبر پاڼه کې ویلي، چې د افغانستان د تکواندو دغه ورزشکار د اسيا ماشومانو په اووم پړاو سياليو کې د قزاقستاني او دوو روسي سيالانو پر وړاندې خپلې درې لوبې وګټلې او د دې سياليو فاينل ته يې لار ومونده. د دې ریاست په وینا دغه سیالۍ د روسيې په ولاديو ستوک ښار کې وړمه ورځ پیل شوي. د اسيا ماشومانو تکواندو په دې سيالیو کې د ١٢هېوادونو ورزشکاران ګډون لري، چې ښايي روانه او راتلونکي اونۍ دوام وکړي.

په کابل کې یو شمېر شعیه ګان د محرم په لسیزه کې د احتمالي ګواښونو په اړه اندېښمن دي. نن یکشنبه د محرم میاشتې دوهمه نېټه ده، د دې میاشتې له پیلېدو سره افغان شیعه ګان د خپلو مذهبي مراسو د امنیت په اړه اندېښمن دي. د دوی اندېښنې وروسته له هغه ډېرې شوې دي، چې نن سهار د کابل په شېرپور کې په یوه کور راکټ ولګېد. د طالبانو حکومت د کورنیو چارو وزارت مسوولان وايي، چې دې پېښې تلفات نه درلودل. د کابل یو تن اوسېدونکی چې نه غواړي د امنیتي ګواښونو له امله یې په راپور کې نوم یاد شي، ازادي راډيو ته یې وویل... Читать дальше...

د طالبانو حکومت طبیعي پېښو ته د رسېدنې وزارت وایي، په تېره یوه میاشت کې د افغانستان په بېلابېلو ولایتونو کې د رامنځته شویو سېلابونو له امله ۱۲۰ کسان مړه او ۱۵۲ نور ټپیان شوي دي. د افغانستان په بېلابېلو ولایتونو کې وروستیو سېلابونو خلکو ته مالي او ځاني زیانونه اړولي دي. د طالبانو حکومت طبیعي پېښو ته د رسېدنې وزارت ویاند محمد نسیم حقاني وایي، په تېره یوه میاشت کې د راوتلو سېلابونو له امله ۱۲۰ کسان مړه شوي دي. هغه وویل: "په تېره یوه میاشت کې د سېلابونو د راوتلو له امله ۱۲۰ کسان وژل شوي، ۱۵۲ ټپیان... Читать дальше...

د طالبانو حکومت د اطلاعاتو او فرهنګ وزارت د ملګرو ملتونو له عملي او کلتوري سازمان یونسکو څخه غوښتي چې په کابل کې د بابر بڼ د دې سازمان د فرهنګي میراثونو په نوملړ کې ثبت کړي. د دې وزارت د فرهنګ او هنر مرستیال مولوي عتیق الله عزیزي د طالبانو حکومت اړوند باختر اژانس لخوا په یوه خپره شوې ويډیو کې ویلي دي، چې بابر بڼ د یونسکو د فرهنګي میراثونو په معیارونو برابر دی او دوی هیله من دي چې ژر دا بڼ د نړۍ د فرهنګي میراثونو په نوملړ کې ثبت شي. عزیزي وايي: "په تاریخي لحاظ خپله نړیوال هم په دې معترف دي او... Читать дальше...

په ننګرهار کې د طالبانو سیمه ییز چارواکي په مرکز جلال اباد کې د کانګو د ناروغۍ له کبله د لسګونه څارویو د مړینې خبر ورکوي. د ننګرهار ولایت مطبوعاتي دفتر په یو بیان کې چې نن سهار خپور شو وايي، چې د ښار په بېلابېلو ناحیو کې په دې ناروغۍ د څارویو د مړینې پېښې شوې دي. په بیان کې د ښار له خلکو د مړو څارویو په موندلو او خښولو کې د همکارۍ غوښتنه شوې. تېره اونۍ د جلال‌اباد ښاروالۍ د دې ولایت په مرکز او ټولو ولسوالیو کې د غټو څارويو د غوښو پر خرڅلاو هم بندیز ولګاوه. د ښاروالي وياند بختي ‌جان مراد... Читать дальше...

په بلخ کې د طالبانو امنیتي چارواکي وايي، چې نن په یوه ټرافیکي پېښه کې د ښځو او ماشومان په ګډون څلور کسان مړه شوي دي. د بلخ امنیه قوماندانۍ په یوه بیان کې ویلي دي، چې په پېښه کې لس نور کسان هم ټپیان شوي. د بیان له مخې پېښه هغه مهال وشوه، چې د حج له مراسمو د یوه راستون شوي حاجي موټر د مزارشریف او شولګرې ولسوالۍ لاره کې له یوه ټونس ډوله موټر سره ټکر شو.

د اوکراین ولسمشر وایي، حکومت یې د اوکراین د دونېڅک د ختیځې برخې له سلګونو زره اوسېدونکو غوښتي چې له خپلو مېنو ووځي. د اوکراین ولسمشر ولادمیر زیلینسکي اعلان وکړ، چې حکومت یې د دونېڅک له ختیځې برخې چې په کې سخته جګړه روانه ده، د خلکو د حتمي وتلو پرېکړه کړې ده. زیلینسکي تېره ورځ ناوخته په وینا کې چې پر تلوېزیون خپرېده دغه راز وویل، چې د دونباس په پراخه سیمه کې تر اوسه په سلګونو زره کسان د جګړې د ډګر په زونونو کې پاتې دي چې اړتیا ده له خپلو سیمو ووځي. زیلینسکي وویل، هرڅومره زیات کسان چې اوس د دونېڅک... Читать дальше...

د هرات ولایت د سوداګرۍ او پانګونې خونې مسوولین وايي، د تېر کال په پرتله د زعفرانو صادرات زیات شوي دي. د هرات د سوداګرۍ او پانګونې خونې د رسنیو مسوول الیاس نیازي نن ازادي راډیو ته وویل، چې د سږکال په لومړیو درېیو میاشتو له هرات نه شاخوا ۳ سوه کلیو زعفران چې ارزښت یې نږدې ۲۸۰ زره ډالرو ته رسېږي صادر شوي دي. دا په داسې حال کې ده، چې د نوموړي په خبره د تېر کال په لومړیو درېیو میاشتو کې له دغه ولایت نه شاخوا ۲۰ کلیو زعفران چې ارزښت یې نږې لس زره ډالره و صادر شوي وو. د نیازي په وینا، نور صادارات هم کېږي او ښايي دغه اندازه نوره هم زیاته شي. Читать дальше...

تېره اوونۍ افغانستان ته د اوسپنې پټلۍ له لارې ۵۲ زره ۲ سوه ۵۵ مټریک ټنه انتقالات شوي دي. د طالبانو حکومت د افغانستان د اوسپنې پټلۍ، ادارې په یوې خبرپاڼه کې ویلي چې یاد انتقالات د حیرتان، اقینې او تور غونډې بندرونو نه شوي دي. د دې ادارې د معلومات له مخې، له حیرتان نه ۳۱۷۲۲ ټنه، د آقینې بندر نه ۷۵۸۹ ټنه او تورغونډۍ بندر نه ۸۹۱۸ ټنه واردات چې ټول ۴۸۲۲۹ ټنه نفتي، غیر نفتي او نور مواد دي، هېواد ته وارد شوي دي. یادې ادارې، دغه شان ویلي، چې تېره اوونۍ کې ټولټال له افغانستانه ۴۰۲۶ ټنه صادرات هم شوي چې لویه برخه یې ممیز دي. Читать дальше...

د طالبانو حکومت د کورنیو چارو وزارت د کابل ښار شېرپور سیمه کې د توغندي د لګېدو خبره کوي. د طالبانو د حکومت د کورنیو چارو وزارت تاییدوي، چې نن یکشنبه سهار د کابل ښار په شېرپور سیمه کې پر یوه کور توغندی لګېدلی دی. د دغه وزارت ویاند عبدالنافع ټکور په دې اړه ازادي راډیو ته په یو لیکي پیغام کې ویلي: "د کابل ښار شېرپور کې په یو کور باندې راکټ لګېدلی دی کوم تلفات نه لري، کور خالي و، څوک په کې نه وو." بلخوا ځینې عیني شاهدان او د سیمې اوسېدونکي د کابل ښار په بله سیمه دهمزنګ په څلور لاره کې هم د یوې... Читать дальше...

یو شمېر پاکستاني رسنیو او خبریالانو خبر ورکړی، چې د افغانستان د کورني کرکټ په شپږیزه لیګ کې لوبېدونکي پاکستاني لوبغاړي بېرته خپل هېواد ته ستانه شوي دي. په شپږیزه لیګ کې پنځه پاکستاني لوبغاړي افتخار احمد، میرحمزه، کامران غلام، اصف افریدی او خالد عثمان لوبېدل. دغه لوبغاړي وروسته تر دې پاکستان ته ستنېږي، چې د جمعې په ورځ د کابل په کرکټ لوبغالي کې د لاسي بم برید وشو. په دې چاودنه کې طالب چارواکو د دوو تنو وژل تایید کړل، خو د ملګرو ملتونو سرمنشي وویل، پېښه کې ۱۹ تنه وژل شوي دي. تر اوسه د افغانستان... Читать дальше...

د طالبانو د کورنیو چارو وزارت وايي، په کابل کې نن سهار د چاودنې غږ په شېرپور سیمه کې په یوه کور د راکټ د لګېدو له امله و‌. د طالبانو د کورنیو چارو وزارت ویاند عبدالنافع ټکور ازادي راډیو ته وویل، په دې کور کې څوک نه اوسېدل او پېښه مرګژوبله نه‌لري‌. هاخوا یو شمېر کابل مېشتي وايي، نن سهار یې د درې چاودنو غږونه اورېدلي. ویل کېږي، چې د کابل په دهمزنګ سیمه کې د یوې چاودنې غږ اورېدل شوی دی. خو طالب چارواکي په دې اړه څه نه وايي‌.

میامي هرالډ: میامي هرالډ ورځپاڼه په کابل کې د کرکټ په لوبغالي کې د شپږیزي ټورنمنټ پرمهال د جمعې د ورځې پر چاودنه لیکنه خپره کړې ده. دا امریکایۍ خپرونه لیکي، چې د دې چاودنې مسوولیت چا نه دی اخیستی. په دې چاودنه کې د طالبانو په وینا دوه تنه وژل شوي او دولس تنه ټپیان شوې دي خو د ملګرو ملتو سرمنشي انټونیو ګوټیرش په یوه ټویټ کې دا برید وغانده او ویې لیکل چې په دې چاودنه کې نولس تنه وژل شوې دي. میامي هیرالډ لیکي که اوس د دې چاودنې مسوولیت چا نه دی منلی؛ په وروستیو کې چې په کابل کې کومې چاودنې شوې... Читать дальше...

د افغانستان کرکټ بورډ وايي، چې د کابل د کرکټ په نړیوال لوبغالي کې د وړمې ورځې له چاودنې وروسته پرونۍ لوبې په عادي فضا کې ترسره شوې. د کرکټ بورډ ویاند فرید هوتک له پرونۍ لوبې وروسته آزادۍ راډیو ته وویل: "د اتصالات د شپږیزې د کرکټ سیالۍ نن په ډېر ښه انداز او په آرامه فضا کې د څلورو لوبډلو ترمنځ ترسره شوې. دا لوبې به د اګست تر پنځمې دوام وکړي او د دې لوبو لپاره د افغانستان کرکټ بورډ پوره چمتووالی نیولی چې په ډېر ښه شکل سره به انشاالله ترسره شي." د جمعې په ورځ د شپږیزې د لیګ د لوبو پرمهال په لوبغالي... Читать дальше...

په بلخ کې د طالبانو چارواکي وايي، چې د دې ولایت سیلو به ډېر ژر فعاله شي. باختر خبري آژانس د بلخ د سیلو لپاره د طالبانو له لوري د ټاکل شوي رییس مولوي جاوېد صدیقي له قوله خبر ورکړی، چې نوموړی وايي د دې ولایت سیلو به له ۲۵ کلنې وقفې وروسته بیا په کار پیل وکړي او ملکي او پوځي ادارو ته به د اړتیا وړ ډوډۍ چمتو کړي. د بلخ د سیلو د ډودۍ پخولو برخې له مودو راهیسې تولید نه لاره او د ژرندې برخه یې په تېر نظام کې یوه خصوصي شرکت ته اجاره ورکړل شوې وه. د مزارشریف سیلو په ۱۳۶۳ کال کې د پخواني شوروي اتحاد... Читать дальше...

په یوه اونۍ کې د دوهم ځل لپاره پرون یوځل بیا د عراق د شیعه روحاني مشر مقتدی صدر پلویانو د پلازمېنې بغداد پر ډيپلوماتیکه امن سیمه برید وکړ او د پارلمان ودانۍ ته ننوتل. د رویټرز خبري آژانس د راپور له مخې د نښتو پرمهال لږترلږه ۱۲۵ کسان ټپیان شول. د څارونکو په باور دې پېښې د عراق سیاسي کړکېچ لا پراخ کړی. ملګروملتونو د کړکېچ د کمېدو غوښتنه کړې او د دې هېواد لپاره د ملګروملتونو ماموریت له ښکېلو اړخونو غوښتي دي، چې د تاوتریخوالي د کمولو لپاره دې د خپل عقل آواز ته غوږ شي. عراق د روان سیاسي کړکېچ... Читать дальше...

د اوکراین ولسمشر د دونېڅک سیمې پر یوه زندان حملې ته چې په نتیجه کې یې له پنځوسو زیات کسان ووژل شول د اشارې په ترڅ کې ویلي دي، چې روسیه باید د تروریزم د ملاتړ کوونکي هېواد په توګه وپېژندل شي. ولودیمیر زیلینسکي تېره شپه ناوخته په کییف ښار کې په یوه ویډیويي وینا کې وویل: "روسیه باید د تروریزم د ملاتړ کوونکي دولت په توګه وپېژندل شي. په ځانګړي ډول له متحدایالاتو غواړم چې باید پرېکړه وکړي او همدا یې وخت دی. روسیې د ګڼو تروریستي اقداماتو په وسیله ثابته کړې ده چې په نړۍ کې د تروریزم تر ټولو لویه سرچینه... Читать дальше...

د اروپا په پارلمان کې د عمده ګوندونو مشرانو د هنګري صدراعظم د توکمونو د اختلاط په اړه د څرګندونو پرمهال د ښکاره توکمپالنې په خاطر غندلی دی. ویکتور اوربان تېره اونۍ په رومانیا کې د زرګونه کسانو پر وړاندې په وینا کې له غیر اروپايي قومونو سره د نژادي اختلاط په اړه خبرداری ورکړ او ویې ویل: "موږ نه غواړو مختلط یا له څو غیر اروپايي قومونو څخه جوړ نژاد ولرو." د اوربان دې څرګندونو د اشویڅ د نړیوالې کمېټې په ګډون د نړۍ په کچه پراخ غبرګونونه وپارول. متحدوایالتونو د هنګري د صدراعظم څرګندونې د جرمني د... Читать дальше...

د روسیې د ګاز دولتي شرکت ګازپروم لاتویا ته د ګازو د لېږد بهیر بند کړ. د روسیې د ګاز دولتي شرکت ګازپروم لاتویا ته د طبیعي ګازو د لېږد بهیر ظاهراً د ګاز له قرارداد څخه د سرغړونې په دلیل ودراوه. روسیې له دې مخکې نورو اروپايي هېوادونو، هنګري، بلغاریا، فنلنډ، هالنډ او ډنمارک ته هم د ګاز لېږد په دې دلیل بند کړ، چې د ګاز د لګښت د ورکړې لپاره یې د روسيې په بانک کې د روبلي حساب د جوړولو په برخه کې د ولسمشر ولادیمیر پوتین د امر له منلو ډډه وکړه. د روسیې د طبیعي ګاز لوی شرکت ګازپروم پرون د جولای ۳۰مه... Читать дальше...

ایراني چارواکي وايي، چې د وروستیو ورښتونو، توپانونو، سېلابونو او د ځمکې د ښویېدو په پېښو کې لږترلږه اتیا کسان مړه شوي دي. د ایران د سرې میاشتې ټولنې ویلي، چې د تېرو دوو ورځو د ورښتونو او سختو توپانونو په نتیجه کې لاهم د پلازمېنې تهران او د چارچاپېره سیمو او د څلورو نورو ولایتونو لسګونه اوسېدونکي تري تم دي. سیمه ییزو چارواکو پرون وویل، چې د سېلابونو او د ځمکې د ښویېدو د پېښو په نتیجه کې لږترلږه اتیا کسان مړه شوي دي. دوی اندېښنه ښودلې، چې ښايي د تلفاتو شمېر تردې زیات شي، ځکه تمه ده چې په ټول ایران کې به وروښتونه دوام وکړي. Читать дальше...