د قوش تېپې کانال د افغانستان په شمال کې د اوبه خور تر ټولو ستره پروژه ده چې د طالبانو حکومت یې د جوړولو او بشپړولو ژمنه کړې ده. دې پروژې په افغانستان کې یو لړ هیلې ټوکولي خو د افغانستان ځینې ګاونډیان د دې اوبلارې له جوړېدو ښه زړه نه لري. د قوش تېپې کانال په اړه ډېرې پوښتنې شته؛ لکه دا چې د کار کیفیت به یې څومره معیاري وي؟ د جوړېدو بودجه به یې څنګه برابریږي؟ د ګاونډیو اندېښنو ته به څنګه ځواب وویل شي؟ او د بشپړېدو په صورت کې به د خلکو ژوند څنګه بدل کړي؟ په دې مفصیل راپور کې عصمت څاروان هڅه کړې چې دغو پوښتنونو ته ځوابونه ومومي.
په خوست کې د صنعتي پارک د جوړولو چارې یو ځل بیا پیل شوی دی. هغه چارې له ډېرې مودې راهیسې د بېلابېلو ستونزو له کبله ځنډېدلې وې. دا په داسې حال کې ده چې په خوست کې زیاتره کارخانې په کورونو کې تولیدات کوي. صنعتکاران او پانګوال وایي، د صنعتي پارک له جوړېدو سره به یې د کار ساحه او فعالیتونه وده وکړي. ویډیویي راپور.
د دې اوونۍ "د مشال تر رڼا لاندې" کې د پاکستان په سیاست کې د عمران خان په ګډون د داسې نورو سیاستوالو د ګوند له مشرۍ څخه د لېري کولو د تګلارې پر ګټو او تاوانونو بحث شوی دی.
د شپږ کسیزه جرګګۍ پینځو غړو د پخوانۍ پرېکړې ځنډولو په حق او یو یې په مخالفت کې رایه ورکړې ده. له دې سره سم، جرګګۍ په پوځي عدالتونو کې د ملکیانو د محاکمې د لغوه کولو پخوانۍ فیصلې عملي کېدل تر بل امر پورې ځنډولي دي.
د ډېسېمبر ۱۲مې د لاریون ګډونوالو له حکومته غوښتنه وکړه چې د پرلتوالو غوښتنې دې ومني او د چمن او سپین بولدک ترمینځ دې پر لاره د پخوا په څېر په پاکستاني شناختي کارډ او افغان تذکرې د تګ راتګ اجازه ورکړي.
د خیبر پښتونخوا د ډېره اسماعيل خان په درابڼ کې د وسلوالو په برید کې د ۲۵ پوځيانو تر وژل کېدو وروسته ځايي خلک وايي، چاودنه دومره زوروره وه چې د خواوشا کورونو کړکۍ او دروازې یې ماتې کړې. بریدګرو د ډېسېمبر پر ۱۲مه لومړی له بارودو ډک ټرک له تاڼې سره نېږدې د پوځې مرکز په وره کې چوولی وو او بیا یې له سرتېرو سره نښته وشوه. د پاکستان نګران حکومت تور پورې کړی چې وسلوال په افغانستان کې پټنځایونه لري نو ځکه دې یې د طالبانو حکومت پر ضد کاروايي وکړي. په کابل کې د طالبانو حکومت په دې اړه تر اوسه څه غبرګون نه... Читать дальше...
په بلوچستان کې د ماورای عدالت وژنو پرضد له تربته د پیل شوي لاریون ګډونوالو د کوټې پر سرياب سړک پرلت وهلی دی. د بلوڅانو د يووالي کمېټۍ تر انتظام لاندې د لاریون مشران وایي، حکومت هغوی د کوټې په سریاب سيمه کې ایسار کړي او د ښار مرکز ته یې نه پرېږدي. دا احتجاج تر هغه وروسته پیل شو چې د بلوچستان پولیسو د ترهګرۍ ضد څانګې (سي ټي ډي) د نومبر پر ۲۳مه په نښته کې د څلورو مشکوکو وسلوالو د وژنې خبر ورکړ. خو بلوڅ فعالانو وویل چې په هغو کسانو کې د بالاچ بلوڅ په نامه هغه سړی هم شامل وو چې د پولیسو په بند کې وو. Читать дальше...
خبرپاڼه وايي، په درابڼ کې د هغه بريد ذمه واري وسلوالې ډلې "تحريک جهاد پاکستان" منلې چې پکې "۲۳ امنيتي سرتېري ووژل" شول او لسګونه نور ژوبل شول. په خبرپاڼه کې دعوه شوې ده چې هغه وسلواله ډله له تحريک طالبان پاکستان (ټي ټي پي) سره تړاو لري.
د نړۍ په بېلابېلو هېوادونو کې د عیسویانو د کرېسمېس یا اختر تیارۍ روانې دي چې ټاکل شوې د ډېسېمبر پر ۲۵مه ولمانځل شي. په دې اړه د رویټرز اژانس له ویډیوګانو جوړ رپورټ وګورئ.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости