نوریه هاشمي د طب محصله وه، خو طالبانو د نورو نجونو په شان له یوه کال راهیسې د پوهنتون دروازې ورته پر مخ تړلې دي. هغې له فریده سیال سره په مرکه کې د دغه محرومیت له امله اوښکې توې کړې او له زده کړو د یو کلن لیرې والي کیسې یې وکړې.
په غزه کې د اسراييلو او حماس ترمينځ د جګړې له امله بېکوره شوي يوشمېر ماشومان د فلسطين د رفح سيمې په يوه کيمپ کې ژوند کوي. هلته يوې ۲۳ کلنې فلسطينۍ مېرمنې د دغو ماشومانو د رواني روغتيا لپاره د موسيقۍ حلقه جوړه کړې او ماشومانو ته عود ساز غږوي. رويا حسونا وايي د عود غږ له ماشومانو د جنګي الوتکو غږونه له پامه غورځوي. د فرانس پرېس اژانس له ویډیو جوړ رپورټ.
د ماورای عدالت وژنو او جبري لادرکیو پرضد له بلوچستانه د اسلام اباد پر لوري روان لاریونوال چې ډېره اسماعیل خان ته ورسېدل نو د پښتون ژغورنې غورځنګ (پي ټي اېم) د مشر منظور پشتین مور و پلار هم ورسره ملګري شول. د غورځنګ یو بل مخکښ علي وزیر هم ورسره د یووالي او ملاتړ لپاره ورغی. احتجاجیان دعوه کوي چې امنیتي ځواکونه په بلوچستان کې خلک ورکوي او ځینې وخت یې په جعلي پولیس نښتو کې وژني. د بلوچستان نګران حکومت ویلي دي چې د دې تورونو د پلټنو لپاره یې له ځینو پولیسو پوښتنې پیل کړې دي او د ځینو دندې یې ځنډولې دي. Читать дальше...
له افغانستان څخه جرمني ته د ورغلو افغان کډوالو ژوند په دې هیواد کې څنګه روان دی؟ په دې راپور کې د هغې افغانې کډوالې ژوند ته کتنه شوي چې د تیر نظام پر مهال په افغانستان خبریاله وه.
دا اوونۍ مو په مشال مرکه کې د پاکستان د ټاکنو کمېشن د خيبر پښتونخوا څانګې مشر خوشال زاده مېلمه کړی دی. نوموړي له ۲۰۰۱ز کال راهيسي د ټاکنو کمېشن چارواکی په توګه کار کوي. موږ له هغه سره په داسې حال کې غږېدلي یو چې ټاکل شوې د ۲۰۲۴ز کال د فبرورۍ پر اتمه په پاکستان کې عام انتخابات وشي. خوشال زاده وايي، په خيبر پښتونخوا کې د رجسټرډ ووټرانو شمېر شاوخوا دوه نيم کروړه دی چې ورڅخه یې ۴۵ سلنه ځوانان دي. دی پر ځوانانو ټینګار کوي چې خپل ووټ وکاروي ځکه چې دا یې اییني حق او مسوولیت دی. بشپړه مرکه واورئ.
په چین کې د ډېسېمبر پر ۱۸مه شپې مهال په زلزله کې سلګونه کسانو ته مرګژوبله اوښتې او زرګونه نور یې بې کوره کړي دي. په اغېزمنه سیمه کې له خلکو سره مرستې روانې دي خو ځینې کسان وايي چې د ژوند بنیادي اسانتیاوې دې ورته برابرې شي. د رویټرز او اې اېف پي له ویډیوګانو جوړ رپورټ.
تېره اوونۍ د خیبر پښتونخوا په ډېره اسماعیل خان او ټانک ضلعو کې پر پوځ او پولیسو وسلوالو بریدونو ځايي خلک اندېښمن کړي دي. هغوی وېره لري چې که د ناامنۍ پېښې همداسې روانې وي نو ښايي پوځ يې په سيمو کې یو ځل بیا عمليات پیل کړي. دا چې د وسلوالو پرضد پوځي عمليات څومره امکان لري او د ولس پر ژوند به يې اغېز څه وي، دا موضوع مو دا اوونۍ "د مشال تر رڼا لاندې" بحث کې څېړلې ده.
په چمن کې د پاسپورټ او ویزې شرط لازمي کېدو پرضد د ګوندونو، سوداګرو، پنډیانو (لغړیانو) او ځايي وګړو احتجاجي پرلت د اکتوبر له ۲۱مې راهیسې لري. پرلتوالو د نومبر پر ۲۰مه له چمنه سپین بولدک ته تلونکې لاره هم د سامان وړونکو ګاډو پر مخ وتړله چې له وجې یې ډرېوران له یو لړ کړاوونو او ستونزو سره مخامخ شوي دي.
په ارجنټینا کې یوه ښځه هغه اسونه ساتي چې مالکانو یې ورسره ناسم چلند کړی وي، وهلي یې وي او د معذورۍ ښکار شوي وي. هغه ښځه وايي داسې یو اس یې هم موندلی دی چې مالکانو یې په وهلو، وهلو د ملا تیر ورمات کړی وو. نور د رویټرز اژانس له ویډیو په جوړ رپورټ کې.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости