مسکو کې يو مدني فعال پر اتهنيم کاله بند حکوم شوی
په مسکو کې یوې محکمې په ټولنیزو شبکو کې د مطالبو خپرولو په تړاو، یو فعال پر اته نیم کاله بند محکوم کړ.
دغه محصل په اوکراین کې د روسیې پر روانه جګړه انتقاد کړی و او په بند د هغه محکومېدل د مخالفانو د ځپلو لپاره د کرملین بل اقدام ګڼل کېږي.
د دمتري ایوانوف په نوم دغه ۲۳ کلن محصل چې فعال هم دی، د روسیې د پوځ په اړه د ناسمو معلوماتو په خپرونو محکوم شوی و.
دا ډول یو عمل ته د روسیې د هغه قانون لهمخې چې په وروستیو کې پر اوکراین د روسیې تر یرغل وروسته وکیلانو په لوی اکثریت تصویب کړ، شدید مجازات په پام کې نیول شوي دي.
ویل شوي روسیه له دې نوي قانون څخه د هغو اشخاصو د مجازاتو لپاره کار اخلي، چې په اوکراین کې د روسیې پر جګړه انتقاد کوي.
تر یوه کال زیاته موده کېږي، چې په اوکراین کې د روسیې غیرموجه جګړه روانه ده او وخت ناوخت یې شدت سختېږي.