Новости за 31.03.2023

دغې کمېټې نن جمعه په یوه بیان کې له طالبانو غوښتي، چې پرېږدي په بدخشان کې د 'صدای بانوان' راډيو خپل کار ته ادامه ورکړي. د دې راډیو له مسولینو څخه يو تن چې د موضوع د حساسیت له کبله يې نه‌غوښتل نوم يې واخیستل شي ازادي راډیو ته ویلي، د تخنیکي همکارانو له‌خوا په سهوي ډول د موسیقۍ له خپرېدو وروسته د پنجشنبې په ورځ د دې راډیو نشرات بند شوي دي. په بدخشان کې د طالبانو د حکومت د اطلاعاتو او فرهنګ رئیس معزالدین احمدي له ازادي راډیو سره په خبرو کې د «صدای بانوان » راډیو د تړل کېدو پخلی وکړ او ویې ویل چې،... Читать дальше...

د ایران د سپاه پاسداران انقلاب وايي، په سوریه کې يې د اسرائیلو د برید له کبله یو تن افسر وژل شوی دی. د ازادي راډیو د مرکزي څانګې د راپور پر بنسټ، دا پېښه په سوریه کې د ایران د شتون د مخنیوي لپاره د اسرائیلو د زیاتېدونکو هڅو یوه نښه ده. د ایران د سپاه پاسدارن انقلاب په یوه بیان کې د میلاد حیدري په نوم د یوه افسر او د هغه د پوځ مشارو وژل کېدل تایید کړي دي. دا په دوو ورځو کې په سوریه کې دوهم برید دی چې اسرائیلو ته منسوبیږي. اسرائیلو تر اوسه په دې اړه څه نه‌دي ویلي، خو ډېر وخت په سوریه کې د هوايي... Читать дальше...

ټاکل شوې ده چې د نړۍ د کاتولیکانو مشر پاپ فرانسیس د شنبې په ورځ له روغتون څخه رخصت شي. واتیکان نن په یوه بیان کې دا موضوع اعلان کړه. نن سهار په روغتون کې د پاپ فرانسیس روغتیايي معاینات ترسره شول. ۸۶ کلن پاپ فرانسیس دوه ورځې وړاندې د تنفسي ناروغۍ له کبله روغتون ته انتقال شوی و.

د فرانس پرېس خبري اژانس د راپور پر بنسټ، له دې وړاندې په دې اندازه کوکایین د ناروې پولیسو نه‌دي کشف کړي. د ناروې ان‌ټي‌بي خبري اژانس پرون ناوخته راپور ورکړ چې، دا مخدره مواد د مېوو په کڅوړو کې په اوسلو کې ځای پر ځای شوی و. خو د کوکایین د کشف دقیق وخت نه‌دی ښودلی او همدارنګه د دې موضوع په تړاو څوک نه‌دي نیول شوي.

د پښین اوسېدونکی صدیق الله د ګاډو او موټرسايکلونو له ناکاره ټایرونو داسې توکې جوړوي چې خلګ کار ورڅخه واخلي. د نوموړي په وينا د دې کار مقصد یې خلګ د ټایرونو له سوځولو راوګرځول او چاپېریال پاک ساتل دی. صديق الله وايي چې مخکې یې دغه شیان د خپل شوق لپاره جوړول خو اوس غواړي چې د کاروبار ذریعه یې وګرځوي.

د نيمروز ولایت د اطلاعاتو او فرهنګ ریاست په یوه بیان کې ویلي، دغه بندیان طالب چارواکو ته په زرنج ښار کې سپارل شوي. په بیان کې نه‌دي ویل شوي چې، څه وخت دا کسان سپارل شوي دي. د دې ریاست په خبره، دا افغانان د زاهدان له زندان نه خوشې شوي دي. په وروستیو څو اوونیو کې په لسګونه افغان بندیان د ایران له زندانونو خوشې شوي او افغانستان ته انتقال شوي دي.

د ناټو سرمنشي ینس ستولتنبرګ وايي، په څو راتلونکو ورځو کې به فنلنډ رسما د ناټو غړی شي. هغه نن په یوه ټویټ کې لیکلي، چې د ناټو په مرکز کې د فنلنډ د بیرغ راځړېدو ته سترګې په لار دی. نوموړي زیاته کړې، په ګډه به قوي او خوندي یو. له اږودې مودې وروسته ترکیې د پنجشنبې په ورځ له ناټو سره د فنلنډ د یو ځای کېدو پر وړاندې خنډ ليرې کړ. ستولتنبرګ په یوه بېل بیان کې ویلي، چې فنلنډ قوي ځواکونه، پرمختللي ظرفیتونه او قوي دموکراتيکي ادارې لري. ټاکل شوې ده، د ناټو د بهرنیو چارو وزیران راتلونکې اوونۍ په بروکسل... Читать дальше...

د جرمني د بهرنیو چارو وزیرې انالنا بایربوک پرون اعلان وکړ چې، د زیانمنونکو افغانانو د پناه غوښتنې غوښتن‌لیکونو د ترلاسه کولو بهیر درول شوی دی. د جرمني رسنیو د هغې له قوله راپور ورکړی، چې دا موضوع موقتي ده او هېواد یې د دغه سیستم څخه د ناوړه ګټې اخیستنې له امله دا پرېکړه په موقت ډول کړې ده. که څه هم دې د ناوړې استفادې د څرنګوالي په اړه څه نه‌دي ویلي، خو زیاته کړې یې ده چې دا پرېکړه یې د چهارشنبې په ورځ کړې او د پاکستان او ایران په سفارتونو که به پلي کېږي. د بهرنیو چارو وزیرې دا هم ویلي چې، په... Читать дальше...

په کراچۍ کې د سیند صوبې لسګونه هندوانو د کم عمره نجونو د تښتولو او په زور یې د مذهب بدلولو پرضد مظاهره کړې ده. مظاهرچیانو د مارچ پر ۳۰مه د کراچۍ د خبریالانو له مرکزه د سیند اسمبلۍ تر ودانۍ پورې لاریون وکړ او د هندوو نجونو د تښتونو او مذهب بدلولو پرضد یې نعرې ووهلې. سیند اسمبلۍ په ۲۰۱۶ز کال کې د لږکیو د ساتنې مسوده منظوره کړې وه چې تر اوسه د قانون په حیث نه ده نافذه شوې.

یو شمېر افغانان وايي، د کمزوري اقتصاد له امله نه توانېږي چې خپله یا د خپلې کورنۍ د غړو درملنه وکړي. ازاده یوه له هغو مېرمنو ده چې خپله بې‌دندې ده او مېړه یې لاسي کراچۍ چلوي. نوموړې وايي، کرایي کور کې اوسېږي، خو په هغو پیسو چې مېړه یې ګټي، نه‌شي کولای د خپلو هغو اولادونو درملنه وکړي چې کلونه کېږي په عصبي ناروغۍ اخته دي. دا مېرمن وايي: "هغه لاسي کراچۍ چې مېړه مې پرې کار کوي، څومره ګټه به وکړي. د کور لګښتونه به پوره کړي، یا د درملنې پیسې. که په کور کې مو څوک ناروغه کېږي، نه‌شو کولای په خپلو وخت یې درملنه وکړو. Читать дальше...

په بدخشان ولایت کې د "صدای بانوان" يوه مسؤله چې نه‌غواړي نوم يې راپور کې واخيستل شي وايي، که راډيو ته د بیا خپرونو اجازه ورنه‌کړل شي د راډيو د خپرونو تر څنګ به افغانستان کې د سلګونو ښځو غږونه هم چوپ شي. د هغې د ادعا له‌مخې په راډیو کې د عربي نعت د خپرولو په دوام په تېروتنې سره میوزیک خپور شوی چې له امله یې طالبانو د دوی راډیو وتړله. نوموړې وايي: "زموږ ډېری خپرونې د ښځو لپاره دي، پرون په یوه بجه د طالبانو د اطلاعاتو فرهنګ ریاست ځواکونه او د بدخشان د امر بالمعروف ریاست راډیو یې بنده کړه او ويې... Читать дальше...

د هند د مدهيه پردېش په اندور ښار کې د یو مندر د کوهي د فرش نړېدو په پېښه کې ۳۵ کسان وژل شوي او ګڼ ژوبل شوي دي. دا پېښه د مارچ پر ۳۰مه هغه وخت وشوه چې کله دغه مندر ته خلک د یو مذهبي رسم لمانځلو لپاره ورغلي ول. په دغه اړه نور تفصیل د رویټرز اژانس په ویډیویي راپور کې.

د امریکا پخوانی ولسمشر ډونالډ ټرمپ د سټورمي ډنیلز په نوم د پورن فلمونو یوې لوبغاړې ته د حق‌السکوت د ورکولو په تړاو رسماً تورن شو. د پنجشنبې په ورځ قضايي پلاوي پرېکړه وکړه چې د امریکا پخوانی ولسمشر باید په دې خاطر رسماً تورن شي چې سټورمي ډنیلز ته یې ۱۳۰ زره ډالر ورکړي چې خوله پټه کړي او څه ونه وايي. که څه هم تر اوسه پورې د ټرمپ خلاف د تورونو جزییات ډېر څرګند نه‌دي خو دا به د متحدو‌ایالتونو د یوه پخواني ولسمشر خلاف د جرم لومړنۍ دوسیه وي. د ښاغلي ټرمپ مدافع وکیلې سوزان نیچل دا خبره تایید کړه او... Читать дальше...

په مشال مرکه کې دا ځل په کراچۍ کې د پښتون ژغورني غورځنګ مشر نورالله ترين مېلمه دی. نوموړی د بلوچستان له پښين ضلعې سره تعلق لري او په ۱۹۹۵ز کال کې کراچۍ ته کډه شوی وو. نور الله ترين له ۲۰۰۵ز کال راهيسې په کراچۍ کې د سياسي او مدني فعال په توګه کار کوي. ترين وايي، په کراچۍ کې پښتانه له ډېرو ستونزو سره مخامخ دي او تر ټولو لويه ستونزه يې سياسي ده. د ده په خبره د پاکستان تر ټولو لوی ښار کې د ټولو پښتنو پر يو ځای راغوڼدلو لپاره يې هلې ځلې پيل کړې دي او ځينو پښتنو مشرانو ورسره منلې هم ده. نوموړي زیاته کړه... Читать дальше...

طالبانو په هلمند کې خلګو ته خبرداری ورکړی؛ که تراویح ونه‌کړي له عکس العمل سره به مخامخ شي. دا خبرداری د هلمند د طالبانو د امربالمعروف او نهي عن المنکر ریاست په یوې رسمي اعلامیې کې ورکړی دی. دا اعلامیه، چې د هلمند ولایت د اطلاعاتو او کلتور ریاست له لوري هم خپره شوې، د دغه ولایت د ټولو جوماتونو امامانو ته خبر ورکوي چې د خپلې سیمې اوسېدونکي تراویح کولو ته اړ کړي.

د روغتیا نړیوال سازمان یا ډبلیو‌ایچ‌او وايي، د طالبانو له واک ته رسېدو وروسته روغتیايي سکتور تر بل هر سکتور زیات زیانمن شوی دی. د دې سازمان د مالوماتو پر اساس، افغانان اوس د روغتیا په برخه کې پر بشري مرستو متکي دي. د روغتیا نړیوال سازمان پرون (پنجشنبې) د افغانستان د روغتیايي وضعیت په اړه په خپل راپور کې وویل، ډبلیو‌ایچ‌او د افغانستان په لېرې پرتو سیمو کې د ډېرو محتاجو کسانو لپاره روغتیايي مرکزونه جوړ کړي او تر ۲ لکه ۲۰ زره ډېرو کسانو ته یې طبي خدمات وړاندې کړي دي.

د خيبر پښتونخوا په مومند کې ګڼو کسانو د مارچ پر ۳۱مه د وړيا حکومتي اوړو نه ترلاسه کېدو پرضد مظاهره کړې ده. دغو مظاهرچیانو پېښور او نورو سیمو ته تلونکې لارې بندې کړې وې. انتظامي چارواکو مشال راډيو ته ويلي چې ولس باید د اوړو لپاره د خپلو سیمو مرکزونو ته ولاړ شي.

د طالبانو د رئیس الوزرا سیاسي مرستیال عبدالکبیر د یوناما له مشرې سره کتنه کې ویلي، د دوی اوسنی حکومت له نړیوالو سره تعامل غواړي. دا کتنه چې پرون شوې په‌کې مولوي عبدالکبیر ټینګار کړی چې، ملګري ملتونه باید د دوی په اوسني رژیم او چارواکو یې محدودیتونه او بندیزونه لېرې کړي، ځکه د ده له قوله، دې کار د تعامل مخه نیولې ده. د طالبانو د رئیس الوزرا له دفتره خپره شوې خبرپاڼه کې زیاته شوې، مولوي عبدالکبیر همدا ډول یو ځل بیا غوښتي چې د طالبانو اوسنی رژیم دې په رسمیت وپېژندل شي، ځکه په خبره یې، د رسمیت پېژندنې لپاره یې ټول شرایط پوره کړي دي. Читать дальше...

د هندوستان د کرېکټ ستر سوداګریز لیګ (ايې‌پي‌ال) نن (جمعه) د دې هېواد په احمد اباد ښار کې پیلیږي. په لومړنۍ لوبه کې به د تېر کال اتله لوبډله ګجرات ټایټنز د چینای سوپر کینګز پر وړاندې د سیالۍ ډګر ته ووځي. سږ کال په دې لیګ کې پینځه افغان لوبغاړي هم لوبه کوي. د ايې‌پي‌ال په سیالیو کې لس لوبډلې سره سیالي کوي چې هره لوبډله به ۱۴ لوبې ترسره کړي. د افغان لوبغاړو له ډلې به راشدخان او نور احمد د ګجرات ټایټنز په لوبډله کې ولوبیږي. دغه راز رحمن الله ګربز د کلکته نایټ رایډرز، فضل حق فاروقي د سن رایزر... Читать дальше...

دلته د لغمان ولایت په علیشنګ ولسوالۍ کې د طالبانو د حکومت نظاميان د ټراکټر په وسيله د کوکنارو کښت ويجاړوي، دا کښتونه داسې مهال اړول کېږي چې د تارياکو راټولولو ته درې اوونۍ وخت پاتې دی. د اوسني فصل کوکنار د ۱۴۰۱ شمسي کال د جدي د مياشتې په لومړیو کې کرل شوي او د ثور د میاشتې په لومړیو کې يې تارياک راټولېږي، خو د طالبانو حکومت وايي چې، دوی د کوکنارو د کښت منع کولو په برخه کې د خپل مشر د حکم عملي کولو ته ژمن دي. د طالبانو د حکومت د کورنیو چارو وزارت د ټويټر پر پاڼه خپاره شوي معلومات ښيي، کوم عملیات... Читать дальше...

د روژې له راتګ سره په پاکستان کې ګراني زیاته شوې او د نورو شیانو تر څنګ د خورما (کجورو) نرخ هم لوړ شوی دی. اوسمهال په بازار کې د یو کیلو خورما بیه تر ۶۰۰ روپیو پورې ده. په دې ویډیو کې مو په کراچۍ کې د کجورو تر ټولو لوی بازار ته بیایو چې هلته یې د نرخ لوړېدو لامل معلوم کړو.

د مارچ پر ۳۰مه په مسکو کې د لېفورتوفو ضلعي عدالت تر تړلو دروازو شا ته د اورېدنې پر مهال تر دوو میاشتو پورې د ګرېشکووېچ د بندي ساتلو په اړه د امنیتي خدماتو فېډرالي ادارې (اېف اېس بي) غوښتنه ومنله.

د مېل ان‌لاین خپرونه: د مېل ان‌لاین خپرونې خپله وروستۍ ګڼه کې د فرانس پرېس هغه راپور خپور کړی چې، د طلاق شویو افغان ښځو په اړه دی. هغه ښځې چې د طالبانو په نظام کې له خپلو پخوانیو مېړونو سره په جبري توګه د بېرته یو ځای کېدو وېره لري. په مطلب کې د مروې په نوم د یوې افغانې مېرمنې له قوله راغلي چې وايي، له کلونو ظلمونو او د پخواني مېړه له‌خوا د غاښونو له ماتولو وروسته په تېر حکومت کې وتوانېده چې له خپل مېړه طلاق واخلي، خو اوس‌یې مېړه د طالبانو محکمې ته مراجعه کړې او ویلي دي چې، دی له دې طلاق... Читать дальше...

د اوکراین ولسمشر ولودمیر زلنسکي پر اوکراین د روسیې د یرغل د ۴۰۰مې ورځې په مناسبت ویلي، هېواد یې نورو اقداماتو ته ځان تیاروي. زلنسکي تېره شپه په یوه ویډیويي پیغام کې د روسیې پوځي عملیاتو خلاف کوم اټکل ته اشاره ونه‌کړه. د اوکراین ولسمشر ویلي پر اوکراین د روسیې د یرغل چې د ۲۰۲۲م کال د فبروري میاشتې پر ۲۴مه پیل شوی، ۴۰۰ ورځې واوښتې. د هغه په وینا اوکراین، د خارکیف سیمې او خرسون ښار د ځینو برخو د بېرته نیولو دغه راز د بخموت او دونباس سیمې د دفاع لپاره اوږده لار وهلې ده. که څه هم د اوکراین پوځي... Читать дальше...

له دې سره په دې غربي پوځي ايتلاف کې د غړیتوب لپاره د فنلنډ په وړاندې د اوږدې مودې خنډ لیرې کړای شو. د ترکیې د پارلمان ټولو ۲۷۶ حاضرو غړو د فنلنډ په پلوي رایه ورکړه. تر دې څو ورځې مخکې د هنګري پارلمان هم ورته مثبته رایه ورکړې وه. د دې لپاره چې په ناټو کې نوی هېواد د غړي په توګه ورزیات شي، د دې تړون د دېرشو غړو د رایو اتفاق ته اړتیا ده. ترکیه او هنګري د ناټو دوه وروستي غړي هېوادونه وو، چې په دې تړون کې یې باید د فنلنډ غړیتوب ته رایه ورکړي وای. په ناټو کې د سویډن د غړیتوب موضوع لا هم لاینحله... Читать дальше...