د بنګلهدېش کمعمره لوبډلې افغان لوبډلې ته د ۲۹۳ منډو هدف وټاکه
د درې ملکونو تر ۱۹ کلونو د کمعمره لوبډلو ترمنځ په پیل شویو سیالیو کې نن د افغانستان او بنګلهدېش لوبډلې سیالي کوي.
د نن ورځې سيالي چې د کابل پر وخت ۳:۳۰ بجې پیل شوې افغان لوبډلې د پچې په ګټلو سره لومړی توپ اچونه غوره کړه.
بنګلهدېش د ۶ لوبغاړو په سوځېدو سره په ۵۰ اورونو کې ۲۹۲ منډې جوړې کړې.
د بنګلهدېش لپاره عارف الاسلام ۱۰۵ ناسوځېدلې او احرار امین بیا ۸۷ منډې وکړې.
د افغانستان په توپ اچوونکو کې خلیل احمد ۳، یما عرب، نعمان مومند او کامران هوتک یوه ـ یوه وېکټ وسوځوله.
دا درې اړخیزې سیالۍ د افغانستان کرېکټ ادارې په کوربهتوب پیل شوي دي چې افغان لوبډلې پهکې خپلې لومړنۍ دوه لوبې له بنګلهدېش او سریلانکا ګټلي دي.