ارزګان کې د چت رالوېدو پېښه کې يوه نجلۍ مړه شوې
دا رزګان په مرکز ترینکوټ کې د ورښتونو له امله د یوه کور د خونې چت رالوېدو له امله یوه اته کلنه نجلۍ موه شوې او یوه ښځه او یوه بله کوچنۍ نجلۍ ژوبلې شوې دي.
د ارزګان ولایت د والي ویاند احسان الله حماس ازادي راډیو ته وویل، یاده پېښه نن سهار شپږ بجې د لومړۍ حوزې اړوند د محبس په نوم سیمه کې رامنځته شوې ده.
نوموړی وايي، امنیتي مسولینو ټپیان د درملنې په موخه ولایتي روغتون ته رسولي دي.
حماس زیاتوي چې پېښه د دوامداره اورښت له امله رامنځته شوې.