ایران: زاهدان کې د امنیتي ځواکونو په ډزو لږ تر لږه ۲۳ کسان ټپیان شوي
د ایران په زاهدان ښار کې د راپورونو په اساس لږ تر لږه ۲۳ کسان د امنیتي ځواکونو په ډزو سره ټپيان شوي دي.
پرون خلک هلته د (زهدان د خونړۍ جمعې) د لومړي کال د پوره کېدو په درشل کې د لاریونو لپاره وتلي وو.
په خواله رسنیو په خپرو شویو ويډیوګانو کې ښکاري، چې په پوځي یونیفورم سمبال پوځیان او شخصي جامو وسله وال د زاهدان مکي جومات کلابند کړی او ډزې کوي.
د ایران امنیتي ارګانونو زاهدان ته تازه دمي ځواکونه هم استولي دي.
د ازادې اروپا فردا راډیو د شمېرو په اساس، د ۲۰۲۲ کال د سپټمبر په دېرشمه د جمعې په ورځ د ایران د امنیتي ځواکونو په ډزو سره په زاهدان ښار کې لږ تر لږه ۱۰۵ کسان ووژل شول او تر ۳۰۰ زیات نور ټپیان شول. زاهدان کې اکثر بلوڅان سني مذهبي میشت دي، چې تل د ایران د رژيم له دوه ګوني چلند شکایت کوي.