بشیر ستانکزی د جرمني کرکټ د پرمختیايي چارو مسوول ټاکل شوی
د افغانستان کرکټ بورډ ادارې پخوانی کارکوونکی بشير ستانکزی د جرمني کرکټ فدراسیون د پرمختیايي او عملیاتي چارو د مسوول په توګه ګومارل شوی دی.
ښاغلي بشیر ستانکزي د افغانستان کرکټ بورډ ادارې په پرمختیايي او نورو چارو کې هم ډېره دنده ترسره کړې ده .
نوموړي ازادي راډیو ته وویل:
" ما د جرمني کرکټ فدراسیون سره د عملیاتي کرکټ او پرمختیايي کرکټ د مسوول په توګه دنده شروع کړه."
بشیر ستانکزي ازادي راډیو ته ویلي، هیله من دی چې د یاد هېواد د کرکټ په وده کې به ونډه ولري او ډاډ یې څرګند کړ چې له دې لارې به جرمني مېشتو افغانانو ته هم خدمت وکړي.
د ویلو ده چې تر دې وړاندې د افغان کرکټ ادارې بل کارمند، پخوانی اجرايوي رئیس نورمحمدمراد د امریکا کرکټ ادارې د اجرايوي رئیس په توګه ټاکل شوی و.