Новости за 08.11.2023

د شفق په نوم د خيريه او ټولنيزو خدماتو بنسټ د چهارشنبې په ورځ ۸۹ هغو ښځو ته چې د لاسي صنايعو په برخه کې يې زده کړې کړې وې د فراغت سندونه ورکړل. د دې بنسټ مسوولین وايي، دغو مېرمنو ته د ۶ میاشتو لپاره د خیاطۍ په برخه کې روزنه ورکړل شوه. د بنسټ مشرې یلدا شفق له ازادي راديو سره په خبرو کې وويل چې، ښځو ته د کاري فرصتونه برابرول او د دوی اقتصادي وده ده . شفق زیاتوي: "زمونږ ننى پروګرم د هغو اتيا کسه مېرمنو د فراغت لپاره دى چې د خياطۍ او لاسي صنايعې په برخه کې له شپږو مياشتو زدکړو ورورسته فارغه شوي،... Читать дальше...

د یونان د ایوروز سیمې د دادیا په ځنګل کې د اګست پر ۱۹مه اور لګېدلی وو چې له وجې یې په سلګونه هېکټره ځمکه متاثره شوې او ګڼ ځناورو او مرغانو ته هم زیان رسېدلی وو. د هغې سیمې اوسېدونکي وايي چې د اور له وجې ورته اقتصادي تاوان رسېدلی او باید حکومت د ځنګل بحالۍ لپاره اقدامات وکړي خو چارواکي وايي چې متاثره سیمه څاري. د اې اېف پي له ویډیو جوړ رپورټ.

د ملګرو ملتونو د بشري چارو د همغږۍ اداره، اوچا وایي، د افغانستان د ۴۰۱ ولسوالیو دوه دریمه یې له جګړو پاتې ناچاودې وسیلو باندې پوښل شوي. اوچا نن په خپله اېکس پاڼه یا پخواني ټوټیر کې کښلي چې له جګړو پاتې دغه ناچاودي وسیلې هره میاشت له شپیتو زیات کسان وژني چې زیاتره یې ماشومان دي. اوچا د ناچاودې وسیلو له پلوه افغانستان په نړۍ کې په ترټولو ناوړه وضعیت کې بللی دی. د سره صلیب نړیوالې کمیټې شاوخوا څلورمیاشتې مخکې په یوه راپورکې وویل چې د ۲۰۲۲ کال د جنوري نه د ۲۰۲۳ کال ترجون میاشتې پورې په افغانستان... Читать дальше...

برېتانیا پرکریملین د اوکراین د جګړې د مالي ملاتړ د سرچینو د نښه کولو په ترڅ کې نن پر ۲۹ افرادو او د روسیې د سروزرو او تیلو د سکتور پرکمپنیو او ادارو بندیزونه ولګول. د بندیزونو لپاره په نښه شویو کې په متحده عربي اماراتو کې میشته یوه شبکه هم شامله ده چې د برتانیا په وینا روسیې ته یې د سرو زرو څه باندې۳۰۰ ملیون ډالرعواید لیږدولي دي. برېتانيا همدارنګه د روسيې د سروزرو پر دوو سترو توليدونکو، نارډ ګولډ Nord Gold Plc او هایلانډ ګولډ ماین Highland Gold Mining Ltd او پر شتمنو سیاستوالو ولاديسلاو سويبلوف او کونستانتين سټروکوف بنديزونه لګولي دي. Читать дальше...

د افغانستان د فوټبال فدراسیون د خبر پر اساس انګلستانی اشلي مایکل د دې هېواد د فوټبال ملي لوبډلې د نوي مشر روزونکي په توګه ګومارل شوی دی. ښاغلی مایکل نن د نومبر په ۸مه نېټه په کابل کې یوې خبري ناستې ته وینا کړې ده. تر نوموړي وړاندې د کوېټ هېواد اوسیدونکي عبدالله المطیري د افغانستان د فوټبال ملي لوبډلې روزنه پر غاړه درلوده چې د ملي لوبډلې له لوبغاړو سره تر ناندریو وروسته یې استعفا وکړه. د افغانستان د فوټبال ملي لوبډلې یو شمېر لوبغاړو هم پر خپلو ټولنیزو پاڼو د فوټبال فدراسیون له مشرتابه سره د... Читать дальше...

د اوو پرمختللو صنعتي هیوادونو یا د جي اوه ډلې لوړپوړو ډیپلوماتانو د اسراییل او حماس ترمنځ روانه جګړه کې خپل ګډ دریځ اعلان کړ. په هغه اعلامیه کې چې په توکیو کې د دې ډلې د ډیپلوماتانو د دوه ورځنیو خبرو وروسته نن خپره شوې، له خپل ځانه د اسراییل د دفاع د حق ملاتړشوی او غوښتنه شوې چې په روانه جګړه کې دې بشري وقفه رامنځ ته شي ترڅو د غزې کړیدلو ولسي وګړو ته مرستې ورسول شي. د امریکا د بهرنیو چارو وزیر انتوني بلینکین په یوه خبري کنفرانس کې وویل: " د جي اوه وزیرانو په دې اړه چې اسراییل له ځانه د دفاع... Читать дальше...

د اسراییل پوځ وایي، د غزې په تړانګه کې په هوایي بریدونوکې یې د حماس د وسلو یوجوړونکی او یوشمیروسله وال وژلي دي. اسراییل په کلابنده شوې غزه کې په وروستیو هوایي او ځمکنیو بریدونو کې د سخت دریځو د ترځمکې لاندې د تونلونو شبکه په نښه کړې ده. غزه چې د سخت دریځو وسله والو یوپیاړی مرکزدی د اسراییلي ځواکونو له خوا بشپړه کلابنده شوې. د اسراییل پوځ وویل، ځواکونویې د دغه ګڼ میشتي ښار زړه ته پرمختګ کړی او حماس ویلي چې وسله والو یې اسراییلي ځواکونو ته ډیرتلفات اړولي دي. په داسې حال کې چې په غزه کې د جګړې... Читать дальше...

له پاکستان څخه د افغان کډوالو د ايستلو بهير د دوام سره هم‌مهاله يو شمېر افغان کډوال چې او‌س‌مهال هم په پاکستان کې دي او هلته د اوسېدو قانوني اسناد لري، ادعا کوي چې د پوليسو له لوري زورول کېږي. صنم کبيري چې په اسلام‌اباد کې اوسېږي، ازادي راډيو ته ادعا وکړه، چې د پاکستان پوليس کورونو ته په زوره ننوځي، اسناد لرونکي او بې‌اسناده کډوال ټول له يو مخ نيسي. نوموړی وایي: "د پاکستان د حکومت تصميم جدي دی، پوليس پر کورونو ورځي، اسناد لرونکي او بې‌اسناده ټول له ځان سره وړي. نن هم زه چې کومه سيمه کې اوسېږم،... Читать дальше...

د دې اوونۍ "د مشال تر رڼا لاندې" کې د چمن او تورخم پر دروازو د تګ راتګ لپاره د اسنادو د شرط ګټې او تاوانونه بحث شوي دي.

د پاکستان د موقت حکومت صدراعظم، انوارالحق کاکړ وايي، په افغانستان کې د طالبانو له بیا واکمنیدو وروسته په دې هیواد کې ترهګریزي پیښې ۶۰ سلنه زیاتې شوي دي چې په پایله کې یې د پاکستان ۲۲۶۷ وګړي وژل شوي دي. د پاکستاني رسنیو په حواله، نوموړي نن، د نومبر په ۸مه نیټه، یوه خبري کنفرانس ته په وینا کې ويلي چې، په څه باندې تیرو دوو کلونو کې، په پاکستان کې دغه بریدونه د تحریک طالبان پاکستان (ټي ټي پي) له لوري د افغانستان د خاورې په کارولو ترسره شوي دي. انوارالحق کاکړ زیاته کړه چې په پاکستان کې په ځانمرګو بریدونو کې یو شمیر افغانان هم شامل و. Читать дальше...

د پنجاب په لاهور کې د لړې او لوګي تر خپرېدو وروسته د ښار اوسېدونکي وايي چې د ستوني په ګډون یوشمېر ناروغۍ خپرې شوې دي. دوی وايي چې حکومت باید هغه ګاډي ونیسي چې زیات لوګی پیدا کوي. د لاهور اوسېدونکي وايي چې حکومت دې د هوا او چاپېریال ککړتیا پرضد اقدامات وکړي. د پنجاب لنډمهالي حکومت د زده کوونکو لپاره د تمبوزک یا ماسک په مخ کولو امر کړی دی. حکومت داراز د هغو کروندګرو پرضد د اقدام اعلان کړی دی چې په پټیو کې د فصلونو پاتې شوني سوځوي چې لوګی یې اکثر په مني کې په لړه ورګډېږي. د رویټرز اژانس له ویډیوګانو جوړ رپورټ.

په کابل کې د تېرې ورځې چاودنې چې د طالبانو حکومت د معلوماتو له مخې اووه تنه په کې ووژل شول او شل نور ټپیان شول غبرګونونه راپارولي دي. د کابل په دشت برچې کې د تېرې ورځې حملې چې مسوولیت داعش وسله والې ډلې منلی دی بېلابېل غبرګونونه راپارولي دي. د افغانستان لپاره د ملګرو ملتونو ځانګړي راپور ورکونکي ریچارد بینېټ ویلي: "زه د دې پېښې د عاملینو د پېژندلو او ورسره د حساب لپاره د یوې بشپړې شفافې څېړنې غوښتنه کوم." هغه په خپل ایکسپاڼه لیکلي، دا په تېره یوه میاشت کې د افغانستان په هزاره توکمو درېیمه خونړۍ حمله ده چې مرګ ژوبله اړوي. Читать дальше...

له پاکستان څخه کندهار ته ستانه کړای شوي افغان کډوال د خپلو ماشومانو لپاره د زده کړو د امکاناتو د برابرولو غوښتنه کوي. د دغه ماشومانو یوه برخه نجونې دي چې د پاکستان په ښوونیزو مرکزونو کې یې تر لومړنۍ او منځنۍ کچې زده‌کړې کړي دي. که څه هم د طالبانو د پوهنې وزارت د یوې اعلامیې په خپرولو سره د راغلو کډوالو ماشومانو ته د زده کړو د زمینې برابرولو ژمنه کړې، خو د تېرو شاوخوا دوو کالو راهیسې په افغانستان کې تر شپږم ټولګي پورته د انجونو پر زده کړو بندیز لګول شوی دی. نور حال د لاندې لېنک په کېکاږلو اورېدلی شئ... Читать дальше...

د پاکستان لنډمهالي وزیر اعظم وویل چې په تېرو "دوو کلونو کې" یې په هېواد کې "۲،۲۶۷ تنه پاکستانیان د ترهګرۍ په پېښو کې وژل شوي دي چې ذمه وار یې تحریک طالبان پاکستان دی چې د افغانستان خاوره د پاکستان ضد کاروي."

د پاکستان موقت صدراعظم انوارالحق کاکړ وایي، له پاکستانه په سلګونو زره افغان کډوال ځکه ایستل کېږي چې افغانستان له خپلې خاورې د پاکستاني سختدریځو وسله‌والو د عملیاتو په مخنیوي کې پاتې راغلی دی. د فرانس‌پرېس خبري آژانس د راپور له مخې کاکړ نن په یوه خبري کنفرانس کې وویل چې افغانان هم په ډېرو ځانوژونکو بریدونو او له پاکستاني ځواکونو سره په نورو نښتو کې ښکېل وو او زیاته یې کړه له کله چې طالبان په کابل کې واک ته رسېدلي، په پاکستان کې د ناامنیو په پېښو کې د پام وړ زیاتوالی راغلی. هغه وویل، د ۲۰۲۱ کال... Читать дальше...

د بنو اوسیدونکي وايي، په ښار کې ځای په ځای د خځلو ډېرانونه پراته دي چې بوی یې خور دی او بیمارۍ ترې خورېږي. دوی له حکومته غوښتنه کوي چې د دې ستونزې څه حل دې راوباسي. چارواکي وايي، د صفایۍ عملې د تنخاګانو د نه ور رسېدو له وجې په هړتال لاس پورې کړی دی. نور تفصیل په دې ویډیويي راپور کې.

لاهور مېشتي افغان کډوال تور پورې کوي چې پولیس اسناد لرونکي افغانان هم نیسي. په هغه ښار کې د خیبر پښتونخوا یوشمېر اوسېدونکو هم دعوه کړې ده چې پولیس یې د کډوالو په نامه نیسي او ورڅخه پیسې اخلي. خو د پنجاب د کورنیو چارو یو افسر له مشال راډیو سره په خبرو کې د اسناد لرونکو کډوالو د نیولو تورونه رد کړل او زیاته یې کړه چې یوازې بې اسناده بهرنیان نیسي. تفصیل په ویډیو کې.

د افغانستان د کرکټ ملي لوبډلې مشر روزونکی جاناتان ټروټ وایي، لوبډله یې تراوسه د دې چانس لري چې د کړکټ نړیوال جام نیمه پایلوبې ته لار پیدا کړي. ټروټ پرون له اسټرالیا څخه د افغانستان له ماتې وروسته خبریالانو ته وویل، تمه کوي چې له جنوبي افریقا سره به راتلونکې لوبه کې افغان کرکټران نیمه پایلوبې ته برخلیک مشخص کړي. ټاکل شوې چې افغانستان بل سبا د جمعي په ورځ له جنوبي افریقا سره د سیالۍ ډګر ته ووځي. افغانستان تراوسه په دې جام کې اته لوبې کړي، څلوریې ګټلي او څلوریې بایللي دي. تراوسه د دې لوبه کوربه... Читать дальше...

د افغانستان د بشري حقونو لپاره د ملګرو ملتونو ځانګړې استازي ریچارډ بینېټ په کابل کې د پرونۍ چاودنې په اړه د بشپړو شفافو څېړنو غوښتنه کړې ده. هغه پرون سې شنبې په خپله ایکسپاڼه یا پخواني ټویټر کې کښلي چې د کابل په دشت برچي سیمه کې د دې خونړۍ چاودنې له عاملانو سره باید حساب کتاب وشي. د اسلامي دولت ډلې یا داعش پر ټلګرام چینل ددغه برید مسوولیت اخیستی دی. ریچارډ بینېټ ویلي چې په یوه میاشت کې دا درېیم برید دی چې هزارګان په کې په نښه کېږي. په کابل کې د طالبانو د امنیه قوماندانۍ ویاند خالد ځدراڼ پر... Читать дальше...

د ملګرو ملتونو د ماشومانو د خوندیتوب صندوق یونېسف وایي، د هرات ۴۳ زره زلزله ځپلي بېړنیو روغتیایي خدمتونو ته اړتیا لري. د یونېسف د افغانستان څانګې پرون په خپله ایکسپاڼه یا پخواني ټویټر کې کښلي چې دې ته په پام چې زلزلې د دغو خلکو روغتیایي تاسیسات ویجاړ کړي، دې صندوق د ډنمارک د بهرنیو چارو وزارت په ګډون د خپلو مرستندویه شریکانو د بسپنې پر مټ سیمې ته په بېړني ډول د اتیا ټنه طبي وسایلو لېږدول تنظیم کړي دي. یونېسف ویلي، وروستۍ زلزلې په ټول هرات ولایت کې د اوبو سیستم زیانمن کړی، خو د اروپایي ټولنې د... Читать дальше...

د پاکستان په کراچۍ ښار کې د افغان کډوالو یوه مدافع وکیله منیزه کاکړ وايي، افغانستان ته د بې کورنیو ستنو کړل شویو افغان ماشومانو شمېر تر هغې ډېر دی چې د پاکستان د بشر د حقونو کمېسیون یې په اړه ویلي دي. د پاکستان د بشر د حقونو کمېسیون له دې بیان وروسته، چې د پاکستاني چارواکو د ناوړه چلند په نتیجه کې اووه ماشومان له خپلو کورنیو جلا شوي او افغانستان ته استول شوي دي، اوس په کراچۍ ښار کې د افغان کډوالو یوه مدافع وکیله وايي، د دې ماشومانو شمېر له اوو کسانو زیات دی. منیزې کاکړ د چهارشنبې په ورځ ازادي راډیو ته وویل... Читать дальше...

د کرکټ ۵۰ اوورنو نړیوال جام په سياليو کې د انګلستان (انګلینډ) لوبډلې نېدرلینډز (هالینډ) ته د ۳۴۰ منډو هدف ورکړی دی.  د پونا په لوبغالي کې د نومبر اتمې سیالي د پېښور پر وخت د ماسپښين پر يوه نيمه او د کابل پر وخت د ماسپښین یوه بجه پیل شوه چې پکې پچه انګلستان وګټله او لومړی یې د بیټېنګ پرېکړه وکړه. د انګلینډ لوبډلې په ټاکلیو ۵۰ اوورونو کې د نهو لوبغاړو په سوځېدو ۳۳۹ منډې وکړې. د انګلینډ بېن سټوکس ۱۰۸، ډېوېډ ملان ۸۷ او کرېس ووکس ۵۱ منډې وکړې.  د نېدرلینډز بس ډې لېډې درې، او آرین دت او لوګان فن بېک دوه، دوه لوبغاړي وسوځول. Читать дальше...

د قرغیزستان په کدمجي ښار کې د شاوخوا ۲۰ ښځو یوه ډله ځوان کهول ته د دوديزو قالینو جوړول ورزده کوي. دا ډله ځان ته د خوشاله اناګانو (نياګانو) ډله وايي. هغه ښځې وايي چې دوی د شېردک په نامه د دودیزو قالینو ختمېدو اندېښمنې کړې دي. د اې اېف پي اژانس له ويډيو جوړ رپورټ.

د اوکراین ولسمشر وايي هېواد یې د هغو اقداماتو لپاره د پلان پر جوړولو کار پیل کړی چې په اروپايي ټولنه کې د اوکراین د غړیتوب د بهیر د پرمختګ په اړه د اروپايي کمېسیون د راپور تر خپرېدو وروسته یې عملي کوي. ولودیمیر زیلینسکي بېګا په خپل ویډیويي پیغام کې نننۍ ورځ مهمه وبلله او ویې ویل چې اوکراین له اروپايي کمیسیون څخه د دې تاریخي پرېکړې تمه لري. زیلینسکي زیاته کړه چې اوکراین له اروپايي ټولنې سره ښه اړیکي جوړ کړي او پوهېږي چې په دې ټولنه کې غړیتوب یوه سیاسي پرېکړه ده، خو په عین حال کې دا په کاندید... Читать дальше...

متحدوایالتونو پر روسیې تور لګولی چې د لاتینې امریکا په کچه یې د ناسمو معلوماتو د خپرولو کمپاین پیل کړی چې د اوکراین لپاره د ملاتړ د کمولو او د امریکا او ناټو پر ضد د احساساتو د پارولو لپاره رسنیو ته تبلیغاتي مواد او جعلي خبرونه برابروي. د امریکا د بهرنیو چارو وزارت په یوه بیان کې چې بېګا خپور شو ویلي چې د کریملین وروستی هدف دا دی چې په لاتینه امریکا کې د خبرونو اورېدونکو او لیدونکو ته د سیمه ییزو رسنیو له لارې تبلیغاتي مواد او ناسم معلومات په داسې طریقه ورسوي چې د سیمې اوسېدونکو ته حقیقي ښکاري. Читать дальше...