ټروټ: افغانستان تراوسه د کرکټ نړیوال جام نیمه پایلوبې ته د تللو چانس لري
د افغانستان د کرکټ ملي لوبډلې مشر روزونکی جاناتان ټروټ وایي، لوبډله یې تراوسه د دې چانس لري چې د کړکټ نړیوال جام نیمه پایلوبې ته لار پیدا کړي.
ټروټ پرون له اسټرالیا څخه د افغانستان له ماتې وروسته خبریالانو ته وویل، تمه کوي چې له جنوبي افریقا سره به راتلونکې لوبه کې افغان کرکټران نیمه پایلوبې ته برخلیک مشخص کړي.
ټاکل شوې چې افغانستان بل سبا د جمعي په ورځ له جنوبي افریقا سره د سیالۍ ډګر ته ووځي.
افغانستان تراوسه په دې جام کې اته لوبې کړي، څلوریې ګټلي او څلوریې بایللي دي.
تراوسه د دې لوبه کوربه هېواد هند، جنوبي افریقا او اسټرالیا نیمه پایلوبې ته وتلي او د څلورمې لپاره یې د افغانستان، نیوزیلنډ او پاکستان ټیمونه د وتلو چانس لري.
درې واړه تراوسه اته، اته امتیازونه لري.
نن د انګلنډ او هالنډ ترمنځ لوبه روانه ده.
انګلنډ توپوهنه کوي اود یوه لوبغاړي په سوځېدو په ۱۲ اور کې ۷۶ لوبې کړې دي.