کرکټ نړیوال جام؛ اسټرالیا پر جنوبي افریقا بریالی او پایلوبې ته لاره ومونده
د کرکټ نړیوال جام سیالیو په دویمه نیمه پایلوبه کې اسټرالیا د ۳ وېکټو په توپیر جنوبي افریقا ته ماتې ورکړه او پایلوبې ته یې لار پیدا کړه.
سویلي افریقا د ۲۱۳ منډو هدف ټاکلی و چې اسټرالیا د ۷ وېکټو په سوځېدو سره په ۴۸م اور کې پوره کړ.
د دې لوبې د غوره او اغېزناک لوبغاړي جایزې ټروېس هېډ وګټلې، هغه نن د اسټرالیا لپاره چټکه نیمه سلیزه ووهله.
اسټرالیا به راروانه یکشنبه یا د نومبر میاشتې پر ۱۹مه نېټه له هندوستان سره پایلوبه وکړي.