متحدو ایالتونو له اوکراین سره د وسلو او تجهیزاتو نوې مرسته اعلان کړه
د امریکا د بهرنیوچارو وزیر انتوني بلینکین پرون- د نوامبر ۲۰مه په یوه بیان کې وویل چې په نوې مرسته کې به داسې وسلې او پوځي تجهیزات شامل وي چې بیه به یې تر سل میلیون ډالرو پورې رسېږي.
په بیان کې راغلي دي چې په دې وسلو کې د HIMARSپه نوم د چټک انتقال وړ توغندیو سیسټم او د هغو مهمات هم شامل دي.
ښاغلی بلینکین وایي، داسې مهال چې اوکراین د خپلو ازادو سیمو د بېرته نیولو لپاره هڅه کوي، دا کڅوړه به مرسته ورسره وکړي چې د جګړې په ډګر کې خپلې بېړنۍ اړتیاوې پوره کړي.
بلینکین پر کانګرس څخه هم غږ کړی چې له اوکراین سره د نورو مرستو لپاره د ولسمشر جوبایډن غوښتنه تایید کړي.