د یخو یو لوی نړیوال غر د اقیانوس له ژورو جلا شو
د کنګلونو دغه غر که څه هم په ۱۹۸۶م کال کې له جنوبي قطب جلا شوی و، خو د سمندر په ژورو کې نښتی و.
د برېتانیا د جنوبي قطب د سروې ادارې پرون شنبه وویل چې د کنګلونو دغه غر ۴۰۰۰ کیلومترمربع مساحت لري چې د نیویارک ښار درې برابره لوی دی.
اسوشېټېډ پریس اژانس، د بریتانیا د جنوبي قطب د ادارې د کارکوونکي انډرو فلمینګ په وینا راپور ورکړی چې ویلي یې دي، د کنګلونو دغه غر په تېرو کلونو کې ورو د حرکت په حال کې و.
د ده په وینا اوس داسې ښکاري چې د بادونو او سمندري جریانونو له کبله یې سرعت زیات شوی دی.