ایران: اسراییلو سوریه کې د سپاه پاسداران دوه پوځي سلاکاران وژلي
د ایران دولتي اژانس نن خبر ورکړ چې د سپاه پاسداران انقلاب دوه پوځي سلاکاران په سوریه کې د اسراییلي ځواکونو د برید پر مهال وژل شوې دي.
دا په غزه کې د روانې جګړې په ترڅ کې لومړی ځل دی چې د ایرانیانو د وژلو راپور خپریږي.
د ایران د سپاه پاسداران انقلاب په بیان کې د ترسره شوي برید په اړه جزییات نه دې خپاره شوي.
سوریې د ایران د دولتي اژانس د خبر تر خپریدو مخکې وویل چې نن سهار وختي یې دمشق ته څیرمه د اسراییلي ځواکونو د توغندیو برید شنډ کړ.