اسیاجام؛ افغانستان سبا له هند سره سیالي کوي
د افغانستان تر نولسو کلنو د کم عمره ځوانانو ملي لوبډله به د اسیا جام سیالیو په ترڅ کې خپله لومړۍ لوبه سبا له هندوستان سره ترسره کړي.
یاده سیالي به د کابل پر وخت سهار ۱۰:۰۰ بجې د دوبۍ په اوول لوبغالي کې پیل شي.
افغان کرکټ بورډ ویلي چې لوبډله یې د یادو سیالیو لپاره د ډسمبر میاشتې په ۶مه نېټه اماراتو ته رسېدلې او نن یې خپل تمرینات هم ترسره کړي دي.
د اسیا جام سیالیو په ترڅ کې افغانستان په الف ګروپ کې خپله دوه نورې سیالۍ د ډسمبر په ۱۰مه نېټه له نیپال او د ډسمبر په ۱۲مه نېټه له پاکستان سره ترسره کوي.