د خوست ترېزیو کې جرګې د ولور کمولو اعلان کړی دی
د خوست په ترېزیو کې د مشرانو او ځوانانو جرګې د ولور کمولو پرېکړه کړې ده. په هغه ولایت کې تر دې مخکې هم جرګو دا ډول پرېکړې کړې دي خو په ترېزیو کې له اعلان سره سم عملي شوې هم ده. د ډېسېمبر ۲۶مې جرګې ویلي دي چې په هغه سیمه کې به هېڅوک تر ۲۵۰،۰۰۰ افغانیو زیات ولور نه اخلي. تر دې مخکې هلته د ولور اندازه له شپږو څخه تر ۱۰ لکه افغانیو پورې وه چې ډېریو خلکو نه شو ورکولای. جرګې ویلي دي چې که څوک د پرېکړې سرغړونه وکړي نو ټول ولس به ورسره تعلقات ختموي. ویډیويي رپورټ.