Новости за 10.03.2023

د اسلامي دولت ډلې یا داعش د خراسان څانګې د بلخ لپاره د طالبانو د والي مولوي محمد داوود مزمل د وژلو مسوولیت په غاړه واخیست. داعش په خپلې ویبپاڼې اعماق کې په یوه بیان کې ویلي، یو ځان وژونکی یې چې د والي د دفتر مخکې منتظر و، هغې ته ځان ورنږدې او خپل چاودېدونکی کمربند یې پرې وچاوه. تر دې مخکې د افغانستان ازادي، ملي او اسلامي تحریک په نوم د طالبانو یوې مخالفې وسله والې ډلې پرون ادعا کړې وه چې دغه برید دې ډلې ترسره کړی دی. د اسلامي دولت ډله یا داعش د بلخ لپاره د طالبانو د والي د وژلو مسوولیت په داسې... Читать дальше...

د افغانستان د کرکټ تر ۱۹ کلونو کم عمره لوبډله له سریلانکا او بنګله دېش سره د سیالیو لپاره پرون د متحده عربي اماراتو دوبۍ ته روانه شوه. د افغانستان کرکټ بورډ په یوه خبرپاڼه کې ویلي چې افغان لوبډله به د راتلونکې یکشبې په ورځ له بنګله دېش سره څلور ورځنۍ سیالۍ پیلوي او بیا به د همدې میاشتې له اتلسمې تر ۳۰مې پورې د بنګله دېش او سریلانکا له لوبډلو سره درې اړخیزې سیالۍ وکړي. دغه راز کرکټ بورډ وايي چې د راتلونکې اپرېل میاشتې په لومړۍ او درېیمه نېټه یې له سریلانکا سره دوه یو ورځنۍ لوبې هم پلان کړي دي.

د افغانستان بانک غواړي چې سبا شنبې د داوطلبۍ له لارې تر ۱۵ میلیونه امریکايي ډالرو پورې د لیلام په ډول وپلوري. دې بانک په خپله ټویټرپاڼه کې ویلي چې د سوداګریزو بانکونو په ګډون ټول اشخاص او بنسټونه چې مالي او پولي چارې سرته رسوي او په شرایطو برابر دي، کولای شي په دې داوطلبۍ کې ګډون وکړي. د طالبانو تر کنټرول لاندې د افغانستان بانک چې اکثراً په اونۍ یا څو اونیو کې میلیونونه ډالرد لیلام له لارې بازار ته وړاندې کړي، دا ځل دغه ډالر داسې مهال د داوطلبۍ له لارې لیلاموي چې د افغانستان لپاره د ملګرو ملتونو... Читать дальше...

د ایټالیا صدراعظمې جیورجیا میلوني ژمنه وکړه چې د انساني قاچاقبرانو پر وړاندې به اقدام وکړي. هغې دغه څرګندونې وروسته له هغې وکړې چې د کابینې په ملتیا یې د هغې ډوبې شوې کښتۍ له نږدې له ځایه کتنه وکړه چې د فرانسپرس اژانس په وینا لږترلږه ۷۲ تنه په کې مړه شوي دي. مېرمن میلوني وویل، وزیرانو یې له دې حکم سره چې د قاچاقبرانو لپاره چې د پناه غوښتونکو د مړینې یا د هغوی د سخت ټپي کېدو سبب کېږي، د بند سزا تر دېرشو کلونو پورې لوړه کړي. د ایټالیا د کالبریا جنوبې سیمې سواحلو ته نږدې د فبرورۍ په ۲۶ په توپاني... Читать дальше...

د جرمني په شمالي ښار هامبورګ کې د ډزو له کبله لږ تر لږه ۷ تنه وژل شوي او ۸ نور ټپیان دي. د جرمني ډي پي اې اژانس د ځایي رسنیو په حواله د مرګ ژوبلې دغه شمېرې ورکړي، خو تراوسه پولیسو په رسمي ډول د مرګ ژوبلې شمېر نه دی کره کړی. برید تېره شپه په ځایي وخت ماخوستن نهه بجې د مسیحیانو د مذهبي مراسمو په جریان کې شوی دی. پولیسو د شپې له خوا د برید سیمه کلا بنده کړې او له خلکو یې غوښتي چې له کورونو دې نه راوځي. په ځینو راپورونو کې ویل شوي، پولیسو د ودانۍ دننه د وژل شویو کسانو ترڅنګ داسې یو جسد هم موندلی چې د بریدګر ګومان پرې کېږي. Читать дальше...

د افغانستان لپاره د ملګرو ملتونو د سرمنشي د ځانګړې استازې مرستیال او د بشري مرستو همغږي کوونکي رامز الاکبروف پر نړیوالو غږ وکړ چې له افغانانو سره له بشري مرستو لاس وانخلي. رامز الاکبروف وویل: "نړۍ باید د افغانستان د خلکو پر مخ ور ونه تړي. بسپنه ورکوونکي له موږ سره مرسته کوي چې په دې هېواد کې لوږه، ناروغي، خوارځواکي او کړاوونه کم کړو." الاکبروف دغه څرګندونې پرون په یوه ټویټ کې داسې مهال کړي چې د افغانستان لپاره د ملګرو ملتونو د بشري مرستو د همغږۍ ادارې یا اوچا او شریکانو یې د روان ۲۰۲۳ کال د افغانستان د بشردوستانه غبرګون پلان خپور کړ. Читать дальше...

د افغانستان په شمال کې د طالبانو د یوه تر ټولو جګپوړي چارواکي وژل کېدو د ګڼو لوېدیځو مطبوعاتو پام ور اړولی دی. د پنجشنبې په ورځ په بلخ کې د طالبانو والي محمد داوود مزمل په یوه چاودنه کې ووژل شول. واشنګټن پوسټ: واشنګټن پوسټ لیکلي دا له کله چې طالبانو په ۲۰۲۱ کال کې واک ترلاسه کړه تر ټولو جګپوړی طالب چارواکی دی چې وژل کېږي. محمد داوود مزمل د هلمند و او د طالبانو د مشر ملا هبت الله له خوا د بلخ د والي په توګه ټاکل شوی و. مېل انلاین: مېل انلاین ورځپاڼې لیکلي یوه ځانمرګي بریدګر په شمال کې د طالبانو جګپوړی مشر له منځه یووړ. Читать дальше...

د افغانستان د معترضو ښځو د بنسټونو ایتلاف په یوه لیک کې له نړیوالې ټولنې غوښتي چې د طالبانو حکومت په رسمیت ونه پېژني او په دې هېواد کې د معترضو ښځو ملاتړ ته دوام ورکړي. د افغانستان د معترضو ښځو د حرکتونو ایتلاف نړیوالې ټولنې ته په دغه لیک کې اته غوښتنې مطرح کړي دي. د طالبانو حکومت په رسمیت مه پیژنئ او په افغانستان کې د ښځو او نجونو ملاتړ ته دوام ورکړئ، د دغو معترضو ښځو د غوښتنو یوه برخه ده. د افغانستان د معترضو ښځو د غورځنګ د رهبرۍ غړې ژولیا پارسي تېر ماښام ازادي راډیوته وویل: "لومړۍ غوښتنه... Читать дальше...