Новости за 24.03.2023

په هلمند کې د PTM یا پښتون ژغورنې غورځنګ یو غړی نورایل کلیوال د تېرو څلورو ورځو راهیسې د طالبانو د استخباراتو په بند کې دی او لا هم نه‌دی خوشې شوی. د نورایل کلیوال د کورنۍ غړو او ملګرو ازادي رادیو ته ویلي چې، هغه د تېرې دوشنبې په ورځ په سنګین ولسوالۍ کې له خپل کوره طالبانو ایستلی او له ځان سره یې بېولی دی. طالبانو تر اوسه د نورایل کلیوال د نیول کېدو اړه څه نه‌دي ویلي. نورایل کلیوال د تېر جمهوریت پر مهال په کندهار او هلمند کې د PTM یا پښتون ژغورنې غورځنګ په ملاتړ غونډې کولې او د ځوان کهول په نوم د مدني ټولنې مشر و. Читать дальше...

ټاکل شوې چې د افغانستان او پاکستان کرکټ ملي لوبډلې نن خپله لومړۍ شل اوریزه سيالي وکړي.  دغه سیالي به د مارچ پر ۲۴مه، د پېښور پر وخت ماښام ناوخته نهه بجې د عربي متحده اماراتو په شارجه کرېکټ لوبغالي کې پیل شي. دا لومړی ځل دی چې دواړه ملکونه د درو شل اوریزو سیالیو لوبلړۍ لوبوي. د دې سیالیو دوه نورې لوبې به د مارچ په ۲۶مه او ۲۸مه نېټه ترسره شي. د پاکستان کپتان شاداب خان ویلي، د هغوی تل هڅه وي چې جارحانه لوبه وکړي. هغه ویلي: "لکه څنګه چې د هغوی (افغانستان) لوبډله ده او څنګه چې د هغوی لوبغاړي دي چې... Читать дальше...

طالب چارواکي وايي، ۳۰۰ بېلابېل پوځي وسايط يې بېرته رغولي دي. د افغانستان په جنوب کې د طالبانو د ۲۰۵ البدر قول اردو مطبوعاتي دفتر په یوه خپاره کړي بیان کې ویلي چې، په دغه پوځي وسایطو کې ۱۵۰ انټنیشنل کاماز موټرونه، ۱۲۵ هاموي ټانګونه، ۲ ضربتي ټانګونه، ۱۰ اکملاتي ټېلرونه، ۱۰ کوچني پور کلیف موټرونه او ۱۵ هاموي امبولانسونه شامل دي. دیادولو وړ ده چې، دغه پوځي وسایط د تېر جمهوریت پر مهال د افغان ځواکونو او طالبانو ترمنځ په جګړه کې تخریب شوي وه.

د زابل - کندهار لویه لاره چې تېره شپه ناوخته د ورښتونو له امله د ترافیکو پر مخ تړل شوې وه، نن سهار پرانیستل شوه. په جنوب کې د طالبانو د ۲۰۵ البدر قول اردو قومندانۍ مطبوعاتي دفتر په یوه بیان کې لیکلي چې، پر دغه لویه لار د ورښتونو له امله یو باروړونکی موټر چپه شوي و چې د انجینرۍ ټیم په مرسته موټر راپورته او لاره بېرته د ترافیکو پر مخ پرانیستل شوه. د ورښتونو له امله د افغانستان ډېری لويې لارې کله نا کله تړل کېږي. د هوا پېژندنې ادارې تېره شپه د افغانستان په ۲۰ ولايتونو کې د سختو ورښتونو وړاندوينه کړې وه.

د ځايي اوسېدونکو په خبره، یاده سیمه کې د وروستۍ زلزلې له امله پنځوس کورونه په مکمله توګه ويجاړ شوي دي او لسګونه نورو دَرز شوي دي. د سیمې خلک وايي، دغلته زلزلې ځاني زيان نه دی اړولی، خو خلکو ته مالي زیان رسېدلی دی. نور په دې ويډیو کې:

د نړۍ په زياتره هېوادونو کې د مارچ پر ۲۳مه روژه پيل شوه. پر دې مهال په يو شمېر هېوادونو کې ځانګړي ترتيبات نيول شوي دي. په پاکستان ،فلسطين، عراق ، متحده عرب اماراتو او انډونشیا کې د روژې د ځانګړو مراسمو په اړه د اې ایف پي خبري اژانس له خپرو شويو ويډيوګانو څخه راپور وګورئ

رینا امیري پرون له یوې ویډیو سره چې له تعلیم د یوې بې‌برخې شوې نجلۍ څرګندونې په‌کې دي، لیکلي: "د طالبانو له ګڼو ژمنو سربېره، د دغو ښوونځيو دروازې لا هم تړلې دي." نوی تعلیمي کال یو وار بیا په داسې حال کې پیل شو، چې نجونو ته تر شپږم ټولګي پورته د نور تعلیم اجازه نه‌ده ورکړل شوې او په تېره ډسمبر میاشت کې یې د ښځو او نجونو پر مخ د پوهنتونو دروازې هم وتړلې. د طالبانو پر دغو محدودیتونو په نړیواله سطحه انتقادونه شوي دي.

د اوکراین ولسمشر ولودمیر زلنسکي له اروپايي رهبرانو غوښتنه وکړه، چې اوکراین ته د اوږد واټنه میزایلو او جټ الوتکو په ګډون د وسلو اکمالات زیات کړي. هغه پرون د خرسون ښار جنوبي برخې ته چې د اوکراین ځواکونو په کې تېر کال د جګړې پر ډګر بریاوې خپلې کړې وې، تر سفر وروسته دا خبرې وکړې. زلنسکي پرون په یوه ویډیويي پیغام کې وویل، د اوږد واټنه میزاییلو او جنګي جټ الوتکو په لېږدولو کې ځنډ به د جګړې د پراخېدو سبب شي. د اوکراین ولسمشر ویلي، دا د میاشتو او اوونیو نه، بلکې د ورځو خبره ده چې موږ په ګډه اقدام وکړو او د نورو کسانو ژوند وژغورو. Читать дальше...

د افغانستان تر ۱۹ کلونو د کم‌عمره ځوانانو لوبډله به نن خپله درېيمه سیالي له بنګله‌دېش سره ترسره کړي. د افغان کرېکټ ادارې په کوربه‌توب په دې درې اړخیزو سیالیو کې له یادې لوبډلې سره دا د افغانستان دویمه سیالي ده. بنګالۍ لوبډلې خپلې لومړنۍ دواړه لوبې افغانستان او سریلانکا ته بایللي دي، خو افغان لوبډلې بیا په لومړنیو دواړو سیالیو کې بریاوې ګټلې دي. دغه سيالي به د کابل پر وخت تر غرمې وروسته ۳:۳۰ بجې د عربي متحده اماراتو په ابوظبۍ لوبغالي کې ترسره شي. باید وویل شي، دغه سیالۍ چې د مارچ په ۱۸مه نېټه... Читать дальше...

ټاکل شوې چې، د افغانستان او پاکستان کرېکټ ملي لوبډلې نن خپله لومړۍ شل اوریزه سيالي ولوبوي. دغه سیالي به د کابل پر وخت تر ماښام وروسته ۸:۳۰ بجې د عربي متحده اماراتو په شارجه کرېکټ لوبغالي کې پیل شي. دا لومړی ځل دی چې دواړه ملکونه د درې شل اوریزو سیالیو لوبلړۍ لوبوي. د دې سیالیو دوه نورې لوبې به د مارچ په ۲۶مه او ۲۸مه نېټه ترسره شي. تېره ورځ د اماراتو په شارجه لوبغالي کې د دواړو ملکونو لوبډلمشرانو رسنیز کنفرانس هم ترسره کړ او ترڅنګ یې د دې لوبلړۍ لپاره جوړ شوی جام چې د افغانستان د مشهور صنعت غالیو په بڼه جوړ شوی هم رسنیو ته وښودل شو. Читать дальше...

نړیوال بانک د اوکراین له حکومت، اروپايي کمېسیون او ملګروملتو سره په یوه ګډه سروې کې د اوکراین د بیارغونې لګښت ۴۱۱ میلیارد ډالره اټکل کړ. د هغه راپور له‌مخې، چې پرون (پنجشنبې) د نړیوال بانک په وېبپاڼه کې خپور شو، دا اټکل د سږ کال د فبرورۍ تر ۲۴ پورې پر اوکراین د روسیې د یرغل په یوه کال کې د اوښتي تاوان پر اساس شوی دی. په دې راپور کې دا هم ویل شوي چې د اوکراین بیارغونه ممکن لس کاله دوام وکړي.

دې ادارې پرون (پنجشنبې) وویل، په شلو ولایتونو کې به له ۲۰ تر ۶۰ میلي مترو پورې باران و اوري. په دغو ولایتونو کې په ځانګړي ډول هغه سیمې شاملې دي چې وروستۍ زلزلې ځپلي دي. د طالبانو د حکومت له پېښو سره د مبارزې وزارت پرون وویل چې د حمل د لومړۍ نېټې په زلزله کې ۱۰ تنه وژل شوي، تر ۶۰ ډیر نور ټپیان شوي او تر ۸۰۰ ډیر کورونه نړېدلي دي. د دغه وزارت ویاند شفیع‌الله رحیمي وايي، له زلزلې وروسته د ورښتونو له کبله هم تر سلو ډېر کورونه ویجاړ شوي یا سخت زیانمن شوي دي.

د طالبانو حکومت وايي، ازبکستان د قوش تېپې کانال په جوړولو کې مرستې ته چمتووالی ښودلی دی. د طالبانو د حکومت له خبرپاڼې سره سم، د ازبکستان د ولسمشر ځانګړي استازي عبدالعزیز کاملوف پرون (پنجشنبې) د طالبانو د رئیس الوزرا له اقتصادي مرستیال ملاعبدالغني برادر سره په کتنه کې د دوو هېوادونو ترمنځ پر اقتصادي، تجارتي او ترانزیتي اړیکو خبرې وکړې. د خبرپاڼې د مالوماتو پر اساس کاملوف وویل، ازبکستان د نړیوالو مقرراتو د رعایت کېدو په صورت کې چمتو دی چې، له پرمختللې ټکنالوژۍ څخه په کار اخیستو د قوش تېپې کانال په جوړولو کې همکاري وکړي. Читать дальше...

د بلغاریا د دیمیتروفاګراد (Dimitrovgrad) سیمې پولیس وايي، د چهارشنبې په شپه یې ۲۵ افغان غیرقانوني کډوال نیولي دي. د پولیسو په وینا، دا ۲۵ افغان پناه غوښتونکي له ترکیې څخه په یوه واګون موټر کې راغلي وو او غالباً یې غوښتل چې د بلغاریا له لارې سربیا ته واوړي. پولیس وايي چې، د موټر چلوونکی یې هم نیولی او د غیرقانوني کډوالو د لېږدولو په تور یې دوسیه ورته جوړه کړې ده. دوی د افغان پناه غوښتونکو په اړه ویلي چې له هیڅ یوه سره هیڅ راز اسناد نه‌شته.

د فنلنډ د مهاجرت اداره وايي، په خپلو مقرراتو کې د بدلون په راوستلو ټولو هغو افغان ښځو او نجونو ته پناه ورکوي چې دغه هېواد ته یې مهاجرت کړی دی. دې ادارې پرون (پنجشنبه) وویل، د هغو افغان ښځو او نجونو په اړه، چې د پناه غوښتنلیکونه یې رد شوي وو، خپله پرېکړه بېرته اخلي ځکه چې د افغانستان امنیتي وضعیت د ښځو لپاره ثبات نه‌لري. د فنلنډ د مهاجرت ادارې له خبرپاڼې سره سم، دا نوي اعلان شوي مقررات موقتي دي، خو د دې لپاره چې په افغانستان کې حالات خراب دي، چارواکو پرېکړه کړې چې ټولو افغان نجونو او ښځو ته، چې مخکې یې غوښتنلیکونه رد شوي دي، مثبت ځواب ورکړي.

د طالبانو د حکومت د بهرنیو چارو سرپرست وزیر وايي، دوی له نړیوالې ټولنې سره د اختلافاتو د حل کولو لپاره خبرو ته تیار دي. مولوي امیرخان متقي دا خبره په هغه لیکنه کې کړې چې پرون الجزیرې ټلوېزیون پر خپله وېبپاڼه خپره کړې. د چارو کتونکي وايي، طالبان باید لومړی د افغانانو او نړیوالو له غوښتنې سره سم د نجونو پر زده‌کړو بندیز پای ته ورسوي. د طالبانو د حکومت د بهرنیو چارو سرپرست وزیر وايي، د افغانستان نوي مشران پر خبرو اترو باور لري خو د ده په وینا دا اقدام باید دوه اړخیز وي. مولوي امیرخان متقي، په... Читать дальше...

د بشري مرستو د همغږۍ اداره اوچا وايي چې، په افغانستان کې د کرونا وبا د خپرېدو له پیله د سږ کال د فبرورۍ تر پایه پورې ۷ زره ۸۸۶ تنه افغانان په دې ساري ناروغۍ مړه شوي دي. اوچا په یوه راپور کې، چې پرون (جمعه) یې پر خپله وېبپاڼه خپور کړ همداراز ویلي، د سږ کال د فبرورۍ تر ۲۸ پورې په افغانستان کې ۲ لکه ۹ زره تنه په کوویډ۱۹ اخته شوي، چې د هغو په منځ کې ۹۱ اعشاریه ۳ یې رغېدلي او ۳ اعشاریه ۸ نور مړه شوي دي. د اوچا د راپور پر اساس، شدید تنفسي عفونت او شدید اسهال په افغانستان کې د کرونا د ناروغانو د مړینو عمده عوامل بلل شوي دي. Читать дальше...