د ایران ولسمشر ابراهیم رییسي افریقا ته په سفر وتلی. دا سفر داسې مهال کېږي چې ایران د لوېدیځ تر بندیزونو لاندې دی او دا هېواد غواړي د نړۍ په نورو برخو کې د ځان لپاره متحدان ومومي. رییسي نن کینیا او یوګندا ته خپل سفر پیل کړ. دا په تېرو څه باندې لسو کلونو کې لومړی ځل دی چې د ایران یو ولسمشر افریقا ته چې د فرصتونو وچه او د ایران د تولیداتو لپاره یو ښه بازار بلل کېږي سفر کوي. رییسي به زیمبابوې ته هم ولاړ شي.
د ملګرو ملتونو د بشري حقونو شورا نن د مذهبي کرکې اړوند هغه لانجمن پرېکړه لیک تصویب کړ، چې له دولتونو غواړي پر خپلو قوانینو غور وکړي او هغه تشې ډکې کړي چې دیني مقدساتو ته د سپکاوي عاملان او د مذهبي کرکې خپروونکي له قانوني تعقیب او مجازاتو خوندي کوي. دا پرېکړه لیک وروسته له هغه تصویبېږي چې په سویډن کې یوه عراقي وګړي قرانکریم ته سپکاوی وکړ او څو پاڼې یې وسوځولې چې دې کار ټوله نړۍ کې سخت غبرګونونه وپارول. نننۍ پرېکړه لیک په عین حال کې د یو شمېر لوېدیځو هېوادونو اندېښنې هم راپارولې دي. دوی ویلي... Читать дальше...
د پاکستان پوځ او امنیتي چارواکي وايي، د پوځ لږترلږه څلور سرتېري نن په بلوچستان ایالت کې د وسله والو په برید کې ووژل شول. پوځ په یوه بیان کې ویلي دي چې ګڼ شمېر وسله والو په ژوب سیمه کې د پوځ پر یو مرکز وسله وال برید وکړ چې په ترڅ کې یې لږترلږه پنځه نور سرتېري هم سخت ټپيان شول. د بیان له مخې، درې وسله وال د پوځ په ځوابي ډزو کې وژل شوي دي. بیان زیاتوي چې د برید کوونکو د موندلو لپاره پوځي عملیات پیل شوي دي.
د نجونو د تعلیم فعالې او د نوبل د سولې جایزې ګټونکې ملالې یوسفزۍ د نړۍ له مشرانو وغوښتل چې زده کړو ته لومړیتوب ورکړي او پر همدې برخه پانګونه ډېره کړي. ملالې چې پرون یې د خپلې کلیزې په مناسبت په نیویارک کې د ملګرو ملتونو یوې غونډې ته خبرې کولې وویل، افغانستان اوسمهال د نړۍ یوازېنی هېواد دی چې نجونې او ښځې یې له زده کړو بې برخې کړي. طالبانو د ۲۰۲۱ کال په اګست میاشت کې پر افغانستان له واکمنېدو وروسته ډېرژر د نجونو منځني ښوونځي او لېسې او ورپسې پوهنتونونه بند کړل. د ملالې د کلیزې په غونډه کې د... Читать дальше...
په کابل کې د ښځو یوې ډلې نن د طالبانو له خوا د سینګارتونونو د تړلو د امر پر ضد مظاهره وکړه.مظاهرهچیانو ویل چې دوی د خپلو کورنیو نفقه ګټونکې دي او په سینګارتونونو کې له کار پرته د ژوند کولو بله لار نه لري. طالبانو په ټول افغانستان کې سینګارتونونو ته د اسد تر درېیمې وخت ورکړی چې خپل فعالیتونه ودروي.
د ملګرو ملتونو د بشري حقونو شورا هغه لانجمن پرېکړه لیک تصویب کړ، چې له دولتونو غواړي پر خپلو قوانینو غور وکړي او هغه تشې له منځه یوسي، چې نه پرېږدي مقدساتو ته د سپکاوي عاملان او د مذهبي کرکې خپرولو پلویان له قانوني پلوه تعقیب او مجازات شي. دا لانجم پرېکړه لیک نن چهارشنبه وروسته له هغې تصویب شو، چې په سویډن کې د یوه کس له خوا قرانکریم ته د سپکاوي او د څو پاڼو د سوځیدو په وړاندې ډېرو هېوادونو سخت غبرګونونه څرګند کړل. د دې شورا له خوا تصویب شوي پرېکړه لیک هم د یو شمېر لوېدیځو هیوادونو اندېښنې راپارولې... Читать дальше...
د ښځینه سینګارتونونو لسګونو مالکانو نن په کابل کې د یوې اعتراضیه غونډې په ترڅ کې له طالبانو وغوښتل، چې د سینګارتونونو د فعالیت د بندولو پرېکړه بېرته واخلي. دغو ښځو د چارشنبې په ورځ په کابل کې د کسبګرو خونې ته څېرمه د یوې اعتراضیه غونډې پر مهال له طالبانو وغوښتل، چې د سینګارتونونو د تړلو په اړه خپله پرېکړه بدله کړي. له دغو مېرمنو څخه یوې چې د امنیتي ستونزو له امله یې نه غوښتل نوم یې په راپور کې واخیستل شي، ازادي راډيو ته وویل، د طالبانو له حکومته غواړي چې د دغه اعلان کړي بندیز له عملي کولو سره د دغو کونډو او یتیمانو د خولې مړۍ وانهخلي. Читать дальше...
په افغانستان کې د سویډن پر اړوندو فعالیتونو د طالبانو له بندیز وروسته، د سویډن کمېټې له مرستو محرومېدونکي کسان د خپل راتلونکي په اړه اندیښمن دي. د دوی له ډلې یوه هم ۲۵ کلنه شیما د لغمان ولایت د الینګار ولسوالۍ اوسېدونکې ده. هغې په خپله سیمه کې د سویډن کمیټې په مرسته شاخوا ۲۰ نورو مېرمنو ته د خیاطۍ کورس جوړ کړی و شیما له ازادي راډیو سره په خبرو کې وویل، دغې چارې نه یوازې دا چې نورو مېرمنو ته د حرفوي زده کړو زمینه برابره کړې وه؛ بلکې د نوموړې اقتصادي ستونزې یې هم تر ډېره حل کړې وې. شیما زیاتوي،... Читать дальше...
په افغانستان کې یو شمېر نابینایان له خپل ژوند شکایت کوي وايي، د طالبانو له حکومت او د نړیوالو موسسو له خوا هېڅ ډول مرسته له دوی سره کېږي. یو شمېر افغان نابینایان وایي، له ګڼو ستونزو سره لاس او ګرېوان دي. د کابل اوسېدونکی ۶۲ کلن نابینا شاه محمود چې د یوې ۱۲ کسیزۍ کورنۍ سرپرستي کوي وايي، د ژوند وضعیت یې ښه نه دی او د کومې کورنۍ یا بهرنۍ مرسته هم ورسره نه کېږي. هغه وویل: "زما ستونزه دا ده چې زه ړوند یم، زه د چهلستون په سړک له نانوایانو څخه ډودۍ ټولوم، له کراچیو ترکاري ټولوم، زه په همدې توګه ډودي لاسته راوړم. Читать дальше...
دوی د هغو زرګونو افغان کوچنیانو څخه دي چې د کورنیو د بې وزلۍ له کبله کار کولو ته اړ دي. ملګرو ملتونو په یو وروستي راپور کې ویلي، افغانستان کې له هرو پنځو ماشومانو څخه یو یې د درنو کارونو ترسره کولو ته مجبور دی.
د نجونو د تعلیم د حق یو شمېر ملاتړو د ملګرو ملتونو سازمان او د نړۍ له مشرانو غوښتي چې پر طالب چارواکو ډیپلوماتیک فشار راوړي او د نجونو لپاره د ښوونځیو او پوهنتونونو د ژر تر ژره پرانیستلو ملاتړ وکړي. په دغه لیک کې چې د سهشنبې په ورځ لیکل شوی، ویل شوي چې د یووالي، عدالت او بشري حقونو په برخه کې د نړۍ د مشرانو د ژمنتیا له مخې دوی مکلف دي چې د هغو سلګونو زرو نجونو او د دوی له کورنیو سره چې د بندو ښوونځیو او پوهنتونونو د بېرته پرانیستلو او د ټولنیز، سیاسي او کلتوري وضعیت د سمدستي رغونې غوښتنه کوي، ودرېږي. Читать дальше...
د افغانستان د سوداګرۍ او صنایع خونه وايي چې د هرات-خواف رېل پټلې له لارې له ایران سره د سوداګریزو توکو د انتقالاتو په پیلېدو سره به له اروپا او نورو هېوادونو سره د سوداګریزو راکړې ورکړې کچه لوړه شي. د دغه خونې د مدیره پلاوي غړی خان جان الکوزی وايي د هرات-خواف رېل پټلۍ د افغانستان د سوداګریزو توکو د انتقال لپاره تر ټولو اسانه او ارزانه لاره ده. نوموړی وایي: "موږ له ایران سره لویه سوداګري لرو او په سیمه کې زموږ د سوداګرۍ لوی شریک دی، دغه شان د بندر عباس له لارې له ایران سره ټرانزیټ لرو، نو موږ... Читать дальше...
دا اوونۍ مو په مشال تر رڼا لاندې کې په خيبر پښتونخوا کې د جمیعت علما اسلام (ف) او عوامي نیشنل ګوند ترمینځ پر اختلافاتو او د صوبې پر راتلونکې سياسي منظرنامې بحث کړی دی. بشپړه خپرونه وګورئ.
د خیبر پښتونخوا د سرکاري ثانوي سکولونو استادانو پرلت د جولای پر ۱۲مه پر دویمه ورځ هم روان وو. دوی د رتبو لوړېدو لپاره د خیبر پښتونخوا اسمبلۍ مخې ته ناست دي او وايي د غوښتنې تر پوره کېدو پورې کور ته نه ځي. د خیبر پښتونخوا نګران حکومت وايي، د رتبو لوړولو واک نه لري. تفصیل په ویډیويي رپورټ کې.
د لوبو له میدانه په خپرونه کې به واورئ چې افغانستان په لومړي ځل د یو ورځنیو سیالیو په لوبلړۍ کې بنګله دېش ته ماتې ورکړه. د روانې میاشتې په نیمايي کې افغانستان او بنګلهدېش دوه شل اوریزې سیالۍ کوي. دغه راز خپرونه کې دا هم اورئ چې د اسټرالیا او انګلستان ترمنځ د اېشیز لوبلړۍ بېرته ژوندۍ شوه. دغه راز د اسیا د ایمرجینګ په سیالیو کې د افغانستان الف لوبډلې کله او له چاسره دي او د بدني ښکلا او فزيکي تکړښت شپږ لوبغاړو د مالديپ هېواد په سیالیو کې د سپینو زرو او برونزو مډالونه ګټلي دي. د خپرونې په دویمه... Читать дальше...
ګارډین: برتانوۍ ګارډین ورځپاڼې په یو مطلب کې د افغانستان د بیارغونې لپاره د امریکا د حکومت د ځانګړي سرمفتش هغو انتقادونو ته کتنه کړې چې له افغانستان سره د امریکا د مرستو پر پالیسۍ یې کړي. جان سوپکو په لندن کې یوې غونډې ته وویل چې له افغانستان سره د امریکا د مرستو ناکام پروګرام چې سیاسي انګېزو ته په پام تنظیمېده، هومره ډېر فساد وزېږاوه چې د امریکا ټول ماموریت یې ګډوډ کړ او افغانستان یې له خپلو لوېدیځو متحدانو څخه لیرې کړ. ګارډین د سلطنتي متحدو خدماتو د انسټېټیوټ له خوا په جوړه شوې غونډه کې د... Читать дальше...
د بلوچستان په هرنایي کې د سکرو او نورو معدنیاتو کانونه دي. هلته وخت پر وخت د ناامنۍ پېښي کېږي چې امنیتي سرتېري او عام وګړي او کویله وړونکي ګاډي پکې په نښه کېږي چې پر ضد یې مخکې هم مظاهرې شوې دي.
د کنفرانس پرانیسته د پاکستان ولسمشر ډاکتر عارف علوي د جولای پر ۱۱مه وکړه. په غونډه کې د جنوبي کوریا، ملاېشیا (مالېزیا)، چین، تایلینډ، میانمار، وېتنام او سري لنکا په ګډون د نړۍ له بېلابېلو برخو د بودايي دین مشران او پلویان ګډون کوي.
په افغانستان کې د ناروې شارژدافېرپال کلومان بکن وايي، په کابل کې د طالبانو د حکومت د بهرنیو چارو له سرپرست وزیر امیرخان متقي سره په لیدنه کې یو ځل بیا ټینګار کړې چې د اړیکو د پرمخ وړلو لپاره مهمه ده چې کار او زده کړو ته د لاسرسي په ګډون د ښځو د حقونو درناوی وشي. هغه زياته کړه چې په دې کتنه کې یې د نشه يي توکو د توليد او د تروريستي بريدونو په شمېر کې د کمښت په برخه کې د مثبتو ګامونو يادونه هم کړې ده. د طالبانو د بهرنیو چارو وزارت په یوه بیان کې د دې کتنې په اړه ویلي چې د بهرنیو چارو سرپرست وزیر... Читать дальше...
چارواکي وایي چې تېره شپه د بلوچستان په پښتون مېشته سیمه ژوب کې پر یوې پوځي پوستې وسلهوالو برید کړی چې په نتیجه کې یې پنځه مشکوک وسلهوال وژل شوي دي. د ژوب ولسوال محمد عظیم کاکړ نن چهارشنبې مشال راډیو ته وویل چې وسلهوالو د شپې شاوخوا دوه بجې پر پوستې برید کړی چې تر هغې وروسته امنیتي سرتېرو ځوابي اقدام کړی او نښتې تر ډېره وخته روانې وې. د کاکړ په خبره، په پېښه کې پنځه مشکوک وسلهوال وژل شوي، خو په پوځي پوسته کې دننه امنیتي سرتېرو ته د اوښتې مرګژوبلې په اړه هېڅ معلومات نه لري. هغه همدارنګه ویلي... Читать дальше...
ټاکل شوې چې د اوکراین ولسمشر ولودمیر زیلینسکي نن د لېتوانیا په پلازمېنه ویلنیوس کې د ناټو د سرمشریزې په څنډه کې د امریکا له ولسمشر جوبایډن سره وګوري. زیلینسکي به چې په ناټو کې یې د اوکراین د شاملېدو په اړه د دې تړون د ژمنتیا پر نشتوالي مایوسي څرګنده کړې، نن د ناټو د سرمشریزې په دویمه او وروستۍ ورځ له بایډن او د بریتانیا د صدراعظم ریشي سوناک او د جرمني د صدراعظم اولاف شولتز په ګډون له یو شمېر نورو لوېدیځو مشرانو سره وګوري. سوناک پرون وویل چې اووه پرمختللي صنعتي هېوادونه به د یوې موافقې چوکاټ لاسلیک... Читать дальше...
د افغانستان لپاره د ناروې شارژدافېر پال کلومان بکن وايي، د طالبانو د بهرنیو چارو وزارت سرپرست سره یې کتنه کې یادونه کړې چې د ښځو حقونو ته درناوی د اړیکو د ښهوالي لپاره اړین دی. د افغانستان لپاره د ناروې شارژدافېر ټینګار کوي چې د ښځو حقونو، په ځانګړي ډول زدهکړو او کار ته یې پرېښودل د طالبانو او نړیوالې ترمنځ په اړیکو کې د پرمختګ لپاره اړینه مسئله ده. پال کلومان بکن چې پرون یې په کابل کې د طالبانو د حکومت د بهرنیو چارو وزارت سرپرست امیرخان متقي سره کتلي، په خپله ټویټرپاڼه لیکلي، دې لیدنه کې... Читать дальше...
د ژوب انتظامي مشر محمد عظیم کاکړ د جولای پر ۱۲مه مشال راډیو ته وویل چې وسلوالو د شپې شاوخوا دوه بجې پر چاوڼۍ برید کړی چې تر هغې وروسته امنیتي سرتېرو ځوابي کاروايي وکړه او تر "ډېره وخته ډزې روانې" وې.
د ملګرو ملتو د کډوالو لویې کمېشنرۍ په پاکستان کې مېشتو افغان کډوالو ته د ۱۸ میلیون ډالرو نغده مرسته کړې ده. د ملګرو ملتو د کډوالو لویې کمېشنرۍ پرون سې شنبه په اسلاماباد کې اعلان وکړ، چې دا پیسې یې د روان میلادي کال له جنورۍ څخه د جون تر پایه هغو یو میلیون راجستر شویو افغان کډوالو ته ورکړي چې د پاکستان د تېر کال سېلونو او ناوړه اقتصادي وضعیت اغېزمن کړي دي. دې کمېشنرۍ هرې افغان کورنۍ ته، چې شمېر یې دوه نیم لکو ته رسېږي، ۲۵ زره پاکستانۍ روپۍ چې شاوخوا سل ډالره کېږي، ورکړي دي.
د انرژۍ نړیواله اداره وايي، په وروستیو ۵ کلونو کې د تجدید کېدونکې انرژیو په برخه کې پانګونې دوه برابره شوي دي. د جرمني د 'ډي پي اې' خبري اژانس د راپور له مخې، دې ادارې پرون سې شنبې په خپل تازه راپور کې ویلي چې تر تېر کال پورې د تجدید کېدونکې انرژۍ د کاني موادو لکه لیتیم، کوبالټ، نیکل او مس د کشف لپاره ۲۳۰ میلیارد ډالره پانګونه شوې او ورسره پاکه انرژي ۳۰ سلنه ډېره شوې ده.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости