Новости за 25.07.2023

د هندوستان کرکټ بورډ ادارې نن په یوې رسنیزې خبرپاڼې کې د خپلو راتلونکو سیالیو مهالوېش اعلان کړی، چې په کې له افغانستان سره درې شل اوریزې سیالۍ هم شاملې دي. یاد بورډ لیکلي دي، د ۲۰۲۴ کال په جنورۍ کې به افغان لوبډله په لومړي ځل له هند سره د دوه اړخیزې لوبلړۍ د لوبولو لپاره هند ته سفر کوي او درې شل اوریزې سیالۍ به لري. په خبرپاڼه کې ویل شوي، چې لومړنۍ شل اوریزه سیالي به د جنورۍ میاشتې په ۱۱مه نېټه په موهالي لوبغالي کې وي. دغه راز دویمه سیالي د همدې میاشتې په ۱۴مه نېټه په ایندور ښار کې پلان شوې ده. Читать дальше...

د افغانستان کرکټ بورډ اداره وایي پلان لري، چې ډېر ژر د فرسټ کلاس یا څلور ورځنیو سیالیو ټورنمنټ پیل کړي. دغې ادارې ویلي، چې په دې موخه نن د غوراوي کمیټې څانګې له ګڼ شمېر هغو لوبغاړو چې فرسټ کلاس سیالیو ته په پلان کې نیول شوي، د فزيکي تکړښت یا یو یو ازموېنه واخېسته. کرکټ بورډ زیاته کړې،هغه لوبغاړي چې د فزيکي تکړښت یا فټنس په ازموینه کې بريالي شي، فرسټ کلاس سیالیو ته به غوره شي. فرسټ کلاس یا څلور ورځنۍ سیالۍ د افغانستان په کرکټ کې تر ټولو سترې سیالۍ شمېرل کیږي، چې ډېری ملي لوبغاړي هم په کې لوبيږي.

د ښځینه فوټبال نړیوال جام د نن ورځې په سیالیو کې کولمبیا او فیلیپین هېوادونو خپلې سیالۍ ګټلې دي. د ورځې لومړۍ سیالۍ د کولمبیا او جنوبي کوریا ترمنځ وه چې دوه د صفر پر وړاندې کولمبیا وګټله. دغه راز په دویمې سیالۍ کې فیلیپین یو د صفر پر وړاندې کوربه نیوزیلینډ ته ماتې ورکړه. د نن ورځې په درېیمې سیالۍ کې سویس او ناروې مخ شول، خو لوبه په برابره توګه پرته له ګول وهلو پای ته ورسیده. ټاکل شوې، چې د ښځینه فوټبال نړیوال جام په سبانیو سیالیو کې جاپان د کاستاریکا، هسپانیا د زیمبیا او کاناډا د ایرلینډ پر وړاندې سیالۍ وکړي.

ټاکل شوې چې تر دوو پرله پسې بریاوو وروسته، د افغانستان د فوټسال ملي لوبډله سبا د ایران پر وړاندې خپله درېیمه سیالي وکړي. افغان لوبډلې د مرکزي اسیا د روانو سیالیو په ترڅ کې خپلې لومړنۍ دواړه سیالۍ له قرغزستان او ازبکستان هېوادونو وګټلې. د ایران پر وړاندې سیالي به هم د کابل پر وخت ماسپښین ۴:۳۰ بجې د تاجکستان په پلازمېنه دوشنبې کې پیل شي. د ویلو ده، چې په دې سیالیو کې تر لومړنیو دوو بریاوو وروسته د اسیا او نړۍ د فوټسال د لوبډلو په درجه بندۍ کې افغان لوبډلې مخکې تګ کړی دی. افغانستان په اسیايي... Читать дальше...

د افغانستان په څه باندې ۱۰ ولایتونو کې سېلابونو لسګونه تنه مړه او سلګونه کورونه ویجاړ کړي دي. د هوا پېژندنې ادارې د نورو ورښتونو وړاندوېنه هم کړې ده. سېلاب ځپلي، دوی سره د مرستو غوښتنه لري.

طالبانو نن د ورکړي مهلت په وروستۍ ورځ، یو شمېر پاتې ښځینه سینګارځایونه هم وتړل. یوې آراېشګرې ازادي راډیو ته وویل، چې په " لاس تړلې بڼه" له کار ځایونو وېستل شوې دي. طالبانو د سینګارځایونو کار" غیر شرعي" بللی، خو مالکانې یې وایي، په دې کار زرګونه ښځې وزګارې شوې.

د افغانستان مشهور ویاند، ژباړن او دیکلماتور عبدالحی عابر، د خپلې مړینې خبر رد کړ. هغه نن سې شنبه( د زمري درېیمه) ازادي راډیو ته وویل، چې ژوندی او روغ رمټ دی. د ښاغلي عابر د مړینې خبر، د دوشنبې په ورځ( د زمري دویمه) په ټولنیزو او نورو رسنیو کې خپور شوی و.

د وزیراعظم شهباز شریف لخوا اعلان شوی په ځوانانو کې د نویو صلاحتیونو معلومولو یا د یوت ټیلنټ هنټ پروژې له مخه په خیبرپښتونخوا کې د لوبو سیالۍ روانې دي. د جولای ۲۳مې څخه په روانو سیالیو کې د صوبې له بېلا بیلو برخو څخه لوبغاړي برخه اخلي. ځايي انتظامیه وايي په ټېلنټ هنټ پروژه کې د فوټبال او بېډمنټن په ګډون ۱۲ نورې لوبې شاملې دي. د مشال راډيو ویډیويي راپور وګورئ

د برېتانیا صدراعظم ریشي سوناک، د اوکراین له ولسمشر ولودیمیر زیلینسکي سره په ټلیفوني اړیکه کې د اوکراین د غلې د صادراتو په اړه خبرې کړي. سوناک د دې خبرو پر مهال ټینګار وکړ ،چې اوکراین باید وکولای شي نړیوالو بازارونو ته د خپلې غلې صادرات واستوي.  د هغه د ویاند دفتر په یوه خبرپاڼه کې د ښاغلي سوناک له قوله راغلي چې وايي، برېتانیا له ترکیې سره ګډ کار کوي څو د اوکراین د غلې د صادراتو تړون احیا شي.   ښاغلي سوناک ویلي: برېتانیا به د ملګروملتونو د امنیت شورا د دوره یي مشر په توګه له خپل رول څخه ګټه... Читать дальше...

د افغانستان لپاره د پاکستان ځانګړی استازی اصف درانی وايي، د ملګرو ملتونو د سرمنشي له ځانګړي همغږونکي کوونکي فریدون سینیرلي اوغلو سره یې په لیدنه کې د طالبانو حکومت د رسمیت پېژندلو په اړه خبرې کړي. ښاغلي دراني د جولای په ۲۵ مه پر خپل ټوېټر لیکلي، چې  په دې لیدنه کې یې د پاکستاني طالبانو د پټنځایونو، د افغان ښځو  حقونو، پر افغانستان د بانکي بندیزونو، د دغه هېواد د کنګل شویو پیسو او بشري ناورین په اړه خبرې کړې دي. اسلام اباد ته د سفر پر مهال، فریدون سینیرلي اوغلو په بهرنیو چارو کې د پاکستان د دولت له وزیرې حنا رباني کهر سره هم لیدلي. Читать дальше...

د طالبانو حکومت دوه افغان خبریالان او مدني فعالان، چې په وروستیو اوونیو کې یې بندیان کړي وو، له بنده خوشې کړل. په کابل کې د نیول شوي لیکوال او انځور ګر حسیب احراري او په ننګرهار کې د صفا راډیو د خبریال عرفان الله بیدار د کورنیو غړو ازادي راډیو ته تایید کړې، چې دوی دواړه د طالبانو له زندانه خوشې شوي دي. حسیب احراري، له ۵۴ ورځو راهیسې د طالبانو په زندان کې و، خو عرفان الله بیدار تېره اونۍ نیول شوی و.   طالبانو تراوسه د دغو دوو تنو د خوشې کیدو په اړه څه نه دي ویلي. دا دوه فرهنګي څېرې په... Читать дальше...

په هند او افغانستان کې د هندي پوهنتونونو یو شمېر افغان محصلان د هند د وېزو له نه ورکولو له امله شکایت کوي. دغه محصلان،چې د لیسانس او ماسټرۍ دورې یې بشپړې کړي وايي، د هند له حکومت څخه د تحصیلي بورسونو په تمه دي. دوی وايي، د هند حکومت تېر کال د جولای تر میاشتې پورې سکالرشیپونه اعلان کړل، خو اوس په دې اړه معلومات نه لري ، چې ایا دوی به خپلو زده کړو ته دوام ورکړي او که نه؟ دغه محصلان وايي، که دوی ته بورسونه ور نه کړل شي، پوهنتونونو ته د داخلېدو نېټه یې پای ته رسېږي ، او نشي کولی چې خپلې وېزې هم تمدید کړي . Читать дальше...

د امریکا د استازو جرګې د بهرنیو اړیکو کمېټې جمهوري غوښتونکی مشر مایکل مککال د دوشنبې په ورځ د دغه هېواد د بهرنیو چارو وزیر انتوني بلینکن ته په یوه لیک کې افغانستان ته د امریکايي چارواکو د سفرونو په اړه سخته اندېښنه ښودلې ده. نوموړي په دغه لیک کې د امریکايي چارواکو دغه سفرونه افغانستان ته د طالبانو د مشروعت په معنی بللی. ښاغلي مککال د امریکا د بهرنیو چارو وزیر ته په لیک کې سره له دې چې ددې سفرونو په اړه جزییات نه دي ورکړي، خو ویلي چې طالبانو د واک له اخیستو راهیسې د امریکا له تعامل سره بیا هم، یوازې خپل چلند خراب کړی دی. Читать дальше...

په اندونېزیا کې د افغانستان د سفارت چارواکو او یو شمېر افغان کډوالو د دغه هېواد پولیس تورن کړل، چې د یوې اعتراضیه غونډې پر مهال یې پرون افغان اعتراض کوونکو سره ناوړه چلند کړی. دوی ازادي راډیو ته وویل ،چې د اندونېزیا پولیسو افغان اعتراض کوونکي وهلي یې دي. په اندونېزیا کې اوسیدونکي افغان کډوال حواد رباني د سې شنبې په ورځ ازادي راډیو ته وویل، په دې هیواد کې د افغانو کډوالو حقوقو ته پام نه کیږي او د خپلو حقونو لپاره د غږ پورته کولو له امله هم تاوتریخوالي سره مخامخ کیږي. هغه وویل: " نن یو ځلې بیا... Читать дальше...

د افغانستان مشهور ویاند، ژباړن او دیکلماتور عبدالحی عابر، د خپلې مړینې خبر رد کړ. هغه نن سې شنبه( د زمري درېیمه) ازادي راډیو ته وویل، چې ژوندی او روغ رمټ دی. ښاغلي عابر وویل:" نن څو تنو راسره اړیکه ونیوله. زما د مرګ خبر دروغ دی. زه ژوندی او روغ رمټ یم." د ښاغلي عابر د مړینې خبر، د دوشنبې په ورځ( د زمري دویمه) په ټولنیزو رسنیو کې خپور شوی و. یو شمېر رسنیو هم د نوموړي د مړینې خبر خپور کړی و. عبدالحی عابر، د افغانستان په ډېرو رسنیو کې کار کړی.

په دې وروستیو کې په پکتیا کې یو شمېر ځوانو ورزشکارانو د سکېټ لوبې ته مخه کړې. د یادې برخې ورزشکاران وايي، دوی د تمرینونو لپاره مناسب ځایونه نه لري او اړ دي، چې د لوبو لپاره د ښار کوڅو او لویو لارو ته ووځي. بل لوري ته ځايي چارواکي وايي، د سکېټ لوبغاړي د دې ستونزې تر حلولو د پوهنتون له سپورټي جمنازیومه ګټه اخیستلی شي په دې اړه د نجیب الله الوخیل راپور کتلی شئ

په افغانستان کې د طالبانو حکومت پېښو ته د رسېدو چارو د دولت وزارت چارواکي وايي چې په بارانونو او سېلابونو کې د وژل شويو کساو شمېر ۴۱ ته رسېدلی دی. د دې وزارت ویاند شفیع‌الله رحیمي د جولای پر ۲۵مه ازادي راډيو ته ويلي چې دا زیان په میدان وردک، کابل، غزني، کونړ، پکتیا، خوست، ننګرهار، پکتیکا، هلمند او نورستان ولايتونو کې اوښتی دی. د هغه په خبره د سېلابونو له امله ۲۹۰ کورونه نړېدلي، ۴۵۶ څاروي وژل شوي او له ۷ زره جریبه زیاته کرنیزه ځمکه او حاصل‌خیزه باغونه هم تخریب شوي دي. د ملګرو ملتونو  د خوړو نړیوال... Читать дальше...

د پاکستان په بېلابېلو برخو کې د بارانونو له کبله د مړو شويو کسانو شمېر لږ تر لږه ۳۰ ته رسېدلی دی. د قدرتي افتونو پر وخت د انتظام ادارو چارواکو د جولای پر ۲۵مه مشال راډیو ته ویلي چې د جولايي له ۲۰مې تر اوسه ۱۲ تنه په سیند، ۱۲ په خیبر پښتونخوا او شپږ په بلوچستان کې وژل شوي دي. دوی په راتلونکو دوو ورځو کې په ځانګړې توګه د خیبر پښتونخوا او بلوچستان په ګڼو سیمو کې د لا زیاتو بارانونو اټکل کړی دی. د بلوچستان د قدرتي افتونو د نظم صوبايي ادارې يو مشر فيصل نسيم پانېزی دجولای پر ۲۴مه مشال راډيو ته وويل چې ډير زیان په اواران سیمه کې شوی دی. Читать дальше...

د خیبر پښتونخوا په سوات کې تېر کال سېلابونو په سلګونو کورونه او دکانونه وران کړي وو. ځايي سېلاب ځپلي وايي چې لا هم ورسره پوره مرستې نه دې شوې. دوی وايي ستونزې یې ختمې شوې نه دي. نياز احمد خان په دې اړه راپور لري.

د اروپايي ټولنې د کرنې وزیران په بروکسل کې په یوه غونډه کې راټول شوي څو له اوکراین څخه د غلې د لېږدولو پر لارو چارو بحث وکړي. د اوکراین د غلو دانو صادرات وروسته له هغه بند شول چې روسیه د تور سمندرګي له لارې د اوکراین د غلې د لېږد له موافقې ووته. د اروپايي ټولنې د کرنې وزیران غواړي د جګړه ځپلي اوکراین د ګاونډیو هېوادونو د بزګرانو لپاره د غلې بیې هم ثابتې وساتي. د اوکراین د غنمو د موافقې له لغو کېدو وروسته دا لومړی ځل دی چې دا وزیران غونډه کوي.

پېښو ته رسېدو په چارو کې د طالبانو د دولت وزارت وايي، د وروستیو سېلابونو له امله د افغانستان په ۱۰ ولایتونو د مړو شویو شمېر ۴۱ کسانو ته رسېدلی دی. د دې وزارت ویاند شفیع‌الله رحیمي نن ازادي راډیو ته رالېږلي پیغام کې ویلي، د چنګاښ له ۲۹مې تر ننه په میدان وردک، کابل، غزني، کونړ، پکتیا، خوست، ننګرهار، پکتیکا، هلمند او نورستان کې د سېلابونو د راوتو په پېښو کې ۵۷ تنه نور ټپیان شوي هم دي. د رحیمي په خبره، د راوتلو سېلابونو له امله ۲۹۰ کورونه نړېدلي، ۴۵۶ څاروي تلف شوي او له ۷ زره جریبه زیاته کرنیزه ځمکه او حاصل‌خیزه باغونه هم تخریب شوي دي. Читать дальше...

د پاکستان او امريکا بهرنيو چارو وزيرانو د امنيتي مسايلو، د ترهګرۍ مخنيوي او دفاعي اړيکو د پراختيا په اړه خبرې کړې دي. د امریکا د بهرنیو چارو وزیر انتوني بلينکن ويلي چې له خپل پاکستاني سیال بلاول بوټو زرداري سره یې د افغانستان په ګډون د سیمه ییزو اندېښنو په تړاو خبرې کړي دي.د امريکا بهرنيو چارو وزارت د جولای پر ۲۵مه خپره کړې خبرپاڼه کې ويلي چې دواړو د يو بل سره په ټيليفوني خبرو کې د اقتصادي اړيکو په زیاتولو هم غږیدلی دی. د پاکستان بهرنيو چارو وزارت د دې خبرو په اړه په خبرپاڼه کې ويلي چې بلاول بوټو... Читать дальше...

د امریکا متحده‌ایالاتو د بهرنیو چارو وزیر خپل قطري او پاکستاني سیال سره د افغانستان په وروستیو حالاتو خبرې کړي دي. افغانستان یو ځل بیا د امریکا متحده‌ایالاتو، قطر او پاکستان د بهرنیو چارو وزیرانو د خپلمنځي خبرو یو مهم بحث و. درې واړه وزیران پرون د افغانستان په اړه غږېدلي او تر یوه حده یې د دې خبرو اترو جزییات رسنیز کړي دي. د پاکستان د بهرنیو چارو وزارت نن سهار په خپله ټویټرپاڼه د انټوني بلېنکن او بلاول بوټو زرداري د ټیلفوني اړیکې په اړه خبرپاڼه کې ولیکل: "دواړو لوریو په سیمه کې د امن، ثبات... Читать дальше...

وايي چې د جرمني ژبې زده کول ګران کار دی، خو شته داسې یو څوک چې ان قاموس یې په کې لیکلی دی. دا سړی ډاکتر محمد اکرم ملکزی دی. ثنا کاکړ ورسره خبرې کړي او دا راپور یې پرې چمتو کړی چې د لاندې لېنک په کېکاږلو یې اورېدلی شئ:

د افغانستان لپاره د پاکستان ځانګړی استازی آصف علي دراني وايي، چې د افغانستان لپاره د ملګرو ملتونو د سرمنشي له ځانګړي همغږي کوونکي فریدون سینیرلي اوغلو سره یې د افغانستان په اړه خبرې کړي. دراني پر خپل ټویتر لیکلي چې په دې خبرو کې د طالبانو د رژیم د رسمیت پېژندنې، په افغانستان کې د پاکستاني طالبانو د پټنځایونو د ادعاوو او نورو مسایلو په اړه خبرې وشوې. سینیرلي اوغلو په عین حال کې د پاکستان د بهرنیو چارو وزارت له مرستیالې حنارباني کر سره هم د افغانستان پر مسایلو خبرې کړي.