Новости за 02.11.2023

د امریکا ولسمشر جو بایډن وايي، د اسراییل او حماس جګړه باید په موقتي ډول ودرول شي چې بشري مرستې ورسیږي او بندیان خوشي شي. ده پرون چهارشنبې د امریکا د ۲۰۲۴ کال د ولسمشرۍ په انتخاباتو کې خپل کمپاین ته د مالي مرستو د ټولولو په غونډه کې وینا کوله چې یو اعتراض کوونکی یې په خبرو کې ورولوېد او د اوربند غوښتنه یې وکړه. د امریکا ولسمشر په ځواب کې وویل، د ده په نظر په جګړه کې یوه وقفه لازمه ده، د دې دمې معنا دا ده چې د بندیانو د خلاصون لپاره فرصت رامنځته شي. اسراییل تراوسه پورې له ملکي فلسطینیانو سره... Читать дальше...

د ملګرو ملتونو د سرمنشي انټونیو ګوټېرېش ویندوی وايي، په غزه کې د تاوتریخوالي زیاتوالي او د سې شنبې او چهارشنبې په ورځو د کډوالو پر جبالیا کمپ د اسراییل په هوايي حملو کې د فلسطینیانو وژنو بوږنولی دی. سټېفن دوجاریک پرون خبریالانو ته همداراز وویل، سرمنشي د ملکي وګړو هر راز وژنې په کلکه غندي. ده زیاته کړه، د ملګروملتو سرمنشي ټینګار کوي چې ټولې خواوې باید د ملکیانو او پوځیانو ترمنځ د توپیر کولو په شمول بشري حقونو او نړیوالو قوانینو ته ژمن پاتې شي.

د هسپانیې د میدرېد په مرکز کې هر کال د پسونو او بزو رمې پر هغو لارو تېرېږي چې له پېړیو راهیسې به شپنو د موسم له بدلېدو سره ورباندې بیولې. د هسپانیې پارلېمان په ۱۹۹۴ز کال کې شپنو ته پر هغو دودیزو لارو د تګ اجازه ورکړه چې اوس ورڅخه یوه مېله جوړه شوې چې بهرني سیلاني هم ورځي. د رویټرز اژانس له ویډیو جوړ رپورټ.

د افغانستان د بیارغونې لپاره د امریکا د سرمفتش دفتر یا سیګار وایي، شاوخوا په هرو دوو اوونیو کې ملګري ملتونه افغانستان ته اتیا میلیون ډالره نغدې پیسې لېږدوي چې په دې هېواد کې پر بشري چارو لګول کېږي. دا خبره سیګار پرون چهارشنبې د امریکا کانګرس ته په وړاندې کړي خپل نوي درې میاشتنې راپور کې کړې او ویلې دي چې دغه پیسې نه د افغانستان مرکزي بانک ته لېږدول کېږي او نه هم طالبانو ته ورکول کېږي بلکې هغه د افغانستان لپاره د ملګرو ملتونو د مرستندویه ماموریت یا یوناما د مالي څارنې او ارزونې د ځانګړي میکانیزم له لارې په دې هېواد کې پر بشري چارو لګول کېږي. Читать дальше...

ملګرو ملتونو پرون چهارشنبې د غزې په تړانګه کې د کډوالو په تر ټولو لوی کمپ بریدونه وغندل چې په نتیجه کې یې په لسګونو کسانو ته مرګ ژوبله اوښتې. د ملګرو ملتونو یاند سټیفان دوجاریک وویل، د ملګرو ملتونو سرمنشي انټونیو ګوټېرېش په غزه کې د تاوتریخوالي د زیاتوالي له امله ډېر وېرېدلی دی. هغه وویل د جبالیه د کډوالو پر لوی کمپ د اسراییلو په هوایي بریدونو د وژل شویو کسانو په ډله کې ښځې او ماشومان هم دي، خو شمېر یې نه دی ښودل شوی. حماس وویل چې د اکټوبر په ۳۱مه پر دې کمپ په برید کې لږترلږه ۴۷ کسان وژل شوي دي. Читать дальше...

تورخم او سپین بولدک ته د پاکستان له خبرداریو وروسته تللي افغان کډوال د دوی له په زوره ویستو بېلابېلې کیسې لري. دا راپور د دوی په اړه جوړ شوی.

د افغانستان د بیارغونې لپاره د امریکا د سرمفتش دفتر یا سیګارپه نوي درې میاشتنې راپور کې چې د امریکا کانګرس ته یې برابر کړی او پرون یې خپور کړی، د امریکا متحده ایالات پر افغانستان د طالبانو له واکمنېدو وروسته د دې هېواد ستر بشري مرستندویه بللی او ویلي یې دي چې د امریکا د بشري مرستو اندازه له دونیم میلیارد ډالرو اوښتې ده. سیګار وایي، له افغانستانه د امریکایي ځواکونو له وتلو دوه کاله وروسته امریکا د افغانانو تر ټولو لوی مرستندویه هېواد پاتې شوی دی. سیګار د امریکا کانګرس ته په هغه درې میاشتني راپور... Читать дальше...

ملګرو ملتونو له پاکستانه د افغان کډوالو د په زوره ایستلو په اړه ژوره اندېښنه څرګنده کړه. پاکستان سر له ننه، د نومبر له دوهمې نېټې له خپلې خاورې د په سلګونو زره بې اسناده افغان کډوالو د په زوره ایستلو او افغانستان ته د بېرته ستنولو لړۍ پیلوي. د راپورونو له مخې له پرون راهیسې د پاکستان په بېلابېلو ښارونو کې د افغانانو نیونې او د ساتنې ځانګړو مرکزونو ته یې د لېږد بهیر پیل شوی دی. د ملګرو ملتونو د سرمنشي ویاند سټیفن دوجاریک بېګاه ناوخته په نیویارک کې په یوه خبري غونډه کې وویل چې د دې سازمان مختلفې... Читать дальше...

د کرکټ د ۲۰۲۳م کال د نړیوال جام سیالیو په لړ کې سبا جمعه افغانستان له هالنډ سره لوبه کوي. دغه پنځوس اووره یا یو ورځنۍ لوبه د کابل پر وخت د ماسپښین پر یوه پیلېږي. دا په دې جام کې د افغانستان شپږمه سیالي ده. افغانستان درې سیالي بایللي او درې یې ګټلي دي. افغانستان له پاکستان، انګلستان او سریلانکا لوبې ګټلي، خو پر هند، بنګله‌دېش او نیوزیلنډ یې بایللي. افغانستان له هالنډ سره پنځه واره تر دې مخکې لوبې کړي چې څلور یې ترې ګټلي دي. نن پنجشبنې کوربه هند د سریلانکا پر وړاندې سیالي ترسره کوي او پرون... Читать дальше...

د طالبانو د حکومت د لوړو زده کړو وزارت وایي، ټولو هغو محصلانو او د پوهنتونونو استادانو ته چې له بهره له کډوالۍ بېرته خپل هېواد ته راستنېږي، د افغانستان د لوړو زده کړو په دولتي او خصوصي پوهنتونونو کې د زده کړې او تدریس زمینه برابره کړي. د دې وزارت په هغه اعلامیه کې چې د طالبانو د حکومت مرستیال ویاند بلال کریمي پرون چهارشنبې په خپله ایکسپاڼه کې خپره کړې ویل شوي چې هغه افغان محصلان چې په بهر کې یې زده کړې پای ته نه وي رسېدلي، د هغوی تحصیلي اسنادو ته په کتو په پوهنتونونو کې جذب شي او همدارنګه د استادانو... Читать дальше...

د روغتیا نړیوال سازمان یا 'ډبلیو ایچ او' په افغانستان کې شاوخوا ۱.۴ میلیون کسانو ته د بشري روغتیایي خدمتونو د رسولو خبر ورکوي. د دې پروګرام د افغانستان څانګې پرون چهارشنبې په خپله ایکسپاڼه کې کښلي چې دغو کسانو ته یې دغه مرستې په خپله او د نورو ۵۲ روغتیایي شریکانو پر مټ برابرې کړي دي. دغه خدمتونه د افغانستان د ټولو ۳۴ ولایتونو په ۳۱۲ ولسوالیو کې د ۹۷۲ روغتیایي مرکزونو او کلینیکونو له لارې رسول شوي دي. د روغتیا د نړیوال سازمان په وینا ټولټال ۳۸۷ زره او ۴۰ کسانو بېړني روغتیایي خدمتونه ترلاسه کړي دي. Читать дальше...

د نومبر دویمه د خبریالانو پر وړاندې د جرمونو د معافیت د ختمولو نړیواله ورځ ده. د افغانستان د خبريالانو د مرکز په رسمي وېبپاڼه کې د ثبت شویو شمېرو له مخې، له ١٣٨٠ کال څخه تر ١٤٠٠ پورې په افغانستان کې ١٢٨ خبريالان وژل شوي دي. دغه مرکز د هر وژل شوي خبریال جزیات، د وژل کېدو ځای او لامل لیکلی، چې ډېری دغه خبریالان د ناپېژانده کسانو له خوا د انتحاري حملو او چاودنو او یا هم افغانستان کې د جګړې پر مهال وژل شوي دي. په دغو وژل شویو خبریالانو کې د ازادي راډیو ۴ خبریالان هم شامل دي، چې بېلابېلو بریدونو کې وژل شوي دي. Читать дальше...