Новости за 14.11.2023

د امریکا ولسمشر جو بایډن وایي، د الشفا په نوم د غزې تړانګې تر ټولو لوی روغتون باید خوندي وساتل شي. د لوېدیځو اژانسونو د راپورونو له مخې بایډن دغه څرګندونې پرون په سپینه ماڼۍ کې خبریالانو ته کړي دي. د روغتیا نړیوال سازمان مشر تدروس ادهانوم ګبریسوس د یکشنبې په ورځ ویلي وو، شفا روغتون له درېیو ورځو راهیسې اوبه او برښنا نه لري او نور د روغتون په توګه فعالیت نه کوي. د اسوشېټېډپرېس خبري اژانس د راپور له مخې د اسراییل او حماس سخت دریځې ډلې ترمنځ، چې امریکا او اروپایي ټولنه یې ترهګریز سازمان بولي،... Читать дальше...

د افغانستان د فوټبال ملي لوبډله د نړیوال جام د مقدماتي لوبو په دوهم پړاو او د اسیايي هېوادونو په جام کې د ګډون لپاره پرون قطر ته ولاړه. د افغانستان د فوټبال فدراسیون چې د طالبانو حکومت یې اداره کوي پر خپله رسمي فېسبوکپاڼه دا خبر ورکړی او لیکلي یې دي چې ملي لوبډله د ۲۰۲۶ کال د نړیوال جام د مقدماتي لوبو په دوهم پړاو او د اسیايي ملتونو د جام د ۲۰۲۷ کال په لوبو کې د ګډون لپاره پرون له کابله د قطر پر لور وخوځېده. د ملي لوبډلې روزنکي اشلي مایکل چې نږدې یوه اوونۍ مخکې پر دې دنده وګومارل شو ویلي هڅه... Читать дальше...

د اوکراین ولسمشر ولودیمیر زیلینسکي د کریمیا د تاتارانو مشر او د بشري حقونو فعال مصطفا جمیلوف ته د طلایي ستوري په نوم مډال او د اوکراین د اتل لقب ورکړ. جمیلوف د اشغال شوې کریمیا تاپووزمې د تاتارانو مشر دی چې د عمر ډېره برخه یې د پخواني شوروي اتحاد او وروسته د روسیې د ځپونکو پالیسیو پرضد په مبارزه کې تېره کړې ده. په دې مناسبت مراسم پرون د نوامبر په دیارلسمه د جمیلوف د زوکړې د اتیایمې کلیزې په ورځ جوړ شوي وو. جمیلوف په ۱۹۹۱ کال کې له پخواني شوروي اتحاد څخه د اوکراین د آزادېدو له پیله تر ۲۰۱۳ کال... Читать дальше...

د اروپايي ټولنې د غړو هېوادونو د بهرنیو چارو وزیرانو هغه طرح تایید کړه چې له مخې یې د ارمنستان پر سرحدونو د څارنې ماموریت پراخېږي او د جنوبي قفقاز له دې هېواد سره د ویزې د آزادیو په اړه بحثونه پیلېږي.   د بهرنیو چارو او امنیتي پالیسۍ لپاره د اروپايي ټولنې لوی استازي جوزیپ بورېل پرون د نومبر ۱۳مه په بروکسل کې د بهرنیو چارو د وزیرانو له غونډې وروسته وویل چې دوی په ارمنستان کې د اروپايي ټولنې د ماموریت د پراختیا پرېکړه کړې او په دې ترڅ کې به د سرحد په حساسو سیمو کې خپلې ګزمې زیاتوي. ارمنستان او... Читать дальше...

د غزې د تړانګې د لوی مرکزي روغتون مخې ته د حماس افراطي ډلې د جنګیالیو او اسراییلي سرتېرو ترمنځ د جګړو راپورونه ورکړل شوي دي. د غزې د تړانګې د لوی مرکزي روغتون الشفا مخې ته د اسراییلي ځواکونو او د حماس ډلې د جنګیالیو ترمنځ د جګړې له پیلېدو وروسته زرګونه کسان له دې روغتون څخه تښتېدلي، خو تراوسه هم سلګونه ناروغان او د جګړو له کبله بېځایه شوي خلک هلته پاتې دي. اسوشېټېډپرېس خبري آژانس د غزې د روغتیايي چارواکو له قوله خبر ورکوي چې وايي، په ناروغانو کې کوچني ماشومان هم شته چې د برښنا د نشتوالي له کبله د مړینې له خطر سره مخامخ دي. Читать дальше...

د بحران نړیواله ډله وايي، له پاکستانه د افغان کډوالو ډله ییز ایستل په سیمه کې بې ثباتي راولي. په داسې حال کې چې له پاکستانه د لکونه بې اسناده افغان کډوالو د ایستلو لړۍ روانه ده د بحران نړیواله ډله وايي، د افغان کډوالو ډله ییز ایستل په سیمه کې بې ثباتي راولي. نوموړې ډله چې په نړۍ کې د روانو بحرانونو په اړه څېړنې کوي په خپل تازه راپور کې چې بېګا خپور شو لیکي چې پاکستان بحران ځپلي افغانستان ته د میلیونونه افغان کډوالو د ستنولو بهیر پیل کړی دی. دې ټولنې هغو علتونو ته هم کتنه کړې ده چې له مخې یې اسلام آباد د افغانانو د ایستلو پرېکړه کړې. Читать дальше...

د نړیوال بانک خپرونه: د نړیوال بانک یوې اړوندې خپرونې له پاکستانه د افغان کډوالو په راستنېدو او اړوندو اقتصادي ځوړتیاوو او احتمالي زېږېدنه ناخوالو یوه مقاله خپره کړې ده. په مقاله کې راغلي چې په تېرو شاوخوا دېرشو کلونو کې د نړۍ په کچه شاوخوا دېرش میلیونه کډوال خپلو اصلي هېوادونو ته ستانه شوي چې افغانان یې یوه لویه برخه جوړوي. لومړی وار په ۱۹۸۹ کال کې د شوروي پوځیانو تر ماتې او بیا په ۲۰۰۱ کال کې د طالبانو د لومړۍ دورې له پرځېدو وروسته. اوس څه باندې ۲۲ کاله وروسته یو وار بیا لکونه افغان کډوال له پاکستانه خپل هېواد ته راستانه کړای شوي. Читать дальше...