Новости за 09.12.2023

ارواپوهان وايي چې ځينې ځوانان يوځل نشه کول له کورني تاوتریخوالي څخه د ساتلو لاره بولي، خو د دې تاوتریخوالي ډېروالی د دې سبب کېږي چې نشو ته دوام ورکړي او په نتيجه کې معتاد شي. بې کاري، کورنۍ ستونزې او د نشه يي موادو په زیانونو نه پوهېدل د اعتیاد هغه عوامل دي چې له معتادینو سره د خبرو پر مهال یادېږي. خو ډېری داسې معتادین هم شته چې علمي او مسلکي زده کړې لري او د ژوند ښه او بد ښه سره جلا کولای شي، خو بیا هم د نشو په دام کې نښتي دي. له دې ډول معتادینو څخه یو هم سيد امير دی، دی د قران شریف قاري،... Читать дальше...

د ملګرو ملتونو سرمنشي انتونیو ګوتیریش وايي، د حماس د توندلارې ډلې بې رحمي هېڅکله فلسطینیانو ته د ډله ییزې سزا پلمه نه شي کېدای. امریکا او اروپايي ټولنه حماس ته د یوې تروریستي ډلې په سترګه ګوري. ګوتیریش دا څرګندونې داسې مهال کوي چې اسراییل د حماس ډلې پر وړاندې پوځي عملیاتو ته دوام ورکوي. د ملګرو ملتونو سرمنشي په غزه کې د څو اوونیو له نښتو وروسته پرون جمعه د امنیت شورا غونډه راوبلله. د فرانسپرس خبري آژانس د راپور له مخې، د حماس ډلې تر ادارې لاندې د غزې د روغتیا وزارت ارقام ښيي چې د دې حملو... Читать дальше...

په پام کې ده چې د افغانستان د کرکټ له ۱۹ کلونو کم عمره لوبډله د آسیایي جام د لوبو په لړۍ کې سبا یکشنبې له نیپال سره سیالي وکړي. دا د متحده عربي اماراتو په کوبه توب په آسیايي جام کې د افغانستان دوهمه لوبه ده. د افغانستان د نولس کلنو لوبډلې پرون خپله لومړۍ لوبه د ۷ ویکټو په توپیر هند ته وبایلله. د افغانستان دریمه لوبه به د دې اوونۍ د سه شنبې په ورځ له پاکستان سره وي. د آسیايي جام په لوبو کې پر افغانستان سربېره، د هند، پاکستان، سریلانکا، بنګله دېش، متحده عربي اماراتو، نیپال او جاپان د نولس کلنو لوبډلې برخه لري. Читать дальше...

د طالبانو حکومت یو چارواکی ادعا کوي چې دوی له پاکستانه د راستنېدونکو کډوالو د استوګنې لپاره د ځمکو دوه لکه نومرې چمتو کړې دي. د کرنې سرپرست وزیر عطاالله عمري په یوه ویډیو کې چې د طالبانو تر ادارې لاندې باختر اژانس خپره کړې، وايي چې د راستنېدونکو افغان کډوالو لپاره دا ځمکې د هېواد په ټولو ولایتونو کې د ښارګوټو په چوکاټ کې چمتو شوې دي او هغو کسانو ته ورکول کېږي چې خپلې ځمکې نه لري. د ښاغلي عمري په وینا، د هغو کورنیو لپاره چې تر ۱۰ پورې غړي لري ۱۰ بسوې او د هغو لپاره چې له ۱۰ غړو زیات لري، ۱۵ بسوې... Читать дальше...

د کړکېچونو او بشري څېړنو مرکز وايي چې په افغانستان کې د ښځو د زده کړو پر وړاندې د پرتو ننګونو په اړه نن د قطر په پلازمېنه دوحه کې په یوه غونډه کې خبرې په پام کې دي. دې مرکز پر خپله وېبپاڼه په یوه خبرپاڼه کې ویلي چې د قطر او اندونېزیا د بهرنیو چارو د وزارتونو په کوربه توب د افغان ښځو د زده کړو په اړه نړیوال کنفرانس نن د ډسمبر په نهمه نېټه جوړېږي. په خبرپاڼه کې راغلي دي چې په دې غونډه کې مخکښ کارپوهان، نړیوال سازمانونه او نور اړوند چارواکي راټولېږي او د افغان ښځو د زده کړو پر وړاندې د خنډونو په اړه بحث کوي. Читать дальше...

نېشن ورلډ: نېشن ورلډ خپرونې په جرمني کې د کډوالو په اړه لیکنه خپره کړې ده. په دې لیکنه کې ویل شوي چې سږ کال تراوسه پورې ۳۰۰ زرو تنو په جرمني کې د پناه غوښتنه کړې ده. د دې خپرونې پر اساس، دا شمېر د تېر کال د ورته مودې پرتله څه باندې ۶۰ سلنه ډېر دی. په ۲۰۲۲ کې د اکټوبر تر میاشتې پورې نږدې یولکو ۹۰ زره تنو په جرمني کې د پناه غوښتنه کړې وه. سره له دې چې اروپا او په ځانګړي ډول جرمني ته د افغانانو د مهاجرت په اړه ډېر خبرونه خپرېږي، خو د نېشن ورلډ خپرونه وايي چې په جرمني کې د پناه غوښتونکو په منځ کې تر ټولو ډېر لومړی سوریه وال او بیا ترکان دي.