يونان کې د دوو ريلګاډو د ټکر له امله تر دېرشو ډېر کسان مړه شوي
لاریسا ښار د پلازمېنې اتن شمال ته په درې سوه اتیا کیلومترۍ کې پروت دی.
د یونان د اور وژنې د خدماتو ویاند واسیلس واتراکوګیانیس وویل، یو بار وړونکی ریل له یوه مسافر وړونکي ریلګاډي سره ټکر شوی دی.
په دې پېښه کې د پنځه اتیا کسانو د ټپي کېدو خبر هم ورکړل شوی دی او د راپورونو لهمخې د ځینو ټپيانو روغتیایي وضعیت نازک دی.
د یوناني رسنیو په باور دا ټکر د دې هېواد په تاریخ کې د اورګاډو تر ټولو بد ټکر دی.