Новости за 24.04.2022

عبدالرووف هغه ماشوم چې له دوو کلونو وروسته د انسان تښتونکو له بنده ازاد شو، په یوه نوې ویډیو کې ادعا کوي چې کورنۍ یې هغه د پیسو په بدل کې راخوشې کړی، خو پلار یې د پیسو ورکړه ردوي. عبدالرووف چې نږدې دوه کاله د انسان تښتونکو په بند کې و، په یوه نوې خپره شوې ویډیو کې وایي، انسان تښتوونکو د پیسو د ترلاسه کولو په بدل کې هغه خپلې کورنۍ ته سپارلی. عبدالرووف په دې ویډیو کې وایي، که چېرې يې کورنۍ پیسې نه وای ورکړې، نو انسان تښتوونکو دی نه خوشې کاوه. هغه زیاته کړه:" زه په دې مبارکه میاشت کې د انسان تښتوونکو له منګولو خوشې شوم. Читать дальше...

د طالبانو د لوړو زده‌کړو وزارت مرستیال لطف‌الله خیرخواه وایي، په کابل پوهنتون کې د نجونو او هلکانو د تدریسې ورځو د جلا کولو پرېکړه د استادانو او محصلینو په غوښتنه شوې. په کابل پوهنتون کې یو شمېر ښځینه محصلینې د طالبانو د لوړو زده‌کړو وزارت د هغې پرېکړې چې هلکان او نجونې دې په جلا ورځو کې درس ووایي؛ په غبرګون کې وایي چې دا طرحه به د دوی ستونزې لا زیاتې کړي. د کابل پوهنتون یوې محصلې سوسن خالقیار په دې اړه ازادي راډیو ته وویل: "هره ورځ د نویو بندیزونو شاهدان یوو، تورې جامې واغوندۍ، نارینه استادانو... Читать дальше...

ځینې معلولیت لرونکي له دې امله چې د طالبانو حکومت امتیاز نه ورکوي، شکایت کوي. ۳۶ کلنه محبوبه معلوله ده. هغه له خپلې مور سره کابل کې اوسېږي. په اویایمو کلونو کې په افغانستان کې د کورنیو جګړو پر مهال د دوی پر کور د هاوان د مرمۍ د لګېدو له امله د محبوبې یوه پښه پرې شوه. محبوبه وایي، پخوا به یې هره میاشت د معلولیت د مالي امتیازاتو په اخستو سره د ځان او خپلې مور اړتیاوې پوره کولې. هغه زياتوي: "زما اندېښنه دا ده که چېرې مې حق رانه‌کړل شي، نو څنګه به خپل ژوند په مخ بوځوو. ما به هر کال ۶۲ زره افغانۍ... Читать дальше...

د هندوستان د کرکټ په سوداګریز لیک یا ای‌پي‌ایل کې نن شپه ۳۷مه لوبه د ممبي انډینز او لکڼو لوبډلو ترمنځ کېږي. د ای‌پي‌ایل لوبو د رسمي ویب‌پاڼې د معلوماتو پر بنسټ، دا لوبه د افغانستان په وخت ۷:۳۰ بجې ده. د دې لیک د تېرې شپې په لوبه کې سنرایزر حیدر اباد له رویال چلنجرز څخه په ۹ ویکټو لوبه وګټله او خپله درېیمه بریا یې خپله کړه.

په ارزګان کې د رمضان جام فوټسال سیالۍ اتلولي د میوند فوټسال لوبډلې وګټله. د افغانستان فوټبال فدارسیون په خپل فیسبوک‌پاڼه لیکلي، یادې سیالۍ چې د روژې میاشتې په دویمه پیل شوې وې تېره ورځ ناوخته د میوند فوټسال لوبډلې الفت لوبډلې ته ۰-۲ ماتې ورکړې او بریا یې خپله کړه. د دې فدارسیون په خبره، په دې سیالیو کې ۱۳ لوبډلو د ارزګان له بېلابېلو ولسوالیو څخه ګډون کړی و. په یادو سیالیو کې نجیب الله وصال غوره لوبغاړی او محمد نبي غوره ګول وهونکی ونومول شول. د دې سیالیو موخه ورزش ته د ځوانانو هڅول ښودل شوي.

د هلمند فولاد لوبډلې د کرکټ د لس اووریزه سیالیو اتلولۍ ګټلې ده.  د افغانستان د بدني روزنې او ورزش ریاست په خپل فېسبوک‌پاڼه لیکلي، یادې لس اووریزې سیالۍ چې لس ورځې وړاندې په هلمند کې پیل شوې، تېره ورځ د هلمند فولاډ لوبډلې په بریا سره پای ته ورسېدې. د دې ریاست په خبره، د دې لس اووریز ټورنمنټ پایلې لوبې ته جمال‌زی او د هلمند فولاد لوبډلې ووتې چې فولاد لوبډلې ټاکل شوی هدف په اووم اوور کې پوره او اتلولي یې په خپل نوم کړه. په دې ټورنمنټ کې ۱۶ لوبډلو ګډون کړی و او موخه یې ورزش ته د ځوانانو هڅول ښودل شوي.

د طالبانو د بنسټ اېښودونکي ملا محمد عمر زوی او د طالبانو د دفاع وزارت سرپرست ملا محمد یعقوب وايي، افغانستان اوسمهال د نړۍ او د سیمې هېوادونو له لوري له هر ډول ننګونو سره مخ دی. ملا یعقوب چې د خپل پلار د مړینې په نهم تلین کې یې خبرې کولې د پاکستان له‌خوا پر کونړ وروستیو بریدونو ته په اشارې وویل، دا بمباري یې د ملي مصالحو په خاطر برداشت کړه، خو بیا یې زغم نه‌لري. هغه زیاته کړه: "افغانستان اوس هم له ډېرو مشکلاتو سره مخامخ دی. په هره کچه چلېنجونه موږ او تاسې ته متوجه دي. دنیا هم را سره په مقابله... Читать дальше...

پاکستان د پوځي ادارو چارواکي ادعا کوي وايي، د افغانستان له خاورې د دوی پر ضد د فعالیتونو دوام اندېښمن کړي. يوه خپره شوې ویډیو کې ښکاري، چې څو پاکستاني پوځيان د پاکستاني طالبانو لاس ته ورغلي او وسله یې ورنه اخلي. دا ویډيو په خوست ولایت کې د شمالي وزیرستان پولو ته نږدې یو اوسېدونکي ازادي راډیو ته رالېږلې او ادعا کوي، چې پرون شنبه ناوخته د شمالي وزیرستان تحصیل غلام خان سیمه کې د پاکستاني پوځ او پاکستاني طالبانو يا TTP تر منځ نښته شوې ده. دغه وزیرستاني کډوال د نوم نه خپرولو په شرط ازادي راډیو ته وویل... Читать дальше...

د وژل شوي ماشوم د کورنۍ یو غړی صلاح الدین ادعا کوي چې تېره شپه د جلال اباد ښار د اوومې ناحیې اړوند زیړانو سیمه کې د طالب ځواکونو په یوه چک پاینټ کې پر هغه ریکشا ډزې کړي چې د دوی د کورنۍ درې غړي په کې له دوکان څخه کور ته د ستنېدو په حال کې وو. نوموړی وایي، دا پېښه هغه مهال رامنځته شوې چې د عادل په نامه یو ماشوم چې شاوخوا ۱۵ کاله عمر لري، د شپې ناوخته له خپل دوکان څخه د کورنۍ دوه نورو غړو سره یو ځای د کور پر لور روان وو. د نوموړي په خبره، وژل شوی ماشوم او دوه تنه نور په ریکشه کې سپاره وو چې د اسلامي... Читать дальше...

د ملګرو ملتونو د کرنې او خوړو ادارې (FAO) ویلي دوی په ۲۰۲۱م کال په افغانستان کې پر یو ملیون او درې لکه کسانو د زراعتي تخمونو بستې وېشلي دي. دغې ادارې پر خپل رسمي ټویټر خبر ورکړی، چې دوی ګڼو کسانو ته تخنیکي روزنه هم ورکړې ده. د ملګرو ملتونو دغې ادارې په ننګرهار کې د هغو کروندو عکسونه خپاره کړي، چې د دوی له خوا د غنمو وېشل شوي تخمونه په کې کرل شوي دي. تر دې مخکې FAO په افغانستان کې د وچکالۍ او د کروندګرو د بېوزلۍ په اړه خبرداری ورکړی و.

لسګونه افغانانو د سپینې ماڼۍ مخې ته مظاهره وکړه او له امریکا او ملګرو ملتونو یې وغوښل چې پر افغانستان د پاکستان وروستي بریدونه جدي وګڼي. پاکستان پر خوست او کونړ دا بریدونه د اپرېل په شپاړسمه وکړل چې ترڅ کې یې لسګونه ملکیان ووژل او ټپیان شول. طالبانو هم دا بریدونه په کله وغندل او په ملګرو ملتونو کې د افغانستان دایمي استازولۍ د دغو بریدونو په تړاو امنیت شورا ته شکایت ثبت کړی دی. پر خوست او کونړ د پاکستان د وروستیو بریدونو دادی اونۍ ووته، خو لا هم دغو بریدونو ته په ملي او نړیواله کچه غبرګونونه ښودل کېږي. Читать дальше...

د طالبانو حکومت وايي په بلخ ولایت کې د ۱۱ کلن ماشوم عبدالروف د ژغورنې لپاره په ۲۰ ورځنیو عملیاتو کې ځینې انسان تښتوونکي وژل شوي یا هم نیول شوي دي. دغه ماشوم تر شا و خوا یونیم کال وروسته له اختطاف کوونکو وژغورل شو او پرون په مزار شریف کې د هغه کورنۍ ته تسلیم کړای شو. د طالبانو یوه ویاند ذبیح اله مجاهد پرون په یو لړ ټویټونو کې ویلي، چې د مجرمانو د موندلو او نیولو عملیات لا هم روان دي. د هغه په خبره تر عملیاتو وروسته به د دې پېښې عاملان رسوا او عدالت ته راکش کړای شي.

ایرانۍ رسنیو راپور ورکړی، چې د سیمه ییزو سیالانو ایران او سعودي عربستان ترمنځ د خبرو پنځم پړاو ترسره شو. د نور نیوز په نوم ویبسایټ چې د ایران د ملي امنیت له عالي شورا سره ارتباط لري پرون په یوه ټویټ کې ویلي، چې دغه خبرې په بغداد کې په ښه فضا کې وشوې. د دغه ویبسایټ په حواله دغو خبرو داسې هیلې پیدا کړي چې دواړه هېوادونه به د اړیکو د دوام لپاره مثبت ګامونه واخلي. بلخوا نیمه دولتي اژانس مهر راپور ورکړی، چې د عراق او عمان عالي رتبه چارواکو د دغو خبرو په تنظیم کې مهم رول درلود.

په داسې حال کې چې په اوکراین کې روانه جګړه د دې هېواد په ختیځ کې شدیده شوې، ټاکل شوې وه چې د امریکا د دفاع او بهرنیو چارو وزیران پر اوکراین د روسیې د یرغل وروسته نن د لومړي ځل لپاره کییف ته ولاړ شي. د اوکراین ولسمشر ولادیمیر زیلینسکي پرون اعلان وکړ چې دی به په کییف کې د امریکا د بهرنیو چارو له وزیرانتوني بلېنکېن او د دفاع له وزیر لویډ اسټن سره وګوري. که دغه سفر ترسره شي، دا به د اروپایي ټولنې تر یو شمېر مشرانو وروسته لومړی ځل وي چې جګپوړي امریکایي چارواکي کییف ته ځي. سپینې ماڼۍ کییف ته د بلېنکېن... Читать дальше...

د طالبانو د کرنې، اوبو لګولو او مالدارۍ وزارت وايي، په ننګرهار ولایت کې ۳۹۰ تنه بزګرانو سره نقدي مرسته شوې. دغه وزارت تېره ورځ ناوخته په خپل ټويټر پانه وليکل، چې ياده نقدي مرسته د ژغورني نړيوالې کمېټې (IRC) له لوري د دي ولایت د کامې او کوز کونړ په ولسواليو کې له بزګرانو سره شوې. د وزارت په وينا، مرسته شوې پېسې چې ټولیز شمير يې ۲ میلیونه او ٩٣٠ زره افغانۍ وې په نقدي ډول هر بزګر ته د شاوخوا ۲۵ زره افغانيو په اندازه ورکړل شوې. ياد وزارت وايي، ددې کار موخه د بزګرانو سره اقتصادي مرسته ده.

د طالبانو حکومت اقتصادي کمېسيون وايي، پر ټولو هغو مواردو تر مفصلو بحثونو وروسته، چې خصوصي سکتور پکې پانګونې ته چمتو دی؛ د برښنا تولید ته لومړیتوب ورکړ. د دغه کمیسیون په ټوېټر پاڼه په دې اړه راغلي، د اوبو او انرژۍ وزارت په مشرۍ؛ د کانونو او پترولیم او سوداګرۍ ‏او صنعت وزارتونو او دغه شان د صنعت او معدن او د سوداګرۍ او پانګونې خونو ته د برېښنا د توليد او اړتيا برخه کې د عملاً کار پيلېدو دنده ورکول شوې. دغه راز يادو ادارو دنده سپارل شوې، څو د ډبرو له سکرو څخه د برېښنا د تولید په برخه کې صنعتي پارکونو،... Читать дальше...

په افغانستان کې د ملګرو ملتونو کې د بشري حقونو د وضعیت په اړه ځانګړی راپور ورکوونکی ریچارډ بنیټ وايي، د افغانانو بشري حقوق باید خوندي شي. ښاغلی بنیټ په کابل، مزار شریف او کندز کې وروستیو چاودنو ته په اشاره لیکي، په دې اړه به خپلې څارنې او حساب ورکولو ته دوام ورکړي. نجيب چې پلار یې د کندز د امام صاحب ولسوالۍ د مولوي سکندر په جومات کې د شوې چاودنې له امله ټپي شوی وايي، د چاودنې په ورځ یې په ټوله سیمه کې ویره خپره وه، او هره څوک په دې لټه کې و چې وپوهېږي د کورنۍ غړی یې روغ پاتې که نه. د نجیب په... Читать дальше...

په کاپیسا کې د طالبانو د امنیه قومندانۍ مطبوعاتي مسوول عبدالفتاح فایز ازادي راډيو ته وویل، د کوهستان دوهم ولسوالۍ په جمال اغه سیمه کې د یوه کرولا موټر د چپه کېدو په پېښه کې څلور تنه چې دوه ماشومان په کې دي، ټپيان شوي دي. نوموړي ویلي چې ټپیان روغتون ته لېږدول شوي چې د ۲ تنو روغتیايي حالت نازک دی. فایز د پېښې لامل د موټر چلوونکي بې احتیاطي او د سړک خرابوالی بولي.

د اوکراین ولسمشر ولادمیر زلینسکي پرون شنبه یوه خبري کنفرانس ته وویل، د امریکا د متحدو ایالتونو د بهرنیو چارو وزیر انتوني بلېنکن او دفاع وزیر لوئد اسټین نن یکشنبه کییف ته سفر کوي. زلینسکي خبریالانو ته وویل، دی به له دواړو امریکايي چارواکو سره پر ځینو مسایلو خبرې وکړي. وروسته له هغې چې روسیې پر اوکراین یرغل وکړ، دا د امریکا تر ټولو جګپوړي چارواکي ګڼل کېږي، چې اوکراین ته په سفر ځي. تر دې مخکې ځینو اروپايي مشرانو د اوکراین جګړه ځپلې پلازمېنې ته سفر کړی و. د امریکا د متحدو ایالتونو پر ولسمشر جو... Читать дальше...

د افغانستان بانک وايي نن یکشنبه شا خوا ۱۲ ملیون ډالره په دې خاطر لیلاموي، چې په مرسته یې په بازارونو کې د امریکايي ډالرو په وړاندې د افغانیو بیه ثابته وساتل شي. د دغه بانک ویاند صابر مومند، له ازادۍ راډیو سره په خبرو کې وویل: “د افغانستان بانک غواړي د رمضان میاشتې پر ۲۳مه، نن یکشنبه د داوطلبۍ له لارې د اړتیا په صورت کې ۱۲ ملیونه امریکايي ډالره لیلام کړي.” د افغانستان بانک په هرو څو ورځو کې په دې بڼه امریکايي ډالر بازار ته باسي چې هم د افغانیو ارزښت ثابت وساتي او هم تر یوه حده په بازارونو کې د ضروري موادو بیې ټیټې شي. Читать дальше...

د ماشومانو د ملاتړ لپاره د ملګرو ملتونو مرستندوی صندوق یا یونیسف تر شپږم ټولګي پورته د نجونو د ټولګیو پر تړل کېدو اندېښنه وښوده. د ماشومانو د ملاتړ لپاره د ملګرو ملتونو مرستندوی صندوق یا یونیسف وايي، د طالبانو له خوا تر شپږم ټولګي پورته د نجونو د ښوونځیو د بیا تړل کېدو پرون یکشنبه میاشت پوره شوه، خو د ښوونځیو د پرانیستلو کېدو لپاره کوم اقدام ونه شو. په افغانستان کې د یونیسف ادارې د ارتباطاتو مشرې سم مورت (Sam Mort) پرون ازادۍ راډیو ته وویل: “یوه میاشت کېږي چې پر افغانستان واکمنو چارواکو خپله... Читать дальше...

د افغانستان ځینو رسنیو د طالبانو او د ایران د سرحدي ځواکونو ترمنځ د شخړې راپور ورکړی دی. د افغانستان د محلي رسنیو په راپورونو کې ویل شوي، د طالبانو او د ایران د سرحدي ځواکونو ترمنځ دغه لانجه پرون د هرات ولایت په اسلام کلا بندر کې شوې ده. په اسلام کلا کې د طالبانو د کمیسارۍ مرستیال همایون همت ویلي، لانجه هغه وخت پېښه شوه، چې طالبانو د ایران یو پوځي موټر د افغانستان په خاوره کې دننه ونیوه. دا لا معلومه نه ده، چې لانجې څومره وخت دوام وکړ او وروسته دواړو لوریو څه پرېکړه وکړه. د هرات لپاره د طالبانو... Читать дальше...

د هالنډ د پلازمېنې امسټردام په سخیپول هوايي ډګر کې پرون د اعتصاب له کبله په لسګونو الوتنې لغوه شوې. د څو ساعتونو لپاره دغه اعتصاب د KLM هوايي شرکت د هغو کارکوونکو د ډلې له خوا چې د مسافرو بیکونه تنظیموي، روان و. دوی اعتراض درلود چې د کارکوونکو شمېر کم دی او کاري شرایط یې هم ناوړه دي. دا اعتصاب داسې مهال وشو، چې د ښوونځیو رخصتۍ دي او ګڼې کورنۍ په سفر بوختې دي.

د بریتانیا صدراعظم بوریس جانسن او د اوکراین ولسمشر ولادمیر زلینسکي پرون په ټلیفوني خبرو کې د روسیې د یرغل په وړاندې د مبارزې لپاره د کییف پر اړتیاوو بحث وکړ. د بریتانیا د صدراعظم دفتر په یوه اعلامیه کې ویلي، چې جانسن- زلینسکي ته وویل، چې بریتانیا به راروانه اوونۍ په کییف کې خپل سفارت بېرته پرانیزي. د فبروري میاشتې پر ۲۴مه پر اوکراین د روسیې تر یرغل وروسته اکثرو هېوادونو خپل سفارتونه په کییف کې وتړل، خو کله چې د اوکراین ځواکونه وتوانېدل روسي ځواکونه د پلازمېنې کییف له شا و خوا وباسي، زیات سفارتونه بېرته پرانیستل شول. Читать дальше...

په هرات کې د ترکیې قونسلګري وايي په بادغیس ولایت کې پر ۲۵۰ اړو کورنیو د دوی له خوا بشري مرستې ووېشل شوې. دغې قونسلګرۍ پرون په خپل ټویټر کې لیکلي، دغه مرستې د ترکیې د ولسمشر په سپارښتنه د ترکیې د داخلي افتونو او اضطراري پېښو په وړاندې د مبارزې وزارت او د ترکیې د سرې میاشتې ټولنې په همکارۍ برابرې شوې وې. ترکیې تر دې مخکې هم د افغانستان په بېلابېلو برخو کې پر اړو کورنیو بشري مرستې وېشلې وې.