د طالبانو حکومت وايي، په کابل ښار کې چاودنې یو شمېر ملکي کسان ټپيان کړي. د کابل امنیه قومندانۍ ویاند خالد ځدران پر خپله ټویټر پاڼه لیکلي، چې نن مازدیګر د څلورمې حوزې اړوندو سیمه کې په یو بایسکل کې د ځای پر ځای شویو چاودېدونکو توکو له امله چاودنه رامنځته شوې ده. د هغه په خبره، په دغه چاودنه کې یو شمېر کسان ټپیان شوي دي. د کابل امنيه قوماندانۍ وياند همدا شان وايي، چې سيمه ته امنيتي ځواکونه رسېدلي دي. تراوسه پورې کومې ډلې د دې پېښې مسووليت نه دى منلى.
افغانستان په ګډون څو اسلامي هېوادونو د اسلام د پیغمبر په اړه د هند د واکمن ګوند د دوو پخوانیو چارواکو د لانجمنو څرګندونو پر وړاندې سخت غبرګون ښودلی. لږترلږه پنځو اسلامي هېوادونو د اسلام پیغمبر ته د دوو پخوانیو هندي چارواکو د سپکاوي په ځواب کې رسمي غبرګون ښودلی او د افغانستان او پاکستان چارواکو د هغوی څرګندونې په کلکه غندلې دي. دا لانجمنې څرګندونې د صدراعظم ندریندر مودي د بهاراتیا جاناتا ملتپال ګوند ویاندې نوپور شرما په مې میاشت کې په یوه ټلویزیوني پروګرام کې کړي او بل ویاند یې نوین جیندال پر ټویټر لیکلي. Читать дальше...
د ننګرهار چارواکي په جلال اباد ښار کې د غلو د یوې درې کسیزې ډلې د یوه غړي د وژل کېدو او دوو نورو د نیول کېدو خبر ورکوي. د ننګرهار امنیې قوماندانۍ ازادي راډیو ته په رااستول شویو معلوماتو کې ویلي د غلو یاده درې کسیزه ډله تېره شپه ناوخته د جلال اباد ښار د څلورمې ناحیې اړوند روښان مېنې سیمه کې پر یوه کور د اوښتو او سرو زرو او نغدي پیسو تر غلا کولو وروسته له ځایي طالب ځواکونو سره په مقاومت واښتل چې په نتیجه کې یې یو تن ووژل شو او دوه نور په ټپي حالت کې د دوی لاسته ورغلل. د دغو معلوماتو له مخې، ټپي... Читать дальше...
داسې مهال چې سعودي عربستان اعلان کړی، چې ښځې کولای شي بې له محرمه د حج لپاره ورشي، په افغانستان کې یو شمېر ښځې وايي، طالبان به هېڅکله دوی ته بې له محرمه د سفر اجازه ورنه کړي. د سعودي عربستان د نوې پرېکړې پر بنسټ، مسلمانې ښځې له دې وروسته کولای شي بې له شرعي محرمه د حج فریضي د ادا کولو لپاره دې هېواد ته ولاړې شي. دا لومړی ځل دی، چې د عربستان دولت مسلمانو ښځو ته بې له محرمه د حج په مراسمو کې د ګډون اجازه ورکوي. خو په افغانستان کې؛ ایا طالبان به اجازه ورکړي چې افغان ښځې بې له محرمه تر عربستانه... Читать дальше...
په کابل کې د پاکستان سفارت وايي د ویزو لپاره د افغانانو ډېر غوښتنلیکونه سم نه دي ډک شوي. دا خبره یاد سفارت نن په یوه اعلامیه کې کړې او ویلي یې دي د ویزو په غوښتنلیکونو کې ځینې تېروتنې د دې لامل شوي چې اکثرې غوښتنې بیا کتنې ته وړاندې شي. سفارت د پاکستان د ویزو له متقاضیانو غوښتي، چې د پاکستان د بلنلیکونو ټول جزییات په منظم ډول ولیکي څو یې په رڼا کې د ویزو پروسه مخته ولاړه شي. د راپورونو له مخې د افغانانو لپاره د پاکستان ویزې په سختۍ ورکول کېږي او ګڼ محصلین او ناروغان له ستونزو سره مخ دي.
زمبابوې کرکټ لوبډلې د افغانستان ملي لوبډلې ته د ۲۲۹ منډو هدف ورکړ. د زمبابوې او افغانستان د کرکټ ملي لوبډلو ترمنځ دوهمه یو ورځنۍ لوبه چې اوس د زمبابوې په پلازمېنې حراري کې روانه ده، افغان لوبډلې د پچې په ګټلو سره لومړی زمبابوې ته فرصت ورکړ چې توپوهنه وکړي. زمبابوې د ټولو لوبغاړو په سوځېدو سره افغان لوبډلې ته د ۲۲۹ منډو هدف کېښود چې افغان لوبډله یې باید په ۵۰ اورونو کې پوره کړي چې لوبه وګټي. د زمبابوې لپاره اینوسېنټ کایا ۶۳ منډې او ریان بورل ۵۱ منډې وکړې. د افغانستان لپاره فرید ملک درې او محمد نبي، راشد خان او فضل الحق فاروقي دوه ... Читать дальше...
د کابل د سنوکر لوبډلې لپاره ۱۷ لوبغاړي غوره شول. د افغانستان د بدني روزنې او ورزش ادارې نن پر خپله فېسبوک پاڼه لیکلي دي، چې د کابل سنوکر لوبډلې لپاره د غوراوي سیالۍ پرون مازدیګر پای ته ورسېدې چې له ډلې یې ۱۷غوره لوبغاړو د کابل لوبډلې ته لار ومونده. یادې ادارې لیکلي دي، چې ټاکل شوي لوبغاړي به د سنوکر په ملي سیالیو کې ګډون کوي او کولای شي له دې لارې د سنوکر ملي لوبډلې ته هم لار ومومي. د بدنې روزنې او ورزش ادارې د معلوماتو پر بنسټ په دې سیالیو کې ریس خان سنزي لومړی مقام او صالح محمد محمدي دوهم مقام خپل کړ.
وېلز فوټبال لوبډلې د اوکراین فوټبال لوبډلې په ماتولو سره د فوټبال د ۲۰۲۲ کال نړیوال جام ته لار ومونده. نړیوال جام ته د لارموندنې پایلوبه، چې تېره شپه د وېلز هېواد په کارډېف ښار کې وشوه، د وېلز لوبغاړي ګراټ بېل د لوبې په ۳۳مه دقیقه کې ګول وواهه چې د لوبې تر پایله دواړو لوبډلو بل ګول ونه واهه او لوبه یو ــ صفر د وېلز په ګټه تمامه شوه. له دې بریا سره د وېلز فوټبال لوبډلې د قطر د ۲۰۲۲ کال نړيوال جام ته لار ومونده چې په خپل ګروپ کې به له انګلنډ، امریکا متحده ایالتونو او ایران سره ولوبېږي. له بایللو... Читать дальше...
د برېټانیا د خبریالانو ملي ټولنې د افغان خبریالانو په وړاندې د طالبانو زیاتیدونکي محدودیتونه غندلي. دې ټولنې نن په یوه اعلامیه کې ویلي چې طالبان باید د افغان خبریالانو خپلسري نیونې او محدودیت ودروي. څو ورځې مخکې د خبریالانو نړیوال فدراسیون اندېښنه ښودلې وه چې په افغانستان کې د بیان ازادي ورځ تر بلې محدودیږي. د بریټانیا د خبریالانو د ملي ټولنې په نننۍ اعلامیه کې د طالبانو له خوا د دوو خبریالانو میرزا حسني او رومان کریمي نیول کېدو ته اشاره شوې او طالبان تورن شوي چې دا خبریالان یې ځورولي دي. ... Читать дальше...
د پاکستان پوځ ادعا کوي چې په شمالي وزیرستان او د بنو په جانيخېلو کې یې د عملیاتو پر مهال ۷ وسله وال وژلي دي. د پوځ عامه اړیکو څانګې ايي ایس پي ار پرون شپه ناوخته په یوه بیان کې ویلي چې د شمالي وزیرستان په حسن خېلو کې یې په عملیاتو کې دوه او په جانيخېلو کې یې پنځه وسله وال وژلي دي. د پاکستان پوځ داسې وخت د وسله والو د وژلو ادعا کړې چې د مې له مياشتې راهیسې د تحريک طالبان پاکستان او پاکستان حکومت ترمنځ د سولې خبرې روانې دي. دواړو خووا په افغانستان کې د طالبانو د حکومت په منځګړيتوب کابل ته له... Читать дальше...
د مطبوعاتو نړيوال انسټيټيوټ يا IPI یوه اعلامیه کې په افغانستان کې د خبریالانو نیول او زنداني کول غندلي او له طالبانو یې غوښتي چې سملاسي نیول شوي خبریالان خوشې کړي. دې انسټیټیوټ په خپله وېب پاڼه یوه اعلامیه خپره کړې، چې په کې راغلي د ۲۰۲۱ کال له اګست وروسته چې طالبان پر افغانستان واکمن شوي، پر خبریالانو فشار زیات شوی دی. اعلامیه کې راغلي، که څه هم طالبانو په پیل کې ژمنه کړې وه چې د رسنیو او بیان ازادۍ ته به ژمن وي، خو اوسمهال د قوانینو محدودېدو، د خبریالانو پر وړاندې د تاوتریخوالي زیاتېدو، د... Читать дальше...
اوکرایني چارواکي وایي چې د دونباس د سیمې د یوه مهم ښار سیویرودونتسک د نیمایي برخې کنټرول یې بېرته ترلاسه کړی. له دې سره دا ویره هم شته چې روسي ځواکونه به د غچ اخیستنې په پار بې رحمانه بمباریو ته مخه کړي. د اوکرایین ځواکونو په ختیځ کې د سیوییرودونیتسک په سخته جګړه کې د روسیې پوځیان په شا تمبولي او د دونباس د دغه مهم ښار نیمه برخه یې بېرته نیولې ده. سیمه ییز والي سرهي هېدای Serhiy Hayday دا خبره کړې ده خو تر څنګ یې اندېښمن دی چې روسي ځواکونه به د غچ اخیستنې په پار خپلې بېرحمانه بمبارۍ دوه برابره... Читать дальше...
د طالبانو د کرنې او مالدارۍ وزارت د یوې خبرپاڼې په خپرولو سره ویلي دي چې د کرنې د ودې او کلیوالي پراختیا پروژې (CBARD) په همکارۍ یې د دې ولایت په څلورو ولسوالیو سره رود، دره نور، لعلپوره او مومندرې کې په ۸۷۸ بڼوالو د سبو او حبوباتو تخمونه وېشلي دي. په خبر پاڼه کې راغلي دي چې ۳۰۰۰ کیلو ګرامه د لوبیا، ۶۰۰ کیلو ګرامه د پیازو او ۱۵۰۰ کیلو ګرامه د شفتالو تخمونه بڼوالو ته ورکړل شوي دي. د کرنې وزارت ویلي، د سبو او حبوباتو د تخمونو له وېشلو یې هدف د اصلاح شویو ډولونو رواجول، د نویو کرنیزو لارو چارو معرفي... Читать дальше...
د طالبانو حکومت ریاست الوزرا د اقتصادي مرستیال دفتر وايي، د افغانستان د بندرونو د عصري کولو په خاطر له یوې بهرنۍ کمپنۍ سره تړون کوي. دغه دفتر پر خپله ټوېټر پاڼه لیکلي دي، چې د طالبانو د حکومت اقتصادي کمېسیون د متحده عرب اماراتو له DP World کمپنۍ سره د افغانستان د بندرونو د عصري کولو او د افغانستان د صادراتو لپاره د اسانتياوو برابرولو په برخه کې د تفاهم پرېکړه وکړه. په توېټ کې دا هم راغلي، چې اقتصادي کمېسیون په غونډه کې د افغانستان رېل پټلۍ ادارې ته هم اجازه ورکړل شوه چې د حیرتان رېل پټلۍ د خدماتو پروژه نوي قرارداد داوطلبۍ ته وړاندې کړي. Читать дальше...
نېږدې لس میاشتې کېږي، چې په افغانستان کې له شپږم ټولګي پورته د نجونو زده کوونکو پر ښوونخيو بندیز لګېدلی دی. که څه هم د طالبانو حکومت ژمنه کړې وه، چې د دیني عالمانو یو شورا به په دې اړه پرېکړه کوي، خو دا ژمنه لا هم ژمنه پاتې ده. فرحناز چې د لوګر ولایت اوسېدونکې او د یولسم ټولګي زده کوونکې ده، د انجنیرۍ کېدو ارمان په زړه لري. فرحناز چې نه غواړي د امنیتي ستونزو له امله خپل ښوونځي نوم واخلي وايي: "هر وخت چې مونږ به مکتب کې سره خبرې کولې، یو به غوښتل، چې ښه انجنیره شي، بل به غوښتل چې ښه ډاکټره شي،... Читать дальше...
په داسې حال کې چې په افغانستان کې د مخکیني حکومت د کارکوونکو په ځانګړي ډول پوځیانو د هدفي وژنو او د طالبانو د مشر د بخښنې د فرمان د نقض په اړه راپورونه او اندېښنې موجودې دي، هېواد ته د افغان سیاسیونو او پخوانیو چاروکو د بېرته راستنولو لپاره د اړیکو کمېسیون یو ځل بیا، د راستنو شویو کسانو د خوندیتوب ډاډ ورکوي. د دغه کمېسیون ویاند احمدالله وثیق وايي، کوم کسان چې د دې کمېسیون له لارې هېواد ته را استول کېږي، د خوندیتوب کارت ورکول کېږي، چې له ستونزو او ګواښونو سره مخ نهشي. نوموړی وايي: "دغه کسان چې... Читать дальше...
د اوکراین ولسمشر ولودمیر زلنسکي په جنوب ختیځه سیمه زاپوریژیا کې له مېشتو پوځیانو سره وکتل، د هغوی د خدمت او قربانیو قدردانی یې وکړ. د ولسمشر زلنسکي دفتر پرون یکشنبه د هغه په وینا خبر ورکړی چې ویلي یې دي: "زموږ د ټولو او دولت د ساتنې لپاره ستاسو پوځیانو د عالي کار او خدمت مننه کوم." د اعلامیې په حواله، په دې کتنه کې د وژل شویو سرتېرو یاد ته د درناوي لپاره د څو شېبو لپاره چوپتیا هم غوره شوه. د زلنسکي دفتر وايي، ولسمشر وروسته په سیمه کې یوه روغتیايي مرکز ته لاړ او هلته یې له هغو کسانو سره خبرې... Читать дальше...
بېره کېږي، چې د نایجریا په جنوب لویدیځ کې به د ماشومانو په ګډون تر ۵۰ زیات کسان وژل شوي. څو تنه وسلوالو په اوو (Owo) سیمه کې د کاتولیک عیسویانو په یوه کلیسا کې پر عبادت کوونکو ډزې پیل کړې او منفجره مواد یې چولي. په ولسي جرګه کې د سیمې یوه استازي ادیلیګبې تیمایلین (Adelegbe Timileyin) ویلي، په پېښه کې لږ تر لږه ۵۰ کسان وژل شوي او د کلیسا مشر کشیش اختطاف شوی دی. دا لا معلومه نه ده چې په دې حمله کې څوک لاس لري. پېښه داسې وخت شوې، چې عبادت کوونکي پرون یکشنبه په کلیسا کې سره راغونډ شوي وو.
دا لوبه د ۲۰۲۳ کال د نړیوال جام د سوپر لیګ په لړ کې ترسره کېږي. د سوپر لیګ سیالۍ ځکه مهمې دي چې له شاملو لوبډلو نه به اته هغه چې د جدول په سر کې پاتې کېږي مخامخ د ۲۰۲۳ کال نړیوال جام ته لار پیدا کړي. لوبه به د زمبابوې په کوربهتوب د هرارې په سټډيوم کې د افغانستان په وخت په پنځلس کم دولسو بجو پیل شي. افغانستان د دې سیریز لومړۍ لوبه د شنبې په ورځ د شپیتو منډو په توپیر وګټله او د لوبې لس مهم امتیازونه یې خپل کړل.
یو ۸۳ کلن جاپانی سړی له امریکا نه خپل هېواد ته د سمندر له لارې ورسېد او نوم یې د تر ټولو ډېر عمر لرونکي کس په توګه ثبت شو چې دا سفر یې په کښتۍ کې وکړ. د ريپوټونو له مخې کینیچي هوري د روان کال په مارچ میاشت کې د امریکا له سان فرانسیسکو څخه په کښتۍ کې سفر پيل کړ او دوه میاشتې وروسته د ارام سمندر له لارې جاپان ته ورسېد. هغه په دې سفر کې یوازې و او د نړۍ د تر ټولو ژور سمندر پر سر یې بې له کومې دمې سفر وکړ.
د روسیې ولسمشر ولادیمیر پوتین په اوکراین کې د نویو ځایونو د هدف ګرځولو ګواښ کړی دی. پوتین پرون (د جون په پنځمه) د روسیې ۱ دولتي ټلوېزیون سره په مرکه کې وویل، که لویدیځ کییف ته د اوږده واټن ویشتونکو توغندیو په ګډون پوځي مرسته ورکړي، د اوکراین هغه سیمې به په نښه کړي چې تر اوسه پرې برید نهدی شوی؛ خو هغه د کومې ځانګړې سیمې نوم وانهخیست. روسیې د فبرورۍ په ۲۴مه پر اوکراین غیر موجه یرغل پیل کړ. د راپورونو له مخې په دې جګړه کې چې له سلو ورځو زیاتې پرې ووتلې لسګونه زره کسان وژل شوي او میلیونونه نور له خپلو کورونو او سیمو بې ځایه شوي دي.
د طالبانو د حکومت د کورنیو چارو وزارت وايي، په کابل کې یې تر ۲۰۰۰ ډېر کسان د جنايي جرمونو په تور نیولي دي. د دغه وزارت وياند عبدالنافع ټکور پرون (د غبرګولي ١٦مه) يوې خبري غونډې ته وويل، چې دا کسان ډېرى د جنايي جرمونو او نشه يي توکو د قاچاق په تور نيول شوي دي. د ټکور په وينا، له نيول شويو کسانو څخه يوه اندازه وسلې، مهمات او نشه يي توکي هم ترلاسه شوي دي.
د خوړو نړیوال پروګرام (WFP) د افغانستان په څلورو ولایتونو کې له ۱۵۰۰۰ څخه زیاتو کورنیو سره د خوراکي توکو د مرستې خبر ورکوي. د دې ادارې د معلوماتو له مخې، دغه مرستې تېره اوونۍ په بدخشان، هلمند، کاپیسا او نورستان ولایتونو کې پر اړو کسانو ووېشل شوې. د خوړو نړیوال پروګرام زیاته کړې، چې په افغانستان کې ټولټال ۱۸ میلیونه کسانو بشري مرستې ترلاسه کړي دي. د ملګرو ملتونو د راپور له مخې په افغانستان کې شاوخوا ۲۰ میلیونه وګړي له لوږې سره مخ دي او بېړنیو مرستو ته اړتیا لري.
ايرش انډيپنډنټ: ايرش انډیپنډت ورځپاڼې په یوه مطلب کې د افغانستان دننه اقتصادي او بشري وضعیت ته کتنه کړې ده. لیکوال د پلازمېنې کابل په یوه څنډه کې هغه زرګونه کسان انځور کړي چې د یوه نړیوال خیریه بنسټ د خوراکي موادو مرستو ته په اوږدو لیکو کې منتظر دي. دا ټول ولاړ کسان یوازې په همدې فکر کوي چې څنګه د بې وزلۍ او لوږې د زیاتېدو پر مهال ژوندي پاتې شي. د مطلب په دوام راغلي، چې په صف کې ولاړې هرې کورنۍ ته یوه بوجۍ اوړه، لږ اندازه غوړي، لوبیا او مالګه ورکول کېږي. مطلب کې د یوې مېرمنې خبرې را اخیستل... Читать дальше...
د ملګرو ملتونو د کډوالو د عالي کمېشنرۍ د معلوماتو له مخې، تر اوسه په افغانستان کې له اړمنو کسانو سره د مرستې لپاره د غوښتل شويو پيسو شاوخوا ٣٠ سلنه ترلاسه شوي دي. ملګرو ملتونو له افغانستان سره د درې میلیارده ډالرو مرستې غوښتنه کړې او ویلي یې دي چې دغه تشه باید تر ژمي مخکې ډکه شي. دغه سازمان د ۲۰۲۲ کال په لومړیو کې له یوه هېواد سره د مرستې لپاره تر ټولو ستره غوښتنه وکړه او ویلي یې و چې د افغانانو د اړتیاوو د پوره کولو لپاره به ۵ میلیارده ډالرو ته اړتیا ولري. له دې جملې څخه ۶۰۰ میلیونه ډالر په... Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости