Новости за 13.06.2022

د افغان - امریکايي پوهنتون لسګونه محصلانې چې د جمهوري نظام له سقوط وروسته په نورو هېوادونو کې د دې پوهنتون څانګو ته لېږدول شوې وې، نن یې د لیسانس دوره پای ته ورسوله. د طالبانو له راتګ وروسته چې د افغانستان امریکايي پوهنتون وتړل شو، دې پوهنتون ډېر محصلان په نورو هېوادونو کې خپلو څانګو ته ولېږدول چې خپلو زده کړو ته دوام ورکړي. له دې ډلې ۲۱ کلنه زحل احمدزۍ چې په ۲۰۱۹ کال کې یې د افغانستان امریکايي پوهنتون د حقوقو په برخه کې زده کړې پیل کړې وې، نن په قرغزستان کې د دې پوهنتون د منځنۍ اسیا له څانګې فارغه شوه. Читать дальше...

په نیمروز کې د طالبانو سیمه ییز چارواکي وايي، د دې ولایت په مرکز کې یوه سړي د ماشومانو او ښځو په ګډون د خپلې کورنۍ نهه تنه غړي په ډزو وژلي دي. د نیمروز د امنیه قوماندانۍ د رسنیو مسوول بهرام حقمل نن آزادۍ راډیو ته وویل، چې د تورن قاتل نوم ویس دی او پر قربانیان یې په دو جلا پېښو کې ډزې کړې دي. هغه وویل: "دې فرد خپلې دوه مېرمنې سره له څلورو ماشومانو د دوهمې امنیتي حوزې په ساحه کې په شهادت رسولي دي او د خپلې خسرګنۍ د کورنۍ پر څلور غړو یې د درېیمې حوزې په ساحه کې ډزې کړي، درې یې په شهادت رسولي او... Читать дальше...

د یو شمېر سیمو اوسېدونکي وايي، د طالبانو د سیمه ییزو چارواکو لخوا ورته سپارښتنه شوې چې داسې خلک دې د خپلو سیمو د ملکانو او استازو په توګه وټاکي چې له تېر جمهوري حکومت سره یې هېڅ اړیکه نه وي او د طالبانو خواخوږي وي. د طالبانو د سرپرست حکومت له لوري د جوړېدونکې جرګې په لړ کې د یو شمېر سیمو اوسېدونکي وايي، د طالبانو حکومت د سیمه ییزو چارواکو له لوري ورته ویل شوي چې د خپلو سیمو لپاره دې داسې ملکان او مشران وټاکي چې له تېر جمهوري حکومت سره یې یوه ورځ هم کار نه وي کړی او د دوی په خبره، د طالبانو د حکومت مخالف نه وي. Читать дальше...

د بې‌پولې خبریالانو سازمان وايي، تېره یوه میاشت کې په ټول افغانستان کې ۱۲ خبریالان نیول شوي او زنداني شوي دي. په افغانستان کې د طالبانو له‌خوا د خبریالانو د خپل‌سرو نیونو په اړه د بې‌پولي خبریالانو سازمان اندېښنه وښوده. دغه سازمان خپل یوه راپور کې چې پرون یې خپور کړی لیکلي، وروستۍ یوه میاشت کې د طالبانو له‌خوا ۱۲ خبریالان او د رسنیو کارکوونکي نیولي شوي او زنداني شوي دي. دې سازمان د خبریالانو خپل‌سري نیول غندلي او له طالبانو یې غوښتي، چې د خبریالانو د خوندیتوب او د ټولیزو رسنیو قانون ته درناوی وکړي. Читать дальше...

د ازادو سیالیو لوبغاړی احمد ولي هوتک دوه اوونۍ وروسته له روسي سیال سره لوبه کوي. هغه د دوشنبې په ورځ په کابل کې د یوې خبري ناستې پر مهال وویل، له اوږده ځنډ او سختو تمریناتو وروسته د دې لوبې لپاره چمتو شوی. هوتک وايي، لوبه به په روسیه کې د فري فایت په یو معتبر سازمان ( ام ام اې) کې له روسیه لوبغاړي سره ده. نوموړی وايي، کېدونکې لوبه د روانې میلادي میاشتې په ۲۴ نېټه ده. ولي هوتک په نږدې راتلونکي کې د نورو سیالیو خبر هم ورکړ او زیاتوي، سره له دې چې د زیاتو لوبو کول په فزیکي لحاظ ښه پایله نه شي... Читать дальше...

د افغانستان د د فوټبال ملي لوبډله سبا له کمبودیا سره د سیالۍ ډګر ته ښکته کېږي. د افغانستان د فوټبال فدراسیون په خپل فېسبوک پاڼه لیکلي، چې یاده سیالۍ د افغانستان په وخت ۴ بجې پیلېږي. د فدراسیون په وینا، افغان لوبغاړي د اسیا د ملتونو جام لپاره د لارموندنې وروستۍ سیالۍ لپاره پوره چمتوالی لري. د افغانستان د فوټبال ملي لوبډلې له دې وړاندې له هند سره په لوبه کې ۱-۲ ماتې وخوړه او له دې ماتې سره افغانستان د اسیا د ملتونو جام ته مخکې تګ چانس له لاسه ورکړ. سره له دې، چې افغانستان د اسیا د ملتونو جام... Читать дальше...

سریلانکا کرکټ ملي لوبډلې له پرلپسې دوو ماتو وروسته له استرالیا درېیمه شل اوریزه لوبه وګټله. د ورزشي اژانسونو د راپورونو له مخې، دغه سیالۍ چې اوونې وړاندې د سریلانکا په کوربتوب پیل شوې وې تېره ورځ د استرالیا په ماتې سره پای ته ورسېدې. په دغه سیالۍ کې استرالیا سریلانکا ته په شل اورونو کې ۱۷۷ د منډو هدف وټاکه او سریلانکا د څلور ویکټو په درلودو سره دغه هدف په وروستي اور کې پوره او لوبه یې وګټله. استرالیا له دې وړاندې له سریلانکا سره د شل اوریزو لوبلړۍ دوه لوبې ګټلې وې خو ورستۍ لوبه یې بیا وبایلله.

د خوست ولایت په یوه ځنګل کې د اور له لګېدو وروسته د دې ولایت اوسېدونکو نن غرمه ازادي راډيو ته ادعا وکړه، چې دا پېښه په قصدي ډول شوې ده او دوی د اور د مهارولو لپاره هڅې کوي. خوستي ځوانان وايي، د دې ولایت د قلندر ولسوالۍ د تبۍ سیمې په ځنګلونو کې اور لګېدلو یې د سترګو خوب تښتولی چې له همدې امله یې د اور وژلو په خاطر شپه په ځنګل کې تېره کړې ده. د خوست دوه اوسېدونکي نقیب الله ځلاند او احسان الله سعادت چې د اور د مهارولو لپاره سیمي ته تللي، د سترګو لیدل حال بیان کړ.نقیب الله ځلاند وویل: "موږ چې خبر... Читать дальше...

د طالبانو د حکومت ځايي چارواکي وايي، فراه ولايت کې يې ۳۰ جريبه ځمکه د کوکنارو او بنګو له کښت پاکه کړې او دا عملیات به همداسې دوام ولري. ځيني هغه بزګران چې د طالبانو حکومت‌يې د ترياکو او بنګو کښتونه اړولي وايي، دې ځمکو کې يې هغه مهال ترياک او بنګ کرلي وو چې د طالبانو حکومت‌یې کښت نه‌و منع کړی.

د طالبانو حکومت وياند ذبيح الله مجاهد په خپله ټوېټر پاڼه ليکلي چې د داعش یا اسلامي دولت ډلې یو مهم قومندان یې په کابل کې وژلی دی. هغه ویلي چې یکشنبه ناوخته د کابل په بګرامي ولسوالۍ کې د طالبانو ځواکونو د داعش په پټنځای برید وکړ او د دې ډلې یو مهم قومندان یې ور وواژه. مجاهد ویلي چې د داعش یو بل غړی په دې عملیاتو کې نیول شوی. د طالبانو حکومت ویلي د داعش دغو کسانو د کابل په جوماتونو او خانقاو بریدونه کړي وو او د بریښنا ستنې یې الوزولې وې. طالبانو وړمه ورځ/شنبه هم ویلي وو چې د تخار په مرکز تالقان ښار کې یې د داعش اته جنګیالي وژلي دي. Читать дальше...

بې پولې خبریالانو يوې اعلاميې کې ویلي چې د طالبانو حکومت تېر یوه میاشت کې ۱۲ افغان خبریالان بندیان کړي. په اعلامیه کې د طالبانو له حکومت غوښتل شوي چې د خبریالانو د خوندیتوب په برخه کې مسوولیت ادا او بندي خبریالان ژر تر ژره خوشې کړي. د طالبانو حکومت که څه هم د بې پولې خبریالانو په تازه راپور لا څه غبرګون نه دی ښودلی خو مخکې یې ویلي وو چې د خبریالانو او رسنیو فعالیتونو ته د دوی په خبره د اسلامي شریعت په چوکاټ کې اجازه ورکوي.

د تاجکستان چارواکي وایي چې په خپلواکه سیمه ګورنو-بدخشان کې یې دوه (د مجرمانو مشران) وژلي دي. دا په دغې سیمه کې د دولت ضد مظاهرو وروسته د خلکو د نیولو او وژلو تازه پیښه ده. د تاجکستان چارواکو ویلي، زویر رجبوف او خرسند مازوروف هغه مهال په ځانګړو عملیاتو کې له منځه ولاړل چې د تسلیمېدو لپاره یې د دوی غوښتنې ته توجه ونه کړه. په ګورنو بدخشان کې د عامه نظم څانګې ویلي، دغو دوو کسانو ته پخوا څو ځله احضار لیکونه ور استول شوي، خو دوی ترې ډډه کړې ده. د دوی په وینا عملیاتو کې لس نور کسان چې د دغو ( مجرمانو) پلویان ښودل شوي، نیول شوي دي.

یو مخکښ تحقیقاتي مرکز وايي چې امکان لري په را روانه لسیزه کې د نړۍ لوی قدرتونه خپلې اټومي وسلې پیاوړې کړي او په اړه یې تبلیغات وکړي. د ستوکهولم د سولې د تحقیقاتو انستیتیوت SIPRI په خپل کلني راپور کې چې نن خپور شو، دا خبره کړې. د دې مرکز یوه مخکښ څېړونکي ویلي داسې نښې نښاني شته چې د اټومي وسلو د کموالي پېر چې د سړې جګړې له پای ته رسېدو وروسته یې خبره کېدله نوره نو پای ته رسېدلې ده. د ستوکهولم د سولې د تحقیقاتو انستیتیوت وايي امکان لري په راروانو لسو کلونو کې د متحدو ایالتونو او روسیې په ګډون... Читать дальше...

د افغانستان د ټوکر (رخت) برخې سوداګر د وارداتو په برخه کې له جدي ستونزو سره مخ دي. د افغانستان د سوداګرۍ او پانګونې خونې تېره ورځ د یوې خبرپاڼه په خپرولو سره ویلي چې دغو سوداګرو د خونې له چارواکو سره د خپلو ستونزو د حل په موخه ناسته کړې. د خبرپانې په حواله، د ټوکر (رخت) سوداګرو له عربي متحده اماراتو او چین سره د ویزو او دغه شان له افغانستان دغه ملکونو ته د پېسو د لیږد په برخه کې خپلې اندېښنې د خونې چارواکو سره شریکي کړي. د خونې له لوري په خپره شوې خبرپاڼه کې ویل شوي چې د خونې چارواکو دغو سوداګرو... Читать дальше...

د طالبانو  په مشرۍ د افغانستان مرکزي بانک نن ۱۱ ميليونه ډالره ليلام ته وړاندې کوي. دغه بانک تېره ورځ ناوخته په خپل ټويټر پاڼه له ټولو شخصي بانکونو، پولي شرکتونو او پانګوالو چې په شرايطو برابر دي په دې پروسه کې د‌ ګډون غوښتنه کړې. د افغانستان بانک وړاندې ليکلي، چې د پروسې ګټونکی بايد خپل ټول حسابونه د ټاکلې نېټې پورې تصفيه کړي. د افغانستان بانک د دې پروسې د پیل هدف د بهرنیو اسعارو په وړاندې د افغانیو ارزښت ساتل او د افغانستان په لویو بازارنو کې د ژوند لومړنیو توکو د بیو راټیټېدل ښودلي دي. ... Читать дальше...

که څه هم طالبان ادعا لري، چې په ټول افغانستان کې یې بشپړ امنیت راويستی، خو یوازې پرون په څلور چاودنو او بریدونو کې لږ تر لږه ۳ تنه وژل شوي او ۱۷ نور ټپیان شوي دي. کونړ، کندز، بدخشان او بلخ هغه ولایتونه دي چې پرون په کې چاودنې او د وسله‌‌والو بریدونو شوي دي. پرون ورځ په کونړ او بدخشان کې د طالبانو پر رنجر موټرو چاودنې وشوې. طالب چارواکو ازادي راډیو ته تایید کړه چې په کونړ کې یې پر رنجر موټر د مقناطیسي ماین چاودنه کې یو وسله‌وال وژل شوی او شپږ نور ټپيان شوي. په بدخشان کې هم په ورته پېښه کې یو طالب وسله‌وال ټپي شوی. Читать дальше...

په ارجنټاین کې چارواکو د ونزویلا یوه بوینګ ۷۴۷ ډوله بار وړونکې الوتکه له ایران سره د اړیکو په تور د ځینو دلایلو له مخې توقیف کړې ده. د الوتنو د څار د ثبت شویو معلوماتو له مخې، دغه الوتکه تېره چهارشنبه د بوینس ایرس هوايي ډګر ته ورسېده. د ارجنټان د اپوزېسیون یوه وکیل او د ایران رسنیو پرون ویلي، دغه الوتکه د ارجنټاین د چارواکو له خوا توقیف شوې ده، خو د ارجنټاین حکومت لا دغه اقدام په عامه نه دی تایید کړی. خو د دغه هېواد د کورنیو چارو وزارت یو سند چې رویټرز اژانس هم کتلی ښېي، چې چارواکو دغه الوتکه... Читать дальше...

د ماشومانو د ملاتړ لپاره د ملګرو ملتونو د مرستندوی صندوق یو چارواکې وايي، په افغانستان کې یې تر ۴۰زره ۷۰۰ زیاتو ماشومانو ته د درملوونکو خوړو امکان برابر کړی دی. په افغانستان کې د یونېسف د تغذیې د برخې مشرې میلاني ګالوین (Melanie Galvin) نن سهار په ټویټر کې لیکلي، دغه غذايي مواد په اپرېل میاشت کې وېشل شوي دي. ملګرو ملتونو په وروستیو کې ویلي وو، افغانستان کې ۲۲ ميلیونه وګړي بېړنیو بشري مرستو ته اړتیا لري او که چېرې دا مرستې پر خپل وخت و نه‌رسېږي، زرګونه ماشومان به د خوارځواکۍ له امله مړه شي.

د اټومي انرژۍ د نړیوالې ادارې مشر پر ایران غږ کړی چې سمدستي د ۲۰۱۵ کال د اټمي موافقې د بیا ژوندي کولو لپاره خبرو ته حاضر شي. رافایل ګروسي له CNN سره په یوه مرکه کې چې پرون (د جون په 12) خپره شوه، وویل چې دوی اړتیا لري وضعیت سم کړي او په ګډه کار ته دوام ورکړي. امریکا د ډونلډ ټرمپ د ولسمشرۍ پر مهال په ۲۰۱۸ کال کې له ایران سره د نړۍ د قدرتونو له تړون څخه ووتله او پر دغه هېواد یې سخت بندیزونه ولګول. ایران تیره اونۍ په خپلو اټومي تاسیساتو کې د ملګرو ملتونو ۲۷ څارګرې کمرې وتړلې ځکه د اټومي انرژۍ... Читать дальше...

د جوردان ګاټلي کورنۍ پرون (د جون په ۱۲مه) اعلان وکړ چې د برېتانیا د پوځ دغه پخوانی سرتېری د سیویروډونتسک په ښار کې د اوکرایني او روسي ځواکونو ترمنځ د نښتې په ترڅ کې وژل شوی دی. د هغه د کورنۍ په وینا، ګاټلي له یو لړ ارزونو وروسته سږ کال په مارچ میاشت کې د اوکرایین د دفاع لپاره هغه هېواد ته ولاړ. د برېټانيا د بهرنيو چارو وزارت د خپل دغه تبعه په اړه نور جزئيات نه دي خپاره کړي خو ويلي يې دي چې په اوکراين کې د وژل شوي برېتانوي وګړي له کورنۍ سره مرسته کوي. تر دې مخکې د سکاټ سیبلي په نوم یو بل برېټانوی... Читать дальше...

د دوی تر منځ پرون د زمبابوې په کوربه‌توب په هرارې سټډيوم کې سیالي وشوه چې پکې افغانستان ۱۷۰ منډې وکړې خو سیال یې تر ۱۴۹ پورې ورسېد. په دې ترتیب افغانستان د ۲۱ منډو په ترتیب لوبه وګټله. افغان بالر فضل حق فاروقي د یوې ویکټې او کمو منډو په خاطر د لوبې غوره لوبغاړی شو. نوموړي وويل: "خوشاله په دې یم چې زه نوی نوی دې ټيم ته راغلی یم. څنګه چې زه لګیا یم او لوبه کوم ډېر زیات افتخار کوم. او کوښښ کوم چې افغانستان لپاره نورې ښې لوبې هم وکړم او ویاړ ورته راوړم. افغانستان د شنبې په ورځ هم په لومړۍ شل... Читать дальше...

د افغان ترک ښوونځي د جوزجان څانګې زده کوونکو د ۴۳ هېوادونو د زده کوونکو تر منځ د ساینس په المپیاد کې اول مقام ګټلی دی. د باختر اژانس د راپور له مخې د ساینس المپیاد په انلاین توګه د تایلند په کوربه‌توب ترسره شو چې پکې د جوزجان د افغان ترک زده کوونکو اولس ميډالونه وګټل. په دې ډله کې د سرو زرو د مډال ګټونکي سید احمدمبین ویلي چې ده او یوه ډله ټولګیوالو یې د ساینس په المپیاد کې برخه واخیسته او د افغانستان لپاره یې ویاړ وګاټه. د تایلند د ساینس المپياد سیالیو په تېر دور کې چې ۲۰۲۱ کال وشو د جوزجان زده کوونکو ۱۱ مډالونه ګټلي وو. Читать дальше...

نیویارک پوسټ: نیویارک پوسټ ورځپاڼې د امریکا د هغو په زرګونو پخوانیو افغان همکارانو ته په پام اړولی، چې له افغانستانه د امریکایي ځواکونو له وتلو وروسته په دې هېواد کې پاتې دي. لیکوال د خپل مطلب په پیل کې لیکلي، د ۲۰۲۱ کال په جولای کې، پنځه میاشتې مخکې له دې چې طالبان کابل ونیسي، د امریکا ولسمشر جوبایډن امریکایانو ته په وینا کې وویل، چې امریکا به هغه افغانان چې له امریکایي ځواکونو سره یې اوږه په اوږه کار کړی، ترشا پرېنږدي. بایډن دغو افغانانو ته په خطاب کې وویل: "که تاسو غوښتي وي، په متحدو ایالتونو... Читать дальше...

د بښنې نړیوال سازمان له طالبانو څخه د افغان یوټیوبر اجمل حقیقي د ژر تر ژره خوشې کیدو غوښتنه کړې ده. د ياد سازمان په یوه خبرپاڼه کې پرون راغلي، چې له يوې اوونۍ زياتې مودې وروسته د ښاغلي حقیقي او د هغه د درېيو همکارانو برخليک معلوم نه دى. د بښنې نړيوال سازمان وايي، طالبان په افغانستان کې له بيا واکمنېدو راهیسې د هغو کسانو پر وړاندې چې د بشري حقونو او عصري ارزښتونو ملاتړ کوي، له تاوتريخوالي، ځورونې او ډارولو څخه کار اخلي. د طالبانو حکومت وايي چې اجمل حقيقي او د هغه ملګري يې اسلام ته د سپکاوي په تور نيولي دي.

د پاکستان صدراعظم شهباز شریف د افغانانو لپاره د ټرانزیټ ویزې د مرستو د دوام یوه بېلګه یاده کړې او له نړۍ یې هم غوښتي چې له افغانانو سره همکاري وکړي. ښاغلي شریف پرون په دې اړه ټویټ کړی دی. د پاکستان د کابینې د پرېکړې په اساس دریمو هېوادونو ته تلونکي افغانان به له دې وروسته پاکستان ته په رسېدو سره سم یا ان اریوال On Arrival ویزې ترلاسه کړي. د پاکستان حکومت پرېکړه کړې چې د اګست تر اتمې پورې هغو افغانانو ته چې له دغه هېواده د نړۍ نورو هېوادونو ته سفر کوي ټرانزیټ ویزې ورکړي. صدر اعظم شهبازشریف په دې اړه یکشنبه ناوخته په یوه ټوېټ کې ویلي چې... Читать дальше...