د پکتیکا د ګيان ولسوالۍ اوسېدونکي وايي چې تېره شپهيې هم د زلزلې څو ټکانونه حس کړي دي. دا ولسوالۍ تېره اوونۍ د خونړۍ زلزلې شاهده وه چې ورانيو يې په تېرو څو لسيزو کې په افغانستان کې ساری نهدرلود. ملګرو ملتونو دغې سيمه کې د کولرا په څېر ناروغيو خبرداری ورکړی دی.
د پناه غوښتونکو لپاره د اروپايي ټولنې د یوه تازه راپور له مخې افغانان د اریتریا او سوریې له وګړو وروسته په اروپا کې د سیاسي پناه د غوښتونکو تر ټولو لویه شمېره جوړوي. د کډوالو لپاره د اروپايي ټولنې ادارې په خپل تازه کلني راپور کې چې نن د جون په ۲۸مه خپور شو په افغانستان کې د جمهوري نظام د سقوط، د بېلاروس د حکومت په مرسته اروپا ته د کډوالو د قاچاق او پر اوکراین د روسیې د برید په ګډون د ۲۰۲۱ او ۲۰۲۲ کلونو جریاناتو ته په پام سره دا راپور خپور کړی. په راپور کې اریتریا په سلو کې د ۸۱، سوریه په سلو... Читать дальше...
د یوې نړیوالې سروې نتیجه ښېي چې افغانستان په نړۍ کې هغه هېواد دی چې تر ټولو زیات منفي لوري ته روان دی. په دغه سروې کې چې واشنګټن مېشتي د ګالوپ څېړنیز انستیتوت ترسره کړې، په تېر ۲۰۲۱ کال کې نړیوالو ډېر منفي پرمختګونه تجربه کړي او مثبت یې لږ و. د دغې سروې له مخې فشار، خفګان او اندېښنه په ټوله نړۍ کې لوړ شوي، خو د افغانستان په اړه ویل شوي چې وضعیت په دغه جګړه ځپلي هېواد کې لا خراب شوی او افغانانو هغه څه لږه خوښي چې واک ته د طالبانو له رسېدو مخکې یې لرله هغه یې هم له لاسه ورکړې ده. د دغې سروې له... Читать дальше...
د مخدره موادو او جرمونو په وړاندې د ملګرو ملتونو د مبارزې دفتر "UNODC" په نړۍ کې د مخدره موادو د زیاتېدو خبر ورکړی. د دغه دفتر په راپور کې راغلي چې د ۲۰۲۰ او ۲۰۲۱ کلونو ترمنځ موده کې په نړۍ کې د مخدره موادو په تولید کې ۷ فیصده زیاتوالی راغلى دی چې مهم لامل یې په افغانستان کې د کوکنارو د کښت زیاتېدل دي. د مخدره موادو او جرمونو په وړاندې د ملګرو ملتونو د مبارزې دفتر "UNODC" د یو راپور په خپرولو سره ويلي، چې په نړۍ کې د مخدره موادو تولید او د ګټې اخیستنۍ کچه زیاته شوې ده. دغه دفتر ویلي چې په ۲۰۲۰... Читать дальше...
طالبانو کابل کې د دیني عالمانو د يوې لوی غونډې د جوړېدو خبر ورکړی، خو دا غونډه له جوړېدو وړاندې له ځان سره د ښځو او مذهبي لږکیو اندېښنې لري. په کابل کې د دیني عالمانو غونډه؛ هغه څه چې د ښځو او مذهبي لږکیو له رابللو پرته د طالبانو د ملاتړ جلسه بلل کېږي. ټاکل شوې، چې دا غونډه سبا د لویې جرګې په تالار کې جوړه شي، چې ویل کېږي، لویې سیاسي پرېکړې او تر خوا به یې له شپږم ټولګي پورته د نجونو د ښوونځیو د پرانستو په اړه به په کې بحثونه وشي. خو دې غونډه کې څوک ګډون لري؟ د بشري حقونو د څار سازمان د ښځو... Читать дальше...
په فاریاب ولایت کې د فوټبال غوره لیګ پیل شو. د فاریاب ولایت د فوټبال فدراسیون رییس فریدون عادل د یاد لیګ د پیل په مراسمو کې رسنیو ته وویل، د فاریاب د فوټبال لیګ سیالیو کې به د یاد ولایت له مرکز او ولسوالیو د فوټبال یولس لوبډلی په خپلو کې سیالي وکړي. په یاد لیګ کې له ۵۵ کیدونکو لوبو څخه، په لومړی هغې کې بیر لیک او اریا لوبډلو په خپلو کې لوبه وکړه او دا سیالي یو د یو په وړاندې مساوي پای ته ورسېده. د فاریاب ولایت د فوټبال فدراسیون د معلومات پر بنسټ، په یاد لیګ کې له یولسو شاملو لوبډلو څخه، بریالۍ... Читать дальше...
افغان تکواندو کارانو د اسیا په کچه د تکواندو په سیالیو کې اووم ځای خپل کړ. د افغانستان د تکواندو ملي فدراسیون په خبرپاڼه کې راغلي، چې افغان تکواندو کارانو وکړای شول د اسیا تکوادو سیالیو کې د پنځوسو امتیازونو په ترلاسه کولو سره، د یادو سیالیو اووم مقام خپل کړي. په دی سیالیو کې محسن رضایي وکړای شول خپل مغلستاني او جاپاني سیالانو ته ماتې ورکړي، خو د کوریایي سیال په وړاندې یی ماتې وخوړه، علي اکبر امیري خپل ازبکستاني سیال ته ماتې ورکړه، خو له ایرانۍ سیاله یې ماتې وخوړه، حسین لطفي خپل کویټي سیال مات کړ، خو د ایراني سیال په وړاندې یې ماتې ومنله. Читать дальше...
وسله والو نن د پاکستان په شمال لویدیځ کې د پولیو د واکسین د کمپاین پر یوه ټیم په برید کې یو روغتیاپال او دوه پولیس وژلي دي. دغه وروستۍ پېښه په شمالي وزیرستان کې چیرې چې د پولیو ډېرې پیښې ثبت شوې، رامنځ ته شوې ده. د افغانستان ترڅنګ پاکستان د نړۍ له هغو دوو هېوادونو دي چې تر اوسه پکې د پولیو ناروغۍ شته او ډېر ځلې د سخت دریځو له خوا پر واکسیناتورانو حملې کېږي. لکه د افغانستان په څېر په پاکستان کې هم له پنځو کلونو کم عمره ماشومانو ته د پولیو د واکسین کمپاین له پرون دوشنبې راهیسې پیل شوی دی. ... Читать дальше...
د چین د بهرنیو چارو وزیر وايي، هېواد یې له افغانستان سره د یوه ټولشموله او پراخ بنسټه حکومت په جوړولو کې رول لوبولو او مرستې ته دوام ورکړي. د چینايي رسنیو د راپور له مخې وانګ يي دا خبرې پرون د طالبانو د حکومت د بهرنیو چارو له وزیر امیرخان متقي سره په ټېلیفوني خبرو کې کړې دي. وانګ یي همداراز ویلي، چې چین به د ملګروملتونو او د شانګهای د همکارۍ د سازمان په څېر په نړیوالو ډګرونو کې هم د افغانستان لپاره د عدالت غوښتنه وکړي. نړیوالو تراوسه د طالبانو دولت په رسمیت نه دی پېژندلی او په وار وار یې له... Читать дальше...
د ناټو د غړو هېوادونو مشران نن ناوخته د اسپانیا په پلازمېنه مادرید کې په هغه درې ورځنۍ غونډه کې راټولېږي چې په وروستیو څو کلونو کې د دې ټلوالې تر ټولو مهمه غونډه ګڼل کېږي. د ناټو عمومي منشي یینس ستولتېنبېرګ پرون وویل، چې په دې سرمشریزه کې به د اوکراین لپاره د ډاډمنو مخابراتو، د ډرون ضد سیسټمونو او تېلو په څېر په بېلابېلو برخو کې د مرستو پر یوې نوې بستې موافقه وشي. په پام کې ده چې د اوکراین ولسمشر ولودیمیرزیلینسکي هم دې غونډې ته وینا وکړي.
د روغتیا نړیوال سازمان وايي، په پکتیکا او خوست کې د زلزلې له امله اغېزمن شوې ښځې او نجونې روغتیايي خدمتونو ته د لاسرسي په برخه کې له ننګونو سره مخ دي. په پکتیکا او خوست کې له نږدې یوې اوونۍ وروسته، لا هم زیانمن روغتیايي خدمتونو ته د لاسرسي په برخه کې ډېرې نیمګړتیاوې لري. د روغتیا نړیوال سازمان په خپل راپور چې پرون یې خپور کړی لیکلي، هلته ماشومان، نجونې او ښځې لا هم بشپړو روغتیايي اسانتیاوو ته کافي لاسرسی نهلري. د یاد سازمان له قوله، لا ډېرو سرچینو ته اړتیا ده چې د زیانمنو روغتیا ته پوره پام وشي. Читать дальше...
د اوکراین په مرکزي ښار کریمین چوک کې د روسیې د راکټي برید له کبله د قربانیانو په شمېر کې زیاتوالی راغلی. اوکرایني چارواکي وايي، چې د مرکزي ښار کریمین چوک پر یوه سوداګریز مرکز د روسیې د توغندويي برید د قربانیانو شمېر لږترلږه اتلسو ته لوړ شوی دی. په دې پېښه کې له شپېتو تنو زیات نور هم ټپیان شوي دي. د دې سیمې والي دیمیترو لونین نن پر خپله ټلګرام پاڼه د قربانیانو په شمېر کې د زیاتوالي خبر ورکړ. هغه همداراز لیکلي، چې ۳۶ نور کسان لاهم تري تم دي. لونین ویلي، د روسیې توغندويي برید سوداګریز مرکز ګردسره ویجاړ کړی دی. Читать дальше...
په داسې حال کې چې لوی اختر ته نږدې دوه اوونۍ پاتې، د طالبانو حکومت له لوري د دولتي ادارو ځینې تنقیص شوي کارکوونکی وایي، تر اوسه وزګار او له سختو اقتصادي ستونزو سره مخ دي. د دوی له ډلې احمدشاه او سید جعفر ازادۍ راډیو ته وویل، وړاندې له دې یې په دولتي ادارو کې په کار کولو سره د خپلو کورنیو مالي لګښتونه ورکول، خو سږ کال چې له دندې شړل شوی، نه خوراکي توکي لري او نه یې هم اختر ته تیاری کړی. د دولت دا کارکوونکي پر افغانستان د طالبانو له بیا واکمنېدو سره له دندو شړل شوي. دا په داسې حال کې ده، چې تازه... Читать дальше...
د پاکستان حکومت له افغانستانه د ډبرو سکرو د صادراتو پر زیاتوالي ټینګار کړی دی. په داسې حال کې چې له افغانستانه ګاونډي پاکستان ته د ډبرو سکرو او قیمتي ډبرو پر لېږد انتقادونه مخ پر زیاتېدو دي، د پاکستان لومړي وزیر له خپلې کابینې غوښتي چې له افغانستانه د ډبرو سکرو صادرات زیات کړي. شهباز شریف تېره ورځ ناوخته له افغانستانه د ډبرو سکرو د صادراتو د زیاتېدو په اړه د پاکستان د کابیني په یوه ځانګړې غونډه کې ویلي، دغه هېواد ته د ډبرو سکرو د وارداتو له درکه به پاکستان په کلني ډول دوه اعشاریه دوه میلیارده ډالره سپما وکړي. Читать дальше...
له افغانستان سره د هند له پنځوس زره ټنه مرسته شویو غنمو څخه تر اوسه څه باندې دېرش زره ټنه یې افغانستان ته لېږدول شوي. د هند د خوړو او درملو وزارت اعلان کړی چې، له هند څخه بهر د غنمو پر صادراتو له بندیز سره سره، نوی ډهلي به افغانستان ته د مرسته شویو غنمو د لېږد لړۍ روانه وساتي. هند په ۲۰۲۱ میلادی کال کې اعلان وکړ، چې له افغانستان سره د پنځوس زره ټنه غنمو مرسته کوي، خو د پاکستان له لارې د غنمو د لېږد پر سر د اسلام اباد او نوي ډهلي ترمنځ د نظر اختلاف له امله، افغانستان ته د یادو مرسته شویو غنمو... Читать дальше...
پکتیکا کې د طالبانو د حکومت د عامې روغتیا مشر وایي، نن سهار یوې بلې زلزلې د دغه ولایت ګیان ولسوالۍ او شاوخوا سیمه یې ولړزوله. حکمت الله عصمت ازادۍ راډیو ته وویل، چې د زلزلې د ځاني زیان راپور لا نه دی ور رسېدلی. یوه محلي خبریال له سیمې ازادۍ راډیو ته ویلي، ګیان ولسوالۍ کې تر ډېره دا مهال خلک په خیمو کې اوسي، نو ځکه یې د سر د زیان احتمال کم دی. د پکتیکا او خوست ولایت ګیان، برمل او سپېرې ولسوالۍ تېره چهارشنبه زوروې زلزلې وځپلې چې لږ تر لږه زر تنه په کې ووژل شول او نژدې درې زره نور ټپیان شول.
د نړۍ د ۷ سترو صنعتي هېوادونو مشرانو د اوکراین له ګڼې ګوڼې پر یوه ډک پلورنځي د روسیې توغندیز برید جنګي جنایت وباله. دغو مشرانو ژمنه وکړه، چې د روسیې له ولسمشر ولادمیر پوتین نه به د حملې پوښتنه کوي. د اوکراین په مرکزي ښار کریمینچوک کې دا برید د دوشنبې په ورځ وشو چې لږ تر لږه ۱۵ کسان په کې ووژل شول او ۵۰ نور ټپیان شول. د بریتانیا، کانادا، فرانسې، جرمني، ایتالیا، جاپان او امریکا مشرانو پرون په جرمني کې وویل، چې دا ډول بېباکانه بریدونه جنګي جنایت دی.
د افغانستان بانک نن ۱۱ میلیون امریکایي ډالره د دواطلبۍ له لارې پلوري. دغه اقدام د بهرنیو اسعارو پر وړاندې د افغانیو د ارزښت د ساتنې لپاره کېږي. د افغانستان بانک ویاند صابر مومند تېره ورځ ناوخته ازادي راډیو ته وویل: "د افغانستان بانک له ټولو تجارتي بانکونو او د پیسو له خدماتي شرکتونو چې په شرایطو برابر وي، غوښتل شوي چې په دې لیلام کې ګډون وکړي." د افغانستان بانک کله ناکله لسګونه ميلیون ډالر لیلاموي، چې د افغانیو د ارزښت له ثبات سره مرسته وکړي.
د طالبانو د حکومت د عامې روغتیا وزارت وايي، چې پرون دوشنبې له پکتیکا ولایت پرته د افغانستان په نورو ټولو ولایتونو کې د پولیو د واکسین کمپاین له کومې ستونزې پرته ښه مخ ته لاړ. دا خبره د دې وزارت د پولیو د له منځه وړلو د ملي مرکز مشر ډاکتر نیک ولي شاه مومن ازادي راډیو ته وکړه او ویې ویل: "له ټولو ولایتونو چې موږ نن احوال واخیست، د خدای په فضل کمپاین د پلان مطابق په نورمال شکل پرمخ لاړ. دغه کمپاین له پکتیکا پرته په ټول افغانستان کې شروع شوی دی." د روغتیا وزارت چارواکي هیله ښیي، چې د پولیو د واکسین... Читать дальше...
د افغانستان لپاره د ملګرو ملتونو د کډوالو عالي کمېشنرۍ یا یو ان اچ سي آر ویلي، چې په دیارلسو لاریو کې یې نهه سوه خیمې او د ژغورنې نور مواد پکتیکا او خوست ته استولي دي. یوان اچ سي آر په یوه ټویټ کې ویلي، چې دا اداره د افغانستان په جنوب ختیځ کې په زلزله ځپلو لرې پرتو سیمو کې د عاجلې سرپناه تشه ډکوي. د ملګرو ملتونو د کډوالو عالي کمېشنرۍ ویلي، چې د خوست په سپېرې او د پکتیکا په برمل ولسوالیو کې کورنۍ د دوی ملاتړ ته اړتیا لري. د تېرې چهارشنبې د ورځې د سهار وختې مرګونې زلزلې پر دغو دوو ولسوالیو سربېره... Читать дальше...
د ملګرو ملتونو د بشري چارو همغږې کونکې ادارې یا اوچا د افغانستان له زلزله ځپلو سره د مرستو لپاره د ۱۱۰ میلیون ډالرو بېړنۍ مرستې غوښتنه کړې ده. اوچا په یوه ټویټ کې ویلي، چې دغه پیسې له هغو ۳۶۲ زره کسانو سره د مرستې لپاره غواړي، چې په افغانستان کې د وروستۍ مرګونې زلزلې په ځپل شویو سیمو کې اوسي او زیانګالي دي. اوچا په یوه بل ټویټ کې د زلزله ځپلو سیمو د رغولو له چارو سره د استرالیا د حکومت د یو میلیون ډالرو مرستې خبر هم ورکړی او ویلي یې دي، چې پر دې سربېره استرالیا د ۲۰۲۱ کال راهیسې له افغانستان سره د ۱۴۰ میلیون ډالرو مرسته کړې ده.
ټاکل شوې چې د ملګروملتونو د بشري حقونو شورا د روانې اوونۍ د جمعې په ورځ په یوه بېړنۍ غونډه کې د افغان ښځو او نجونو د بشري حقونو په اړه خبرې وکړي. د افغان ښځو او نجونو په اړه دا ځانګړې غونډه د دې شورا د پنځوسمې غونډې په ترڅ کې جوړېږي. د افغانستان د بشري حقونو او د ښځو د چارو لپاره د امریکا ځانګړې استازې رینا امیري چې څو ورځې مخکې یې د ملګرو ملتونو د بشري حقونو له عالي کمېشنرې میشل باچلي سره د افغان ښځو او نجونو پر وضعیت خبرې کړې وې، پرون یو ځل بیا د ښځو او نجونو د حقونو د خوندیتوب لپاره د نړیوالو د یوه کلک او اصولي دریځ د دوام غوښتنه وکړه. Читать дальше...
د اوکراین په مرکزي ښار کریمینچوک کې د خرڅلاو پر یوه ګڼه ګوڼي مرکز د روسیې د یوه توغندویي برید په نتیجه کې لږترلږه پنځلس تنه وژل شوي او شاوخوا پنځوس تنه نور ټپیان شوي دي. د اوکراین ولسمشر ولادمیر زیلینسکي او نورو چارواکو سمدستي دغه برید وغانده. د پېښې له ځایه په یوه اخیستل شوې ویډیو کې ښکاري چې د خرڅلاو د دغه مرکز له ودانۍ څخه چې اور یې اخیستی، تور لوګي پورته کېږي. د کریمینچوک والي دیمیترو لونین ویلي، چې په دغه برید کې لږترلږه لس کسان وژل شوي دي. د اوکراین ولسمشر، ویلي دا حمله پر هغو خلکو... Читать дальше...
داسي ښکاري، چې په ایران کې د دولتي ادارو متقاعدین د خپلو غوښتنو لپاره له اعتراضونو لاس نه اخلي. په ایران کې متقاعدین د هغه څه لپاره چې دوی یې د حکومت له خوا د ژوند د شرایطو د خرابېدو پر وړاندې اجرااتو کې ناکامي بولي، اعتراضونو ته دوام ورکوي. په هغو ویډیوګانو چې په ټولنیزو رسنیو کې خپرې شوې ښکاري، چې پرون دوشنبې هم یو شمېر متقاعدین د ایران په لږترلږه څلورو ښارونو، اهواز، کرمانشاه، اراک او رشت کې واټونو ته راوتلي وو او د ایران د ولسمشر ابراهیم رییسي د حکومت پر ضد یې شعارونه ورکول. متقاعدینو په... Читать дальше...
په افغانستان کې د وروستۍ مرګونې زلزلې یوه لویه برخه قربانیان ماشومان دي، چې ملګرو ملتونو یې د مړو شویو او ټپیانو شمېر شاوخوا څلور سوه تنه ښودلی دی. ملګري ملتونه په افغانستان کې په وروستۍ مرګونې زلزله کې د په سلګونو لویانو ترڅنګ د لږترلږه ۱۵۵ ماشومانو د مړه کېدو او د دونیم سوه نورو د ټپي کېدو خبر ورکوي. د ملګروملتونو د بشري مرستو همغږه کونکې ادارې، اوچا ویلي د ریښتر په کچه د ۶،۱ درجې دغې زلزلې چې د تېرې چهارشنبې د ورځې سهار وختي د پکتیکا او خوست ولایتونو غرنۍ سیمې ولړزولې، په سلګونو کورونه یې... Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости