Новости за 28.03.2023

په افغانستان کې د ملګروملتونو مرستندوی دفتر په کابل کې د پرونۍ چاودنې په اړه په غبرګون کې ویلي چې دا ډول حملې د منلو وړ نه دي. په کابل کې د بهرنیو چارو وزارت د ودانۍ مخې ته په پرونۍ چاودنه کې د یو ماشوم په ګډون شپږ کسان ووژل شول. یوناما پرون په دې اړه په یوه ټویټ کې وویل، دا د منلو وړ نه ده چې پر افغانانو د عادي ژوند په حال کې حملې کېږي. د پرونۍ حملې مسوولیت داعش ډلې منلی. پر افغانستان د طالبانو له واکمنېدو وروسته د اکثر دې ډول تروریستي حملو مسوولیت داعش ډلې منلی دی.

د پاکستان کرکټ ملي لوبډلې د ۳ شل اوریزو لوبو د لړۍ په وروستۍ لوبه کې افغانستان ته د ۶۶ منډو په تفاوت ماتې ورکړه. په وروستۍ سیالۍ کې افغان لوبډلمشر پچه وګټله او توپ اچونه یې غوره کړه. پاکستان د ۷ لوبغاړو په سوځېدو ۱۸۲ منډې جوې کړې. په پاکستانیو توپ وهونکو کې صایم ایوب ۴۹، افتخاراحمد۳۱ او لوبډلمشر شاداب خان ۲۸ منډې جوړې کړې. د افغان لوبډلې په توپ اچونکو کې مجیب الرحمن ۲ او نورو ټولو توپ اچونکو یوه یوه وېکټ واخیسته. افغان لوبډلې په توپوهنه کې خپل ټول لوبغاړي تر ۱۱۶ منډو جوړولو وروسته له لاسه... Читать дальше...

د ایران په جنوب غربي ښار شوش کې مامورینو او متقاعدینو اعتصاب کړی. دوی د ژوند د ناوړه شرایطو پر وړاندې اعتراض کړی او پر حکومت یې فشار راوړی څو په نوي کال کې یې تنخواه ګانې او د تقاعد حقوق یې ورزیات کړي. پر ټولنیزو شبکو په خپرو شویو یویدیوګانو کې یوه ډله خلک لیدل کېږي چې د سیمه ییزې حکومتي ادارې مخې ته راټول شوي دي او په خپلو شعارونو کې وایي چې ظلم نور بس دی او زموږ دسترخوانونه تش دي. دا اعتصاب له هغو اعتراضونو څو اونۍ وروسته کېږي چې په شوش ښار کې د دولتي ودانیو مخې ته د اعتراضیه یکشنبه ګانو په نوم پیل شوي وو.

طالبانو مدني فعال او د قلم لار ټولنې مشر مطیع الله ویسا نیولی او بندي کړی یې دی. د ویسا مشر ورور ولي محمد اخلاقي تېره شپه ناوخته ازادي رادیو ته وویل چې طالبانو نوموړی پرون مازدیګر د کابل په خوشال خان مېنه کې له جومات څخه تر راوتلو وروسته ونیوه او نامعلوم لوري ته یې بوته. هغه وویل: "پنځه بجې وې چې مطیع الله ویسا راووت، زه دعا ته انتظار شوم، چې راووتم، د جومات مخې ته دوه موټر ولاړ وو. ویسا ورته ویل چې کارتونه ښکاره کړئ زه تاسو نه پېژنم، خو هغوی نه کارت ښکاره کړ او نه یې خبره منله. زور یې کاوه،... Читать дальше...

د بخښنې نړیوال سازمان یا ایمنسټي انټرنېشنل د ۲۰۲۲ او ۲۰۲۳ کال لپاره په خپل نوي راپور کې د افغانستان په ګډون د ټولې نړۍ د بشري حقونو وضعیت څېړلی دی. په افغانستان کې بشري وضعیت د بخښنې نړیوال سازمان یا ایمنسټي انټرنېشنل د ۲۰۲۲ او ۲۰۲۳ کال لپاره د تازه راپور لویه او مهمه برخه ده. په دې راپور کې چې پرون خپور شو، راغلي چې د ښځو پر حقونو، رسنیو او د بیان پر آزادۍ د طالبانو محدودیتونه په واضح ډول زیات شوي دي. راپور زیاتوي، هغه موسسې چې په افغانستان کې د بشري حقونو د ملاتړ لپاره رامنځته شوې وې، یا... Читать дальше...

د افغانستان لپاره د امریکا د سفارت شارژدافېره وايي، د نړۍ هېڅ هېواد اوسمهال پلان نه لري چې د طالبانو حکومت په رسمیت وپېژني. د افغانستان لپاره د متحدوایالتونو د سفارت شارژدافېره کرن ډیکر وايي، که څه هم یو شمېر هېوادونو په دې وروستیو کې د طالبانو استازو ته د افغانستان په سفارتونو کې ځای ورکړی، خو هغې وویل، هېڅ هېواد هم د طالبانو د حکومت د رسمیت پېژندنې پلان نه لري. مېرمن ډیکر چې پرون له یو شمېر افغان ښځینه خبریالانو سره په انلاین غونډه کې خبرې کولې دې پوښتنې ته چې ایا متحدایالات به د دې هېوادونو... Читать дальше...